ഇബ്രിയിൽ പാറക്കെട്ടുകളിൽനിന്ന് വീണയാ​​ളെ എയർലിഫ്റ്റ് ചെയ്തു

മസ്കത്ത്: ഇബ്രിയിലെ ജബൽ അൽ കോറിലെ പാറക്കെട്ടുകളിൽനിന്ന് വീണ് സ്വദേശി പൗരന് പരിക്കേറ്റു.

കഴിഞ്ഞ ദിവസമാണ് സംഭവം. കാലിനാണ് ഗുരുതര പരിക്കേറ്റത്. പൊലീസ് ഏവിയേഷന്റെ നേതൃത്വത്തിൽ ഇദേഹത്തെ ചികിത്സക്കായി എയർലിഫ്റ്റ് ചെയ്തു.

ഹെലികോപ്ടർ വഴി നിസ്‍വ ആശുപത്രിയിലേക്കാണ് എത്തിച്ചത്. അദ്ദേഹത്തിന് അടിയന്തര വൈദ്യസഹായം ലഭ്യമാക്കുകയും ചെയ്തതായി അധികൃതർ അറിയിച്ചു.