കെ.എം.സി.സി അൽഖൂദ് ഏരിയ കമ്മിറ്റി ഭാരവാഹികൾ

മസ്കത്ത്: കെ.എം.സി.സി അൽഖൂദ് ഏരിയ കമ്മിറ്റി പ്രസിഡന്‍റായി അബ്ദുൽ ഹമീദ് പേരാമ്പ്രയെയും ജനറൽ സെക്രട്ടറിയായി ടി.പി. മുനീർ മാസ്റ്റർ കോട്ടക്കലിനെയും ട്രഷറർ ആയി ഷാജഹാൻ തായാട്ടിനെയും തെരഞ്ഞെടുത്തു. ഷാഹുൽ ഹമീദ് കോട്ടയമാണ് ഉപദേശക സമിതി ചെയർമാൻ. മറ്റു ഭാരവാഹികൾ: മുജീബ് മുക്കം (ഹരിത സാന്ത്വനം കൺ.), ഫൈസൽ മുണ്ടൂർ, അബൂബക്കർ ഫലാഹി, ഹക്കീം പാവറട്ടി, ഡോ. സയ്യിദ് സൈനുൽ ആബിദ് (വൈ. പ്രസി.), ഫാറൂഖ്, സുഹൈർ കായക്കൂൽ, ജാബിർ മയ്യിൽ, അബ്ദുൽ സമദ് കോട്ടക്കൽ(ജോ. സെക്ര), ഇക്ബാൽ കുനിയിൽ (ഹരിത സാന്ത്വനം കോ കൺ), റാഫി വലിയകത്ത് (റിലീഫ് കമ്മിറ്റി ചെയ.), എം.കെ. അബ്ദുൽ ഹമീദ് കുറ്റ്യാടി, അബ്ദുൽ റഹിമാൻ ഹാജി പയ്യന്നൂർ, ഹസ്സൻ ബാബിൽ, സി.വി.എം ബാവ വേങ്ങര (ഉപദേശക സമിതി അംഗങ്ങൾ).

അൽഖൂദ് സൂഖിലുള്ള സീഷെൽ റസ്റ്റാറന്‍റിൽ നടന്ന ജനറൽബോഡി യോഗം മുതിർന്ന നേതാവ് ഷാഹുൽഹമീദ് കോട്ടയം ഉദ്ഘാടനം ചെയ്തു. അബ്ദുൽ ഹമീദ് പേരാമ്പ്ര അധ്യക്ഷത വഹിച്ചു. ടി.പി. മുനീർ റിപ്പോർട്ട്‌ അവതരിപ്പിച്ചു. സെൻട്രൽ കമ്മിറ്റി ഉപാധ്യക്ഷൻ എ.കെ.കെ തങ്ങൾ തെരഞ്ഞെടുപ്പ് നടപടികൾ നിയന്ത്രിച്ചു. മുനീർ സ്വാഗതവും ഷാജഹാൻ തായാട്ട് നന്ദിയും പറഞ്ഞു.