നൈറ്റ്‌ ചലഞ്ചേഴ്സ് റമദാൻ കപ്പ്‌ ക്രിക്കറ്റ് ടൂർണമെന്റ് സംഘടിപ്പിച്ചു

സുഹാർ: നൈറ്റ്‌ ചലഞ്ചേഴ്സ് ക്രിക്കറ്റ്‌ ക്ലബിന്റെ ഒന്നാം വാർഷികത്തോടനുബന്ധിച്ച് റമദാൻ കപ്പ്‌ സംഘടിപ്പിച്ചു. ഫൈനലില്‍ ഫിറ്റ്നസ് ഇലവനെ 20 റൺസിനു പരാജയപ്പെടുത്തി എസ്.ഐ.ജി സി.സി സുഹാർ കിരീടം നേടി. എട്ടു ടീമുകൾ മൽസരിച്ചു. വിജയികള്‍ക്കുള്ള മെഡലുകളും ട്രോഫികളും ക്ലബ് പ്രസിഡന്റ് ഫഹദ് എസ്.കെ.പി , സെക്രട്ടറി ഷബീർ, ട്രഷറർ തസ്ഫീഖ് എന്നിവര്‍ സമ്മാനിച്ചു. മികച്ച താരം, ബാറ്റ്സ്മാന്‍ എന്നീ ട്രോഫി റാണ ത്വാഹയും ബൗളര്‍ക്കുള്ള ട്രോഫി ഖൈസർ ബൈഖും നേടി.