ന്യൂനമർദം: വടക്കൻ ഗവർണറേറ്റുകളിൽ കനത്ത മഴ

മസ്​കത്ത്​: ന്യൂനമർദത്തെ തുടർന്ന്​ ഒമാ​െൻറ വടക്കൻ ഗവർണറേറ്റുകളിൽ പലയിടത്തും കനത്ത മഴ. ദാഖിലിയ, ദാഹിറ, ശർഖിയ, മസ്​കത്ത്​ ഗവർണറേറ്റുകളുടെ ഭാഗങ്ങളിലാണ്​ മഴയുണ്ടായത്​.

പലയിടങ്ങളിലും ശക്​തമായ മഴയിൽ വാദികൾ നിറഞ്ഞൊഴുകിയതിനെ തുടർന്ന്​ ഗതാഗതം തടസ്സപ്പെട്ടു. നഗരപ്രദേശങ്ങളടക്കം മേഖലകളിൽ വെള്ളക്കെട്ടുകളും രൂപപ്പെട്ടു. മസ്​കത്ത്​ നിസ്​വ റോഡിൽ സമാഇൗലിനും ബിഡ്​ബിഡിനുമിടയിൽ റോഡിൽ വലിയ തോതിൽ വെള്ളക്കെട്ടുണ്ടായതിനെ തുടർന്ന്​ ഗതാഗതം മന്ദഗതിയിലായി.

ചില ചെറിയ അപകടങ്ങളും ഇൗ മേഖലയിലുണ്ടായതായും വാഹനയാത്രികർ ജാഗ്രത പാലിക്കണമെന്നും റോയൽ ഒമാൻ പൊലീസ്​ അറിയിച്ചു. റൂവി, മത്ര, വാദികബീർ തുടങ്ങിയ മേഖലകളിൽ സന്ധ്യയോടെ ചാറ്റൽ മഴ പെയ്​തു. വൈകുന്നേരം മുതൽതന്നെ മസ്​കത്തി​െൻറ വിവിധ പ്രദേശങ്ങളിൽ അന്തരീക്ഷം മേഘാവൃതമായിരുന്നു.