കെ.എം.സി.സി സലാല 40ാം വാർഷികാഘോഷത്തിന്​ തുടക്കം

സലാല: സ്ത്രീകൾ വീടുകളിൽ ഒതുങ്ങേണ്ടവരല്ലെന്നും പ്രതികരിക്കേണ്ട ഇടങ്ങളിൽ പ്രതികരിക്കേണ്ടവരാണെന്നും വനിത മുസ്​ലിം ലീഗ് സംസ്ഥാന ഉപാധ്യക്ഷ ഷാഹിന നിയാസി. സലാല കെ.എം.സി.സി 40ാം വാർഷികാഘോഷം ഉദ്ഘാടനം ചെയ്യുകയായിരുന്നു അവർ. സെക്കുലർ ഇന്ത്യക്കായി കഠിനാധ്വാനം ചെയ്തവരാണ് ലീഗ് നേതാക്കൾ എന്നും അവർ കൂട്ടിച്ചേർത്തു. ഇത്തീനിലെ സ്വകാര്യ ഫാംഹൗസിൽ നടന്ന കുടുംബ സംഗമം കെ.എം.സി.സി പ്രസിഡന്റ് നാസർ പെരിങ്ങത്തൂർ ഉദ്ഘാടനം ചെയ്തു. ജനറൽ സെക്രട്ടറി ഷബീർ കാലടി അധ്യക്ഷത വഹിച്ചു. ഹുസൈൻ കാച്ചിലോടി, മുസ്തഫ, ഷൗക്കത്ത് വയനാട് എന്നിവർ സംസാരിച്ചു.

കുട്ടികൾക്കും കുടുംബങ്ങൾക്കുമായുള്ള വിവിധ മത്സരങ്ങളും വിവിധ കലാപരിപാടികളും നടന്നു. റഷീദ് കൽപറ്റ സ്വാഗതവും സൈഫുദ്ധീൻ നന്ദിയും പറഞ്ഞു. അലി ഹാജി,അനസ് ഹാജി, മഹമൂദ് ഹാജി, ഹാഷിം കോട്ടക്കൽ, ജാബിർ ഷരീഫ്, കാസിം കോക്കൂർ, ഇബ്രാഹീം എന്നിവർ സംബന്ധിച്ചു. നൂറുകണക്കിനാളുകൾ പങ്കെടുത്തു.