മലയാളം പഠനക്ളാസ്  ഉദ്ഘാടനം ഇന്ന്

മസ്കത്ത്: സൊഹാര്‍ കെ.എം.സി.സിയും കേരള മലയാളം മിഷനും സംയുക്തമായി സംഘടിപ്പിക്കുന്ന മലയാളം പഠന ക്ളാസിന്‍െറ ഉദ്ഘാടനം ഇന്ന് നടക്കും. വൈകീട്ട് 6.30ന് കെ.എം.സി.സി മദ്റസ ഹാളില്‍ നടക്കുന്ന പരിപാടിയില്‍ കേരള ഫോക്ലോര്‍ അക്കാദമി ചെയര്‍മാന്‍ സി.ജെ. കുട്ടപ്പന്‍, ഗൂബ്ര  ഇന്ത്യന്‍ സ്കൂള്‍ മലയാളം വിഭാഗം മേധാവി ഡോ. ജിതീഷ് കുമാര്‍ തുടങ്ങിയവര്‍ ചടങ്ങില്‍ മുഖ്യാതിഥികളായിരിക്കും. സൗജന്യമായാണ് മലയാളപഠനം ആരംഭിക്കുന്നത്. 
എല്ലാ വ്യാഴാഴ്ചയും വൈകീട്ടാണ് മലയാള പഠനം ക്രമീകരിച്ചിട്ടുള്ളത്. രക്ഷാകര്‍ത്താക്കളും കുട്ടികളും വൈകുന്നേരം നടക്കുന്ന ചടങ്ങിന് മുമ്പ് പേരുകള്‍ രജിസ്റ്റര്‍ ചെയ്യേണ്ടതാണ്. മലയാളം മിഷന്‍ പാഠശാലയില്‍നിന്ന് പരിശീലനം ലഭിച്ച മലയാളം അധ്യാപകരാണ് ക്ളാസുകള്‍ കൈകാര്യം ചെയ്യുന്നത്. പരിപാടിയുടെ  വിജയത്തിനായി നടന്ന രക്ഷാകര്‍തൃ യോഗത്തില്‍ മദ്റസ മാനേജര്‍ റയീസ് ഇരിക്കൂര്‍ അധ്യക്ഷനായിരുന്നു. കെ.എം.സി.സി  പ്രസിഡന്‍റ് ടി.സി. ജാഫര്‍ ഉദ്ഘാടനം ചെയ്തു. ജനറല്‍ സെക്രട്ടറി കെ. യൂസുഫ് സലീം പരിപാടികള്‍ വിശദീകരിച്ചു.