ലെജൻഡറി ക്രിക്കറ്റ്​: ഇന്ത്യൻ മഹാരാജാസിന്​ വിജയത്തുടക്കം

മ​സ്ക​ത്ത്​: അ​ൽ അ​മീ​റാ​ത്ത്​ ക്രി​ക്ക​റ്റ്​ ഗ്രൗ​ണ്ടി​ൽ​ ന​ട​ന്ന ലെ​ജ​ൻ​ഡ​റി ക്രി​ക്ക​റ്റ്​ ടൂ​ർ​ണ​മെ​ന്‍റി​ലെ ആ​ദ്യ​മ​ത്സ​ര​ത്തി​ൽ ഇ​ന്ത്യ​ൻ മ​ഹാ​രാ​ജാ​സ്​ ആ​റ്​ വി​ക്ക​റ്റി​ന് ഏ​ഷ്യ​ൻ ല​യ​ൺ​സി​നെ പ​രാ​ജ​യ​പ്പെ​ടു​ത്തി. യൂ​സു​ഫ്​ പ​ത്താ​​ൻ ത​ട്ടു​ത​ക​ർ​പ്പ​ൻ ബാ​റ്റി​ങ്ങി​ലൂ​​ടെ നേ​ടി​യ അ​ർ​ധ സെ​ഞ്ച്വ​റി​യും മി​ക​ച്ച പി​ന്തു​ണ​യു​മാ​യി ക്യാ​പ്​​റ്റ​ൻ കൈ​ഫും ​​​മു​ന്നി​ൽ​നി​ന്ന്​ ന​യി​ച്ച​തു​മാ​ണ്​ ഇ​ന്ത്യ​ൻ മ​ഹാ​രാ​ജാ​സി​ന്​ വി​ജ​യം എ​ളു​പ്പ​മാ​യ​ത്. പ​ത്താ​ൻ 40 പ​ന്തി​ൽ 80 റ​ൺ​സെ​ടു​ത്ത്​ റ​ണ്ണൗ​ട്ടാ​യി. അ​ഞ്ച്​ സി​ക്സും ഒ​മ്പ​തും ഫോ​റും അ​ട​ങ്ങി​യ​താ​യി​രു​ന്നു പ​ത്താ​ന്‍റെ ഇ​ന്നി​ങ്​​സ്. ​ കൈ​ഫ്​ 37 പ​ന്തി​ൽ പു​റ​ത്താ​കാ​തെ 42 റ​ൺ​സെ​ടു​ത്തു.

ടോ​സ്​ നേ​ടി​യ ഇ​ന്ത്യ​ൻ മ​ഹാ​രാ​ജാ​സ്​ ഏ​ഷ്യ​ൻ ല​യ​ൺ​സി​നെ ബാ​റ്റി​ങ്ങി​ന​യ​ക്കു​ക​യാ​യി​രു​ന്നു. ഏ​ഴ്​ വി​ക്ക​റ്റ്​ ന​ഷ്​​ത്തി​ൽ 175 റ​ൺ​സാ​ണെ​ടു​ത്ത​ത്. എ​ന്നാ​ൽ ഇ​ന്ത്യ​ൻ മ​ഹാ​രാ​ജാ​സ് 19.1 ഓ​വ​റി​ൽ വി​ജ​യം കാ​ണു​ക​യാ​യി​രു​ന്നു. ഉ​പു​ൽ ത​ര​ങ്കി​ന്‍റെ​യും (​46ൽ ​പ​ന്തി​ൽ 66 റ​ൺ​സ്) ക്യാ​പ്​​റ്റ​ൻ മി​സ്​​ബു​ഉ​ൽ ഹ​ഖി​ന്‍റെ​യും (30 പ​ന്തി​ൽ 44) പ്ര​ക​ട​ന​മാ​ണ്​ ഏ​ഷ്യ​ൻ ല​യ​ൺ​സി​ന്​ ഭേ​ദ​പ്പെ​ട്ട സ്​​കോ​ർ സ​മ്മാ​നി​ച്ച​ത്. ക​മ്രാ​ൻ അ​ക്​​മ​ൽ 25 റ​ൺ​സു​മെ​ടു​ത്തു. ഇ​ന്ത്യ​ൻ മ​ഹാ​രാ​ജാ​സി​ന്​ വേ​ണ്ടി ധോ​ണി മൂ​ന്നും ഇ​ർ​ഫാ​ൻ പ​ത്താ​ൻ ര​ണ്ടും വി​ക്ക​റ്റെ​ടു​ത്തു. സെ​വാ​ഗി​ന്‍റെ അ​ഭാ​വ​ത്തി​ൽ മു​ഹ​മ്മ​ദ്​ ​കൈ​ഫാ​യി​രു​ന്നു ഇ​ന്ത്യ​ൻ മ​ഹാ​രാ​ജാ​സി​നെ ന​യി​ച്ചി​രു​ന്ന​ത്. യു​വ​രാ​ജും ക​ളി​ച്ചി​രു​ന്നി​ല്ല. വെ​ള്ളി​യാ​ഴ്ച ന​ട​ക്കു​ന്ന മ​ത്സ​ര​ത്തി​ൽ വേ​ൾ​ഡ്​ ജ​യ​ന്‍റ്​​സ്​ ഏ​ഷ്യ ല​യ​ൺ​സു​മാ​യി ഏ​റ്റു​മു​ട്ടും. അ​തേ​സ​മ​യം, ത​ണു​ത്ത പ്ര​തി​ക​ര​ണ​ണാ​യി​രു​ന്നു കാ​ണി​ക​ളു​ടെ ഭാ​ഗ​ത്ത്​ നി​ന്നു​ണ്ടാ​യി​രു​ന്ന​ത്. വ​ള​രെ കു​റ​ഞ്ഞ ആ​ളു​ക​ൾ മാ​ത്ര​മാ​ണ്​ ഇ​ന്ന​ലെ ക​ളി​കാ​ണാ​ൻ എ​ത്തി​യ​ത്.