മ​ജ്​​ലി​സ്​ ശൂ​റ ചെ​യ​ർ​മാ​ൻ തെ​ര​ഞ്ഞെ​ടു​പ്പ്​ ഇന്ന്

മ​സ്ക​ത്ത്​: മ​ജ്​​ലി​സ്​ ശൂ​റ​യു​ടെ പ​ത്താം ​ടേ​മി​ലേ​ക്കു​ള്ള ചെ​യ​ർ​മാ​നെ​യും ര​ണ്ടു ഡെ​പ്യൂ​ട്ടി ചെ​യ​ർ​മാ​ൻ​മാ​രെ​യും തി​ര​ഞ്ഞെ​ടു​ക്കു​ന്ന​തി​നാ​യി വ്യാഴാഴ്ച​ അ​സാ​ധാ​ര​ണ യോ​ഗം ചേ​രും. സു​ൽ​ത്താ​ൻ ഹൈ​തം ബി​ൻ താ​രി​ഖി​ന്റെ രാ​ജ​കീ​യ ഉ​ത്ത​ര​വു​ക​ളു​ടെ അ​ടി​സ്ഥാ​ന​ത്തി​ലാ​ണ്​ യോ​ഗം. കൗ​ൺ​സി​ലി​ലെ മു​തി​ർ​ന്ന അം​ഗ​ത്തി​ന്റെ അ​ധ്യ​ക്ഷ​ത​യി​ൽ ചേ​രു​ന്ന യോ​ഗ​ത്തി​ൽ ര​ഹ​സ്യ വോ​ട്ടെ​ടു​പ്പി​ലൂ​ടെ ചെ​യ​ർ​മാ​നെ​യും ര​ണ്ട് ഡെ​പ്യൂ​ട്ടി​മാ​രെ​യും തി​ര​ഞ്ഞെ​ടു​ക്കും.

തു​ട​ർ​ന്ന് മ​ജ്‌​ലി​സ് ശൂ​റ അം​ഗ​ങ്ങ​ൾ സ​ത്യ​പ്ര​തി​ജ്ഞ ചെ​യ്യും. സു​ൽ​ത്താ​ൻ ഹൈ​തം ബി​ൻ താ​രി​ഖി​ന്റെ ഉ​ദാ​ര​മാ​യ പി​ന്തു​ണ​യോ​ടും ശ്ര​ദ്ധ​യോ​ടും കൂ​ടി മ​ജ്‌​ലി​സ് ശൂ​റ പ​ത്താം ത​വ​ണ​യും ദേ​ശീ​യ ചു​മ​ത​ല​ക​ൾ നി​ർ​വ​ഹി​ക്കു​ന്ന​ത് തു​ട​രു​മെ​ന്ന് മ​ജ്‌​ലി​സ് ശൂ​റ​യു​ടെ സെ​ക്ര​ട്ട​റി ജ​ന​റ​ൽ ശൈ​ഖ് അ​ഹ്മ​ദ് ബി​ൻ മു​ഹ​മ്മ​ദ് അ​ൽ ന​ദാ​ബി പ​റ​ഞ്ഞു. ശൂ​റ കൗ​ൺ​സി​ലി​ന്റെ പ​ത്താം ടേം ​തെ​ര​ഞ്ഞെ​ടു​പ്പി​ന്റെ ഫ​ലം ആ​ഭ്യ​ന്ത​ര മ​ന്ത്രാ​ല​യം ക​ഴി​ഞ്ഞ ഞാ​യ​റാ​ഴ്ച​യാ​ണ്​ പ്ര​ഖ്യാ​പി​ച്ച​ത്.

അ​ന്ന്​ ത​ന്നെ​യാ​യി​രു​ന്നു വോ​ട്ടെ​ടു​പ്പും. രാ​ജ്യ​ത്തി​ന്​ പു​റ​ത്തു​ള്ള​വ​ർ ഒ​ക്​​ടോ​ബ​ർ 22ന്​ ​ആ​യി​രു​ന്നു വോ​ട്ട്​ ചെ​യ്ത​ത്. ഇ​ൻ​തി​ഖാ​ബ്​ ആ​പ്ലി​ക്കേ​ഷ​നി​ലൂ​ടെ ന​ട​ന്ന​ തെ​ര​ഞ്ഞെ​ടു​പ്പി​ൽ 65.88 ശ​ത​മാ​ന​മാ​യി​രു​ന്നു പോ​ളി​ങ്. 2019ലെ ​തെ​ര​ഞ്ഞെ​ടു​പ്പു​മാ​യി (49 ശ​ത​മാ​നം ​പോ​ളി​ങ്) താ​ര​ത​മ്യം ചെ​യ്യു​മ്പോ​ൾ വ​ൻ കു​തി​ച്ചു​ചാ​ട്ട​മാ​ണ്​ ഇ​ത്ത​വ​ണ വോ​ട്ടി​ങ്ങി​ലു​ണ്ടാ​യ​ത്. ശൂ​റ കൗ​ൺ​സി​ൽ തെ​ര​ഞ്ഞെ​ടു​പ്പി​ന്​ ആ​ദ്യ​മാ​യാ​ണ്​ ഇ​ല​ക്ട്രോ​ണി​ക്​ വോ​ട്ടി​ങ്​ രീ​തി ന​ട​പ്പാ​ക്കി​യ​ത്.

ശൂ​റ കൗ​ൺ​സി​ലി​ലേ​ക്ക്​ വി​ജ​യി​ച്ച​വ​രി​ൽ 64 ശ​ത​മാ​ന​വും പു​തു​മു​ഖ​ങ്ങ​ളാ​ണ്. ചി​ല ഗ​വ​ർ​ണ​റേ​റ്റു​ക​ളി​ൽ 98 ശ​ത​മാ​നം വ​രെ വോ​ട്ടി​ങ്​ രേ​ഖ​പ്പെ​ടു​ത്തി​യി​രു​ന്നു. അ​തേ​സ​മ​യം, വോ​ട്ടി​ങ്​ പ്ര​ക്രി​യ​യി​ൽ സ്​​ത്രീ​ക​ൾ സ​ജീ​വ​മാ​യി പ​ങ്കാ​ളി​ക​ളാ​യി​ട്ടും ഒ​രു വ​നി​ത​യും ഇ​ത്ത​വ​ണ ശൂ​റ കൗ​ൺ​സി​ലി​ലേ​ക്ക്​ തി​ര​ഞ്ഞെ​ടു​ക്ക​പ്പെ​ട്ടി​ല്ല. 90 സീ​റ്റു​ക​ളി​ലേ​ക്ക് 32 സ്ത്രീ​ക​ളു​ൾ​പ്പെ​ടെ 843 സ്ഥാ​നാ​ർ​ഥി​ക​ളാ​യി​രു​ന്നു മ​ത്സ​ര രം​ഗ​ത്തു​ണ്ടാ​യി​രു​ന്ന​ത്.