വി​പ​ണി​യി​ൽ മാ​ന്ദ്യം; ടൂ​റി​സം സീ​സ​ണി​ൽ പ്ര​തീ​ക്ഷ​യ​ർ​പ്പി​ച്ച്​ മ​ത്ര​യി​ലെ വ്യാ​പാ​രി​ക​ള്‍

മ​ത്ര: വ്യാ​പാ​ര മാ​ന്ദ്യം മൂ​ന്നാം മാ​സ​ത്തി​ലേ​ക്ക് ക​ട​ന്ന​തോ​ടെ നി​ത്യ​ച്ചെ​ല​വു​ക​ള്‍ക്കു​പോ​ലും വ​ഴി​മു​ട്ടി മ​ത്ര സൂ​ഖി​ലെ ചെ​റു​കി​ട വ്യാ​പാ​രി​ക​ള്‍.സാ​ധാ​ര​ണ പെ​രു​ന്നാ​ള്‍ സീ​സ​ണ്‍ ക​ഴി​ഞ്ഞ​ശേ​ഷം ഒ​രു​മാ​സം‌ ക​ച്ച​വ​ടം മോ​ശ​മാ​യി അ​നു​ഭ​വ​പ്പെ​ടാ​റു​ള്ള​ത് പ​തി​വാ​ണ്. എ​ന്നാ​ല്‍, ഇ​ത്ത​വ​ണ ച​രി​ത്ര​ത്തി​ലി​ല്ലാ​ത്ത വി​ധം മാ​സ​ങ്ങ​ളോ​ളം നീ​ണ്ടു‌​നി​ന്ന​താ​ണ് ക​ച്ച​വ​ട​ക്കാ​രെ​യും അ​നു​ബ​ന്ധ തൊ​ഴി​ലാ​ളി​ക​ളെ​യും പ്ര​യാ​സ​ത്തി​ലാ​ക്കി​യ​ത്.

രാ​വി​ലെ ക​ട​ക​ള്‍ തു​റ​ന്നു രാ​ത്രി പൂ​ട്ടു​ന്ന​തു​വ​രെ മ​ണി​ക്കൂ​റു​ക​ള്‍ ഇ​രു​ന്ന​ശേ​ഷം കൈ​നീ​ട്ടം പോ​ലും വി​ല്‍ക്കാ​തെ വെ​റും​കൈ​യോ​ടെ മ​ട​ങ്ങി​പ്പോ​കേ​ണ്ട അ​വ​സ്ഥ​വ​രെ ചി​ല നേ​ര​ങ്ങ​ളി​ല്‍ നേ​രി​ടു​ന്ന​താ​യി ക​ച്ച​വ​ട​ക്കാ​ര്‍ സ​ങ്ക​ട​പ്പെ​ടു​ന്നു. ക​ച്ച​വ​ടം ന​ട​ക്കാ​തെ വ​ന്നാ​ലും ചെ​ല​വ് ചെ​ല​വു​ക​ളാ​യി അ​വ​ശേ​ഷി​ക്കു​ന്ന​തി​നാ​ല്‍ മി​ക്ക​സ​മ​യ​ങ്ങ​ളി​ലും ക​ടം വാ​ങ്ങി ഉ​ത്ത​ര​വാ​ദി​ത്ത​ങ്ങ​ള്‍ നി​ർ​വ​ഹി​ക്കേ​ണ്ടി​വ​രു​ക​യാ​ണ്. ക​ട, റൂം ​വാ​ട​ക, വൈ​ദ്യു​തി, വെ​ള്ള​ക്ക​രം തു​ട​ങ്ങി​യ ഒ​ഴി​ച്ചു​കൂ​ടാ​ന്‍ പ​റ്റാ​ത്ത ചെ​ല​വു​ക​ള്‍ ഏ​റെ ഞെ​ങ്ങി​ഞെ​രു​ങ്ങി​യാ​ണ് നി​ര്‍വ​ഹി​ച്ചു​പോ​രു​ന്ന​ത്. തൊ​ഴി​ലാ​ളി​ക​ളു​ടെ ശ​മ്പ​ള​വും ന​ല്‍കു​ന്ന​ത് മു​ട​ങ്ങു​ന്ന​ത് അ​വ​രെ​യും പ്ര​യാ​സ​ത്തി​ലാ​ക്കും.

ക​ഴി​ഞ്ഞ‌ മാ​സ​ങ്ങ​ളി​ല്‍ വൈ​ദ്യു​തി, വെ​ള്ളം തു​ട​ങ്ങി​യ​വ​യു​ടെ ബി​ല്ലു​ക​ള്‍ ക്ര​മാ​തീ​ത​മാ​യി വ​ര്‍ധി​ച്ചു​വ​ന്ന​തും വ്യാ​പാ​രി​ക​ൾ​ക്ക്​ ഇ​രു​ട്ട​ടി​യാ​യി​രി​ക്കു​ക​യാ​ണ്. മാ​സാ​വ​സാ​ന ആ​ഴ്ച​ക​ളി​ലെ വാ​രാ​ന്ത്യ ഒ​ഴി​വ് ദി​ന​ങ്ങ​ളി​ല്‍ ന​ട​ക്കു​ന്ന ഒ​റ്റ​പ്പെ​ട്ട ക​ച്ച​വ​ട​ങ്ങ​ളി​ലൊ​തു​ങ്ങി​യാ​ണ് വ്യാ​പാ​രി സ​മൂ​ഹം പി​ടി​ച്ചു​നി​ല്‍ക്കു​ന്ന​ത്. ക​ച്ച​വ​ടം ന​ട​ക്കാ​ത്ത​തി​നാ​ല്‍ അ​ര്‍ബാ​ന ഉ​ന്തി തൊ​ഴി​ല്‍ ചെ​യ്യു​ന്ന നി​ര​വ​ധി പേ​രു​ടെ തൊ​ഴി​ലി​ലും പ്ര​തി​സ​ന്ധി ത​ന്നെ​യാ​ണ്. മൂ​ന്നു മാ​സ​മാ​യി കാ​ര്യ​മാ​യ ജോ​ലി​ക​ളൊ​ന്നും ല​ഭി​ക്കു​ന്നി​ല്ലെ​ന്ന് മ​ത്ര​യി​ലെ അ​ര്‍ബാ​ന തൊ​ഴി​ലാ​ളി​യാ​യ ക​ണ്ണൂ​ർ സ്വ​ദേ​ശി അ​ര്‍ബാ​ന ക​രീം പ​റ​ഞ്ഞു. നാ​ലു ദ​ശാ​ബ്ദ​ങ്ങ​ളാ​യി അ​ര്‍ബാ​ന തൊ​ഴി​ലി​ല്‍ ഏ​ർ​പ്പെ​ട്ട് ക​ഴി​ഞ്ഞു​പോ​ന്നി​രു​ന്ന ക​രീം പ​റ​യു​ന്ന​ത് ഇ​ങ്ങ​നെ​യൊ​രു‌ അ​നു​ഭ​വം ആ​ദ്യ​മാ​യാ​ണെ​ന്നാ​ണ്. ചൂ​ട് ശ​മി​ച്ച് മെ​ച്ച​പ്പെ​ട്ട കാ​ലാ​വ​സ്ഥ സം​ജാ​ത​മാ​കു​ന്ന ന​വം​ബ​ർ‌ മു​ത​ല്‍ മാ​ര്‍ക്ക​റ്റ് ഉ​ണ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.കൂ​ടാ​തെ ഈ ​മാ​സാ​വ​സാ​ന​ത്തോ​ടെ വി​ദേ​ശ ടൂ​റി​സ്റ്റു​ക​ളും വ​ന്നു തു​ട​ങ്ങും. ടൂ​റി​സം സീ​സ​ണി​നെ വ​ലി​യ പ്ര​തീ​ക്ഷ​ക​ളോ​ടെ​യാ​ണ് വ്യാ​പാ​രി​ക​ള്‍ ഉ​റ്റു​നോ​ക്കു​ന്ന​ത്.