സുൽത്താനുമായി ലുലു ഗ്രൂപ്പ് ചെയർമാൻ കൂടിക്കാഴ്ച നടത്തി

മസ്കത്ത്​: യു.എ.ഇ സന്ദർശനത്തിനെത്തിയ ഒമാൻ ഭരണാധികാരി സുൽത്താൻ ഹൈതം ബിൻ താരിഖുമായി ലുലു ഗ്രൂപ്പ് ചെയർമാനും അബൂദബി ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി വൈസ് ചെയർമാനുമായ എം.എ. യൂസഫ് അലി കൂടിക്കാഴ്​ച നടത്തി. യു.എ.ഇ പ്രസിഡൻറ് ശൈഖ്​ മുഹമ്മദ് ബിൻ സായിദ് അൽ നഹ്‌യാനു നടത്തിയ അത്താഴ വിരുന്നിലായിരുന്നു കൂടിക്കാഴ്ച.

സന്ദർശനത്തിന്‍റെ ഭാഗമായി ഒമാനും യു.എ.ഇയും നിരവധി കരാറുകളിലും ധാരണാപത്രങ്ങളിലും ഒപ്പുവെച്ചു. നിക്ഷേപം, പുനരുപയോഗ ഊർജം, റെയിൽവേ, ആധുനിക സാങ്കേതികവിദ്യ തുടങ്ങി വിവിധ മേഖലകളിലാണ്​ കരാറുകളിലും ധാരണാപത്രങ്ങളിലും എത്തിയത്​.