തേ​ൻകൃ​ഷി​യി​ൽ മ​ധു​ര​മൂ​റും വി​ജ​യ​വു​മാ​യി മ​ന​അ

മ​സ്ക​ത്ത്:​ ​​തേ​ൻ കൃ​ഷി​യി​ൽ മ​ധു​ര​മൂ​റു​ന്ന വി​ജ​യ​വു​മാ​യി ദാ​ഖി​ലി​യ ഗ​വ​ർ​ണ​റേ​റ്റി​ലെ മ​ന​അ വി​ലാ​യ​ത്ത്. ഈ ​സീ​സ​ണി​ൽ ഏ​ക​ദേ​ശം മൂ​ന്ന് ട​ൺ തേ​ൻ ആ​ണ് വി​ള​വ് എ​ടു​ത്ത​ത്. പ്ര​ധാ​ന​മാ​യും സി​ദ്ർ, സ​മ​ർ ഇ​ന​ങ്ങ​ൾ ഇ​തി​ൽ ഉ​ൾ​പെ​ടു​ന്ന​ത്. വി​ലാ​യ​ത്തി​ൽ നൂ​റി​ല​ധി​കം ആ​ളു​ക​ളാ​ണ് തേ​നീ​ച്ച വ​ള​ർ​ത്തു​ന്ന​ത്. 1,400 തേ​നീ​ച്ച​ക്കൂ​ടു​ക​ളാ​യി​രു​ന്നു ഇ​വ​ർ ന​ട​ത്തി​യി​രു​ന്ന​ത്. സു​ൽ​ത്താ​നേ​റ്റി​ന​ക​ത്തും പു​റ​ത്തു​മു​ള്ള ഫെ​സ്റ്റി​വ​ലി​ലൂ​ടെ​യും വ്യാ​പാ​ര പ​രി​പാ​ടി​ക​ളി​ലൂ​ടെ​യും ഒ​മാ​നി തേ​നി​ന്റെ ആ​ഭ്യ​ന്ത​ര ആ​വ​ശ്യം നി​റ​വേ​റ്റു​ന്ന​തി​ലും പ്രോ​ത്സാ​ഹി​പ്പി​ക്കു​ന്ന​തി​ലും ഈ ​തൊ​ഴി​ൽ പ്ര​ധാ​ന പ​ങ്ക് വ​ഹി​ക്കു​ന്നു​ണ്ടെ​ന്ന് മ​ന​അ​യി​ലെ കൃ​ഷി, ജ​ല​വി​ഭ​വ വ​കു​പ്പ് ഡ​യ​റ​ക്ട​ർ മു​ഹ​മ്മ​ദ് ഹാ​രി​ബ് ആ​ൽ ബ​ഹ്‌​ലാ​നി പ​റ​ഞ്ഞു. തേ​നീ​ച്ച പ്ര​ജ​ന​ന​ത്തെ​യും വ്യാ​പ​ന​ത്തെ​യും പി​ന്തു​ണ​ക്കു​ന്ന ദേ​ശീ​യ പ​രി​പാ​ടി​യി​ലൂ​ടെ കൃ​ഷി, മ​ത്സ്യ​ബ​ന്ധ​നം, ജ​ല​വി​ഭ​വ മ​ന്ത്രാ​ല​യം ഈ ​മേ​ഖ​ല​യെ പി​ന്തു​ണ​ക്കു​ന്നു​ണ്ടെ​ന്ന് ബ​ഹ്‌​ലാ​നി പ​റ​ഞ്ഞു. പ​രി​ശീ​ല​നം, സാ​ങ്കേ​തി​ക സ​ഹാ​യം, സു​സ്ഥി​ര തേ​ൻ ഉ​ൽ​പാ​ദ​നം ഉ​റ​പ്പാ​ക്കു​ന്ന​തി​നു​ള്ള ആ​ധു​നി​ക ഉ​പ​ക​ര​ണ​ങ്ങ​ൾ ന​ൽ​ക​ൽ എ​ന്നി​വ ഈ ​സം​രം​ഭ​ത്തി​ൽ ഉ​ൾ​പ്പെ​ടു​ന്നു.

അ​നു​കൂ​ല​മാ​യ കാ​ലാ​വ​സ്ഥ​യും കീ​ട​ങ്ങ​ളു​ടെ​യും രോ​ഗ​ങ്ങ​ളു​ടെ​യും അ​ഭാ​വ​വും കാ​ര​ണം ഈ ​സീ​സ​ണി​ൽ സ​മ​ർ തേ​നി​ന്റെ അ​ള​വി​ൽ ഗ​ണ്യ​മാ​യ വ​ർ​ധ​ന​വ് ഉ​ണ്ടാ​യി. ഇ​തി​ന്റെ ഫ​ല​മാ​യി ഉ​പ​ഭോ​ക്താ​ക്ക​ൾ​ക്ക് മി​ക​ച്ച വി​ല​യും ല​ഭി​ച്ചു​വെ​ന്ന് ബ​ഹ്‍ലാ​നി പ​റ​ഞ്ഞു. തേ​നീ​ച്ച വ​ള​ർ​ത്ത​ൽ പ​രി​പാ​ല​നം, തേ​നീ​ച്ച പ്ര​ജ​ന​നം, റാ​ണി വ​ള​ർ​ത്ത​ൽ എ​ന്നി​വ ഉ​ൾ​പ്പെ​ടെ വി​ദ്യാ​ർ​ഥി​ക​ൾ​ക്കാ​യി അ​വ​ബോ​ധ പ​രി​പാ​ടി​ക​ളും തേ​നീ​ച്ച വ​ള​ർ​ത്തു​ന്ന​വ​ർ​ക്കു​ള്ള പ്രാ​യോ​ഗി​ക പ​രി​ശീ​ല​ന​വും വ​കു​പ്പ് സം​ഘ​ടി​പ്പി​ക്കു​ന്നു. ആ​ദ്യ​കാ​ല​ങ്ങ​ളി​ൽ താ​ഴ്‌​വ​ര​ക​ളി​ൽ​നി​ന്നും പ​ർ​വ​ത​ങ്ങ​ളി​ൽ നി​ന്നു​മാ​യി​രു​ന്നു താ​ൻ തേ​ൻ ശേ​ഖ​രി​ച്ചി​രു​തെ​ന്ന്

നാ​ലു പ​തി​റ്റാ​ണ്ടി​ലേ​റെ​യാ​യി തേ​ൻ വി​ള​വെ​ടു​ക്കു​ന്ന പ​രി​ച​യ​സ​മ്പ​ന്ന​നാ​യ തേ​നീ​ച്ച വ​ള​ർ​ത്ത​ൽ​ക്കാ​ര​നാ​യ നാ​സ​ർ ബി​ൻ ഹ​മൗ​ദ് ആ​ൽ ബു​സൈ​ദി പ​റ​ഞ്ഞു. ഇ​ന്ന്, ഞാ​ൻ വി​ലാ​യ​ത്തി​ൽ സ്ഥി​ര​മാ​യ ഒ​രു തേ​നീ​ച്ച​ക്കൂ​ട് പ​രി​പാ​ലി​ക്കു​ക​യും സോ​ഷ്യ​ൽ മീ​ഡി​യ വ​ഴി തേ​ൻ വി​ൽ​ക്കു​ക​യും ചെ​യ്യു​ന്നു, ഇ​ത് സ്ഥി​ര​മാ​യ വ​രു​മാ​നം ന​ൽ​കു​ന്നു​ണ്ടെ​ന്നും അ​​ദ്ദേ​ഹം വ്യ​ക്ത​മാ​ക്കി. ക​ടു​ത്ത ചൂ​ടി​ലും വ​ര​ൾ​ച്ച​യി​ലും തേ​നീ​ച്ച​ക്കൂ​ടു​ക​ൾ പ​രി​പാ​ലി​ച്ച് കൊ​ണ്ടു​പോ​കു​ന്ന​തി​ന്റെ വെ​ല്ലു​വി​ളി​ക​ളാ​ണെ​ന്നും, പ​ക്ഷേ, ഈ ​സീ​സ​ണി​ൽ സ​മൃ​ദ്ധ​മാ​യ സ​മ​ർ പൂ​ക്ക​ളും അ​നു​കൂ​ല​മാ​യ വ​ര​ണ്ട സാ​ഹ​ച​ര്യ​ങ്ങ​ളും കാ​ര​ണം മി​ക​ച്ച ഉ​ൽ​പാ​ദ​ന​മാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.