ഒമാനിലെ മത്രയിൽ ലോക്​ഡൗൺ ശനിയാഴ്​ച മുതൽ ഭാഗികമായി നീക്കും 

മസ്​കത്ത്​: മത്ര വിലായത്തിലെ ഭൂരിഭാഗം സ്​ഥലങ്ങളിലെയും ലോക്​ഡൗൺ ജൂൺ ആറ്​ ശനിയാഴ്​ച മുതൽ നീക്കുമെന്ന്​ ആരോഗ്യ മന്ത്രി ഡോ. അഹമ്മദ്​ അൽ സഇൗദി വാർത്തസമ്മേളനത്തിൽ അറിയിച്ചു. ഇൗ പ്രദേശങ്ങളിലെ സ്വദേശികളും വിദേശികളും ഹെൽത്ത്​ ​െഎസോലേഷൻ നടപടിക്രമങ്ങൾ പാലിച്ചതിനാൽ രോഗപകർച്ച കുറഞ്ഞിട്ടുണ്ട്​. 

അതേസമയം ഹമരിയ, പഴയ മത്ര സൂഖ്​ പരിസരം എന്നിവിടങ്ങളിലെ ഹെൽത്ത്​ ​െഎസോലേഷൻ നടപടി തുടരും. മത്രയിൽ നിന്നുള്ള ടാക്​സി സർവിസുകളും അനുവദിക്കില്ല. മത്രക്ക്​ പുറമെ വാദികബീർ വ്യവസായ മേഖലയിലെയും ബിസിനസ്​ സ്​ഥാപനങ്ങളും അടഞ്ഞുതന്നെ കിടക്കും. വ്യാഴാഴ്​ച 778 പേർക്ക്​ കൂടി കോവിഡ്​ സ്​ഥിരീകരിച്ചിട്ടുണ്ട്​. ഇതിൽ 513 പേരും പ്രവാസികളാണ്​. 

ഇതോടെ രാജ്യത്തെ മൊത്തം കോവിഡ്​ രോഗികളുടെ എണ്ണം 14,316 ആയി. രോഗം ഭേദമായവരുടെ എണ്ണം 3154 ആയി ഉയർന്നു​. 67 പേരാണ്​ ഇതുവരെ മരിച്ചത്​. 226 പേരാണ്​ നിലവിൽ ആശുപത്രികളിൽ ചികിൽസയിലുള്ളത്​. ഇതിൽ 58 പേർ തീവ്രപരിചരണ വിഭാഗത്തിലാണ്​​. 

മഹാമാരി റിപ്പോർട്ട്​ ചെയ്​തത്​ മുതൽ ഇതുവരെ 799 പേരെയാണ്​ ആശുപത്രികളിൽ പ്ര​േവശിപ്പിച്ചത്​. ഇതിൽ 120 പേരെ തീവ്ര പരിചരണ വിഭാഗത്തിലാണ്​ പ്രവേശിപ്പിച്ചത്​. ഒമാനിലെ മൊത്തം കോവിഡ്​ കേസുകളിൽ ഒരു ശതമാനം ആളുകളെ മാത്രമാണ്​ ആശുപത്രികളിൽ പ്രവേശിപ്പിച്ചിട്ടുള്ളൂ. കൂടുതൽ പരിശോധനകൾ നടക്കുന്നതിനാലാണ്​ കൂടുതൽ രോഗബാധ റിപ്പോർട്ട്​ ചെയ്യപ്പെടുന്നത്​. ഇതോടൊപ്പം റമദാ​​െൻറ അവസാന രണ്ട്​ ആഴ്​ചകളിലും ചിലർ സാമൂഹിക അകലം പാലിക്കാതിരുന്നതും രോഗ വ്യാപനത്തിന്​ വഴിയൊരുക്കി. 

ഒമാനിലെ വിദേശികൾക്ക്​ കോവിഡ്​ ചികിത്സയും പരിശോധനയും പൂർണമായി സൗജന്യമായിരിക്കും. ആരും ഒരു റിയാൽ പോലും നൽകേണ്ടിവരില്ല. എല്ലാ ചെലവും സ്​പോൺസർമാർ, സർക്കാർ, ഇൻഷൂറൻസ്​ കമ്പനികൾ എന്നിവ മുഖേന നൽകുമെന്നും ആരോഗ്യ മന്ത്രി പറഞ്ഞു. രോഗ വ്യാപനത്തി​​െൻറ വേഗത കുറഞ്ഞിട്ടുണ്ട്​. മുൻകരുതൽ നടപടി പാലിക്കുന്നതിൽ ജനങ്ങൾക്കുള്ള പ്രതിബദ്ധതയാണ്​ ഇതിന്​ കാരണം. 

കോവിഡ്​ രോഗാണു പേപ്പർ പ്രസിദ്ധീകരണങ്ങളിലൂടെ പടരില്ലെന്നാണ്​ പഠനങ്ങൾ വ്യക്​തമാക്കുന്നതെന്ന്​ ആരോഗ്യ മന്ത്രാലയത്തിലെ ഡിസീസ്​ സർവൈലൻസ്​ ആൻഡ്​​ കൺട്രോൾ വിഭാഗം ഡയറക്​ടർ ജനറൽ ഡോ. സൈഫ്​ അൽ അബ്രി പറഞ്ഞു. അതിനാൽ ഇൗ വിഷയത്തിൽ ചില നിർദേശങ്ങൾ സുപ്രീം കമ്മിറ്റിക്ക്​ സമർപ്പിച്ചിട്ടുണ്ടെന്നും അദ്ദേഹം പറഞ്ഞു. ന്യൂസ്​പേപ്പറുകൾ പ്രസിദ്ധീകരണം പുനരാരംഭിക്കുന്നത്​ സംബന്ധിച്ച തീരുമാനം അടുത്തയാഴ്​ചയോടെ കൈകൊള്ളുമെന്ന്​ ആരോഗ്യ മന്ത്രിയും പറഞ്ഞു.