മകളുടെ വിവാഹത്തിന്​ നാട്ടിൽ പോകാനിരുന്ന മലയാളി ഒമാനിൽ കോവിഡ് ബാധിച്ച്​ മരിച്ചു

മസ്​കത്ത്​: മകളുടെ വിവാഹത്തിന്​ നാട്ടിൽ പോകാനിരുന്ന മലപ്പുറം സ്വദേശി ദേവദാസ് കപ്പൽപ്പടിക്കൽ (58) കോവിഡ് ബാധിച്ച്​ മരിച്ചു. മുപ്പതു വർഷമായി ഒമാനിലുള്ള ഇദ്ദേഹം ഇബ്രക്ക് സമീപം വാദി തൈനിൽ ഹോട്ടൽ നടത്തിവരികയായിരുന്നു.

നാട്ടിൽ മൂന്നാമത്തെ മകളുടെ വിവാഹം ഏപ്രിൽ പതിനേഴിന് ഉറപ്പിച്ചതായിരുന്നു. അതിൽ പങ്കെടുക്കാൻ പന്ത്രണ്ടാം തിയതി നാട്ടിലേക്ക്​ പോകുന്നതിന്​ സ്വകാര്യ ക്ലിനിക്കിൽ കോവിഡ് പരിശോധിച്ചപ്പോഴാണ്​ പോസറ്റീവ് ആ​െണന്നറിഞ്ഞത്​. തുടർന്ന് ഹോം ക്വാറൻറീനിൽ പ്രവേശിച്ചു. പതിനഞ്ചാം തിയതിയോടെ രോഗം മൂർച്ഛിക്കുകയും ബർക്കയിലെ സ്വകാര്യ ആശുപത്രിയിൽ പ്രവേശിപ്പിക്കുകയുമായിരുന്നു.

തിങ്കളാഴ്ച രാത്രിയാണ്​ മരണം സംഭവിച്ചത്​. നാട്ടിൽ മലപ്പുറം തിരൂർ വി.പി അങ്ങാടിയിലാണ് വീട്. ഭാര്യ: ശോഭ. മക്കൾ: നിമ്മി, വിന്നി, അനു.

വർഷങ്ങളായി ഓമനിലുള്ള ദേവദാസ്​ ഒട്ടേറെ പേർക്ക് സഹായങ്ങൾ ചെയ്യുകയും സാംസ്കാരിക പ്രവർത്തനങ്ങളിൽ സജീവമാകുകയും ചെയ്തിരുന്ന വ്യക്തിയായിരുന്നെന്ന് വാദി തൈനിലെ സുഹൃത്ത് വിനോദ് പറഞ്ഞു. മൃതദേഹം ബുധനാഴ്​ച സോഹാറിൽ സംസ്കരിക്കും.