ലീഡേഴ്സ്‌ ഫോറം സലാലയിൽ സൗഹൃദ ഇഫ്‌താർ സംഘടിപ്പിച്ചു

സലാല: സലാലയിലെ ചെറുതും വലുതുമായ മുപ്പത്തിയഞ്ചിലധികം കൂട്ടായ്‌മകളുടെ പൊതു വേദിയായ ലീഡേഴ്സ്‌ ഫോറം സൗഹൃദ ഇഫ്‌താർ സംഘടിപ്പിച്ചു. ആർട്ട്‌ ഓഫ്‌ സ്പൈസ്‌ റസ്റ്റാറന്റിൽ നടന്ന ഇഫ്‌താറിൽ നൂറോളം പ്രതിനിധികൾ സംബന്ധിച്ചു. സുഹൃദ്‌ സംഗമത്തിൽ കോഓഡിനേറ്റർ ഡോ. കെ. സനാതനൻ അധ്യക്ഷതവഹിച്ചു. കോഓഡിനേറ്റർ റസൽ മുഹമ്മദ്‌ സ്വാഗതം പറഞ്ഞു. മറ്റു കോഓഡിനേറ്റർമാരായ ഡോ. അബൂബക്കർ സിദ്ദീഖ്‌, സി.വി. സുദർശൻ, ഒ. അബ്‌ദുൽ ഗഫൂർ എന്നിവർ സംബന്ധിച്ചു.