ഒ​രു​മ​യു​ടെ മാ​ധു​ര്യ​വു​മാ​യി മ​ത്ര ബ​ല​ദി​യ പാ​ര്‍ക്ക് സ​മൂ​ഹ നോ​മ്പുതു​റ

മ​ത്ര: കൂ​ട്ടാ​യ്മ​യു​ടെ​യും ഒ​രു​മ​യു​ടെ​യും മ​ധു​രം വി​ള​മ്പി മ​ത്ര ബ​ല​ദി​യ പാ​ര്‍ക്കി​ലെ നോ​മ്പു​തു​റ സ​ജീ​വം.​ജ​ന​കീ​യ കൂ​ട്ടാ​യ്മ​യി​ല്‍ വ​ര്‍ഷ​ങ്ങ​ളോ​ളം മു​ട​ങ്ങാ​തെ ന​ട​ന്നു വ​ന്നി​രു​ന്ന മ​ത്ര ബ​ല​ദി​യ പാ​ര്‍ക്കി​ലെ സ​മൂ​ഹ നോ​മ്പു​തു​റ കോ​വി​ഡാ​ന​ന്ത​രം നി​ല​ച്ചു പോ​യി​രു​ന്നു.​മ​ത്ര ഹോ​ള്‍സെ​യി​ല്‍ മാ​ര്‍ക്ക​റ്റി​ലെ വ്യാ​പാ​രി​ക​ളു​ടെ​യും തൊ​ഴി​ലാ​ളി​ക​ളു​ടെ​യും സം​രം​ഭ​ക​രു​ടെ​യും കൂ​ട്ടാ​യ്മ​യി​ല്‍ തു​ട​ക്കം കു​റി​ച്ച ഇ​ഫ്താ​റി​ല്‍ ദി​വ​സ​വും നൂ​റു​ക്ക​ണ​ക്കി​ന് പേ​രാ​ണ് സം​ബ​ന്ധി​ച്ചി​രു​ന്ന​ത്.​പ​തി​ന​ഞ്ചു വ​ര്‍ഷ​ക്കാ​ലം റ​മ​ദാ​ന്‍ മാ​സം എ​ല്ലാ​ദി​വ​സ​വും മു​ട​ങ്ങാ​തെ ന​ട​ന്നി​രു​ന്ന ഇ​ഫ്താ​ര്‍ കോ​വി​ഡി​ന് ശേ​ഷം ന​ട​ത്താ​നാ​ളി​ല്ലാ​തെ നി​ല​ച്ചി​രി​ക്കു​ക​യാ​യി​രു​ന്നു‌.

ഏ​താ​നും വ​ര്‍ഷ​ത്തെ ഇ​ട​വേ​ള​ക്ക് ശേ​ഷം ഇ​ത്ത​വ​ണ മ​ത്ര കെ.​എം.​സി.​സി മു​ന്‍കൈ എ​ടു​ത്ത് വ്യാ​പ​രി​ക​ളു​ടെ​യും സ​ഹ​കാ​രി​ക​ളു​ടെ​യും പ​ങ്കാ​ളി​ത്ത​ത്തോ​ടെ കൂ​ടു​ത​ൽ വി​പു​ല​മാ​യ രീ​തി​യി​ല്‍ ഇ​ഫ്താ​ര്‍ സം​ഗ​മം പു​നഃ​സം​ഘ​ടി​പ്പി​ക്കു​ക​യാ​യി​രു​ന്നു. മ​ല​യാ​ളി കൂ​ട്ടാ​യ്മ​യു​ടെ സം​ഘാ​ട​ക മി​ക​വ് തെ​ളി​യി​ക്കും വി​ധ​മാ​ണ് ഇ​ഫ്താ​ര്‍ വി​രു​ന്ന് ന​ട​ക്കു​ന്ന​ത്.

വി​വി​ധ ദേ​ശ​ക്കാ​രാ​യ നൂ​റു​ക്ക​ണ​ക്കി​ന് പേ​ർ ദി​വ​സ​വും സം​ഗ​മി​ച്ച് വൃ​ത​വി​രാ​മം കു​റി​ക്കു​ന്ന​ത് കു​ളി​ർ​മ​യേ​കു​ന്ന കാ​ഴ്ച​യാ​ണ്.​മ​ല​യാ​ളി​ക​ളേ​ക്കാ​ള്‍ മ​റ്റു ദേ​ശ​ങ്ങ​ളി​ലു​ള്ള​വ​രാ​ണ് കൂ​ടു​ത​ലാ​യും ഇ​ഫ്താ​ര്‍ ഉ​പ​യോ​ഗ​പ്പെ​ടു​ത്തി വ​രു​ന്ന​ത്.​മ​ല​യാ​ളി​ക​ളു​ടെ ഇ​ത് പോ​ലു​ള്ള സം​രം​ഭ​ങ്ങ​ളെ പ്ര​ശം​സി​ച്ചും അം​ഗീ​ക​രി​ച്ചും സം​തൃ​പ്തി പ്ര​ക​ടി​പ്പി​ച്ചാ​ണ് ആ​ളു​ക​ള്‍ പി​രി​ഞ്ഞു

പോ​കു​ന്ന​ത്.​ ചെ​റി​യ വ​രു​മാ​ന​ക്കാ​രാ​യ തൊ​ഴി​ലാ​ളി​ക​ള്‍ക്കും താ​മ​സ സ്ഥ​ല​ങ്ങ​ളി​ല്‍ പാ​ച​ക​ത്തി​ന് സൗ​ക​ര്യ​മി​ല്ലാ​ത്ത​വ​ര്‍ക്കും വ​ഴി​യാ​ത്ര​ക്കാ​ര്‍ക്കും ഏ​റെ സൗ​ക​ര്യ​പ്ര​ദ​വും അ​നു​ഗ്ര​ഹ​വു​മാ​കു​ന്നു എ​ന്ന നി​ല​യി​ല്‍ മ​ത്ര ബ​ല​ദി​യ പാ​ര്‍ക്കി​ങ്ങി​ലെ വി​പു​ല​മാ​യ രീ​തി​യി​ല്‍ ന​ട​ന്നു​വ​രു​ന്ന‌ ഈ ​ഇ​ഫ്താ​ര്‍ ഏ​റെ ശ്ര​ദ്ധേ​യ​മാ​വു​ക​യാ​ണ്.

ഫ്രൂ​ട്സും, ല​ബ​നും, ബി​രി​യാ​ണി​യും അ​ട​ങ്ങു​ന്ന നോ​മ്പു​തു​റ വി​ഭ​വ​ങ്ങ​ള്‍, എ​ത്തി​ച്ചേ​രു​ന്ന എ​ല്ലാ​വ​ര്‍ക്കും തി​ക​യ​ത്ത​ക്ക രീ​തി​യി​ല്‍ ഒ​രു​ക്കാ​ന്‍ സം​ഘാ​ട​ക​ര്‍ ശ്ര​ദ്ധി​ക്കു​ന്നു​ണ്ട്. നോ​മ്പ് ക​ഴി​യു​ന്ന​ത് വ​രെ കു​റ്റ​മ​റ്റ രീ​തി​ല്‍ ഇ​ഫ്താ​ര്‍ സം​ഘ​ടി​പ്പി​ക്കു​ന്ന​തി​നു​ള്ള ഒ​രു​ക്ക​ങ്ങ​ള്‍ക്ക് പ്ര​വ​ര്‍ത്ത​ക​ര്‍ സ​ന്ന​ദ്ധ​രാ​ണെ​ന്ന് മ​ത്ര കെ.​എം​സി.​സി.​പ്ര​സി​ഡ​ന്റ് സാ​ദി​ഖ് ആ​ഡൂ​ര്‍ പ​റ​ഞ്ഞു.