ലിവ മോഡൽ റെസിഡൻഷ്യൽ സിറ്റി ഇന്ന്​ നാടിന്​ സമർപ്പിക്കും

മ​സ്ക​ത്ത്​: വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റ്​ ലി​വ വി​ലാ​യ​ത്തി​ലെ മോ​ഡ​ൽ റെ​സി​ഡ​ൻ​ഷ്യ​ൽ സി​റ്റി തി​ങ്ക​ളാ​ഴ്ച നാ​ടി​ന്​ സ​മ​ർ​പ്പി​ക്കും. സ​യ്യി​ദ് ബി​ൽ അ​റ​ബ് ബി​ൻ ഹൈ​തം അ​ൽ സ​ഈ​ദ്​ ഉ​ദ്​​ഘാ​ട​നം ചെ​യ്യും. 52ാം ദേ​ശീ​യ​ദി​ന വാ​ർ​ഷി​ക​ത്തി​ന്‍റെ ഭാ​ഗ​മാ​യാ​ണ്​ മോ​ഡ​ൽ റ​സി​ഡ​ൻ​ഷ്യ​ൽ സി​റ്റി തു​റ​ക്കു​ന്ന​ത്.സു​ഹാ​ർ തു​റ​മു​ഖ​ത്തെ തു​ട​ർ​ന്ന്​ ഘ​ട്ഫാ​ൻ ടൗ​ൺ​ഷി​പ് മു​ത​ൽ വി​ലാ​യ​ത്ത് റൗ​ണ്ട് എ​ബൗ​ട്ട് വ​രെ​യു​ള്ള പ്ര​ദേ​ശ​ങ്ങ​ളി​ലെ പൗ​ര​ന്മാ​രെ മാ​റ്റി​പ്പാ​ർ​പ്പി​ക്കാ​ൻ ഭ​വ​ന, ന​ഗ​രാ​സൂ​ത്ര​ണ മ​ന്ത്രാ​ല​യം ഏ​റ്റെ​ടു​ത്തി​ട്ടു​ള്ള ഏ​റ്റ​വും വ​ലി​യ പ​ദ്ധ​തി​യാ​ണ് റെ​സി​ഡ​ൻ​ഷ്യ​ൽ സി​റ്റി.

സ്‌​കൂ​ളു​ക​ൾ, ആ​രാ​ധ​നാ​ല​യ​ങ്ങ​ൾ, ആ​രോ​ഗ്യ കേ​ന്ദ്രം, വൈ​ദ്യു​തി ഉ​ൽ​പാ​ദ​ന കേ​ന്ദ്ര​ങ്ങ​ൾ, ഇ​ന്ധ​ന സ്റ്റേ​ഷ​നു​ക​ൾ, പാ​ർ​ക്കു​ക​ൾ, ക​ളി​സ്ഥ​ല​ങ്ങ​ൾ, മാ​ളു​ക​ൾ പോ​ലു​ള്ള വാ​ണി​ജ്യ സ്ഥാ​പ​ന​ങ്ങ​ൾ​ക്കു​ള്ള സ്ഥ​ല​ങ്ങ​ൾ തു​ട​ങ്ങി​യ​വ നാ​ബ​ർ ഏ​രി​യ​യി​ലെ പ​ദ്ധ​തി​യി​ൽ ഉ​ൾ​പ്പെ​ടു​ന്നു​ണ്ട്1,256 ഹെ​ക്ട​ർ സ്ഥ​ല​ത്ത് 2,963 റെ​സി​ഡ​ൻ​ഷ്യ​ൽ പ്ലോ​ട്ടു​ക​ളാ​ണു​ള്ള​ത്. കൂ​ടാ​തെ അ​ടി​സ്ഥാ​ന സൗ​ക​ര്യ​ങ്ങ​ൾ, റോ​ഡു​ക​ൾ, ലൈ​റ്റി​ങ്​ എ​ന്നി​വ​ക്കാ​യു​ള്ള പ്രോ​ജ​ക്ടു​ക​ൾ ഉ​ൾ​പ്പെ​ടു​ന്ന ഏ​ക​ദേ​ശം 3,400 റെ​സി​ഡ​ൻ​ഷ്യ​ൽ ഹോ​മു​ക​ൾ ഉ​ൾ​പ്പെ​ടു​ന്നു​ണ്ട്. 133 കി​ലോ​മീ​റ്റ​ർ നീ​ള​മു​ള്ള ജ​ല​വി​ത​ര​ണ ശൃം​ഖ​ല, 61 കി​ലോ​മീ​റ്റ​ർ ജ​ല​സേ​ച​ന പൈ​പ്പ് ലൈ​ൻ, 386 കി​ലോ​മീ​റ്റ​ർ നീ​ള​ത്തി​ൽ വൈ​ദ്യു​തി കേ​ബ്​​ളു​ക​ൾ, 201 കി​ലോ​മീ​റ്റ​ർ നീ​ള​മു​ള്ള ഫൈ​ബ​ർ ഒ​പ്റ്റി​ക് കേ​ബി​ളു​ക​ൾ, 41 കി​ലോ​മീ​റ്റ​ർ പൈ​പ്പു​ക​ൾ എ​ന്നി​വ​യും ന​ഗ​ര​ത്തി​ലു​ണ്ടാ​കും. മ​ലി​ന​ജ​ലം ഒ​ഴു​കി​പ്പോ​കു​ന്ന​ത​യി​നാ​യി സൗ​ക​ര്യ​വും ഒ​രു​ക്കി​യി​ട്ടു​ണ്ട്.