ലമോദ സീസൺ- രണ്ട് വെള്ളിയാഴ്ച സുഹാറിൽ അരങ്ങേറും

സുഹാർ: സോഹാറിയൻസ് കലയുടെ ആഭിമുഖ്യത്തിൽ വെള്ളിയാഴ്ച്ച സുഹാർ അമീറാസ് പാലസ് ഹാളിൽ ലമോദ സീസൺ -2 അരങ്ങേറും. കരോക്കെ ഗാനമേള, വിവിധ വിഭാഗങ്ങളിലായി ഫാഷൻഷോ, എക്സറ്റംബർ കൊറിയോഗ്രാഫി മത്സരങ്ങൾ എന്നിവ കോർത്തിണക്കിയാണ് ലമോദ സീസൺ -രണ്ട് വേദിയിൽ അരങ്ങേറുന്നത്.

രാവിലെ 10 ന് ആരംഭിക്കുന്ന മത്സരപരിപാടി വൈകീട്ട് ഏഴിന് സമ്മാന ദാനത്തോടെ അവസാനിക്കും. തുടർന്ന് പ്രശസ്ത ഹാർമോണിസ്റ്റും സിനിമ സംഗീത സംവിധായകനുമായ പ്രകാശ് ഉള്ള്യേരി, സാംസൺ സാൽവ എന്നിവർ നയിക്കുന്ന മ്യൂസിക്കൽ ഫ്യൂഷൻ അരങ്ങേറുമെന്നും സംഘാടകർ അറിയിച്ചു. മികച്ച വിദ്യാർഥികൾക്കുള്ള അനുമോദന ചടങ്ങ് കൂടി വേദിയിൽ നടക്കും. പ്രവേശനം സൗജന്യമാണെന്ന് ഭാരവാഹികൾ അറിയിച്ചു.