നോക്കൗട്ട് ക്രിക്കറ്റ്: അൽമുത്തല ഗോൾഡൻ സി.ടി സെമിയിൽ

മസ്കത്ത്: അമിറാത്ത്-മുനിസിപ്പൽ 3 ക്രിക്കറ്റ് ഗ്രൗണ്ടിൽ നടന്ന നോക്കൗട്ട് ക്രിക്കറ്റ് ടൂർണമെന്‍റിൽ അൽമുത്തല ഗോൾഡൻ സി.ടി സെമിയിൽ പ്രവേശിച്ചു. റോക് ഇന്‍റർനാഷനലിനെ നാലു വിക്കറ്റിനാണ് പരാജയപ്പെടുത്തിയത്. ആദ്യം ബാറ്റുചെയ്ത ോക് ഇന്‍റർനാഷനൽ നിശ്ചിത 20 ഓവറിൽ 135 റൺസാണ് എടുത്തത്. മറുപടി ബാറ്റിങ്ങിനിറങ്ങിയ അൽ മുത്തല ഗോൾഡൻ 18.1 ഓവറിൽ വിജയം കാണുകയായിരുന്നു. അൽ മുത്തലക്കുവേണ്ടി ജീസൺ 56ഉം അരവിന്ദ്തൻ രാജ 29 റൺസും നേടി. റോക് ഇന്‍റർനാഷനലിനുവേണ്ടി കിരീത് 31 റൺസെടുത്തു. അൽ മുത്തലക്കുവേണ്ടി അരവിന്ദ്തൻ രാജ മൂന്നും ജീസണും റീജോയും രണ്ടും വിക്കറ്റു വീതം വീഴ്ത്തി.