ഖ​രീ​ഫ്; ആ​ഘോ​പൊ​ലി​മ​യി​ൽ ഇ​ത്തീ​ൻ സ്‌​ക്വ​യ​ർ

സ​ലാ​ല: ചാ​റ്റ​ൽ മ​ഴ​യും പ​ച്ച​പു​ത​ക്കു​ന്ന പ്ര​കൃ​തി​യും ക​ൺ​കു​ളി​ർക്കെ ആ​സ്വാ​ദി​ക്കാ​നെ​ത്തു​ന്ന​വ​ർ​ക്ക് മു​ന്നി​ൽ ക​ലാ​പ്ര​ക​ട​ന​ങ്ങ​ളു​ടെ സ​ർ​ഗ​വേ​ദി​യാ​വു​ക​യാ​ണ് ഇ​ത്തീ​ൻ സ്‌​ക്വ​യ​ർ. പ്ര​കൃ​തി ക​നി​ഞ്ഞ​തോ​ടെ ഖ​രീ​ഫ് ആ​ഘോ​ഷ​ങ്ങ​ളു​ടെ നി​റ​വി​ലാ​ണ് ദോ​ഫാ​റി​ന്റെ ഹൃ​ദ​യ​ഭൂ​മി. താ​ള​മേ​ള​ങ്ങ​ളു​ടെ അ​ക​മ്പ​ടി​യി​ൽ ച​ടു​ല​ത​യാ​ർ​ന്ന നൃ​ത്ത​വും ഖ​രീ​ഫ് ആ​ഘോ​ഷ​ങ്ങ​ൾ​ക്ക് വ​ർ​ണ​പ്പൊ​ലി​മ ചാ​ർ​ത്തു​ന്നു​ണ്ട്.

ഇ​ത്തീ​ൻ സ്‌​ക്വ​യ​റി​ലെ വി​നോ​ദ പ​രി​പാ​ടി​ക​ളേ​റെ​യും കു​ട്ടി​ക​ളെ കേ​ന്ദ്രീ​ക​രി​ച്ചു​ള്ള​തും അ​വ​രെ ആ​ക​ർ​ഷി​ക്കാ​നു​ള്ള​തു​മാ​ണ്. ഘ​ടാ​ഘ​ടി​യ​ൻ ക​ര​ടി​യും പ​ല​ജാ​തി ഭീ​മ​ന്മാ​രും അ​ഭ്യാ​സി​ക​ളും കൗ​തു​ക​മാ​യി മാ​റു​മ്പോ​ൾ സ​ലാ​ല​യു​ടെ ത​ന​ത് കാ​ഴ്ച്ക​ൾ​ക്ക​പ്പു​റ​ത്തേ​ക്ക് ദോ​ഫാ​ർ ആ​സ്വാ​ദ​ന​ത്തി​ന്റെ മ​റ്റൊ​രു ലോ​കം സ​ഞ്ചാ​രി​ക​ൾ​ക്കാ​യി തു​റ​ക്കു​ന്നു.

മു​തി​ർ​ന്ന​വ​രെ​യ​ട​ക്കം ആ​ക​ർ​ഷി​ക്കു​ന്ന ത​ര​ത്തി​ലാ​ണ് ഇ​ത്തീ​ൻ സ്‌​ക്വ​യ​റി​ലെ അ​ക​ക്കാ​ഴ്ച്ക​ൾ സ​ജ്ജീ​ക​രി​ച്ചി​ട്ടു​ള്ള​ത്. വ​സ്ത്ര വ്യാ​പാ​ര ശാ​ല​ക​ളു​ൾ​പ്പെ​ടെ​യു​ള​ള ക​ച്ച​വ​ട കേ​ന്ദ്ര​ങ്ങ​ളും ഉ​പ​ഭോ​ക്താ​ക്ക​ൾ​ക്കാ​യി കാ​ത്തി​രി​ക്കു​ന്നു​ണ്ട്. വാ​രാ​ന്ത്യ ദി​ന​ങ്ങ​ളി​ലാ​ണ് ഇ​ത്തീ​ൻ സ്‌​ക്വ​യ​ർ തി​ങ്ങി​നി​റ​യു​ക.

ഖ​രീ​ഫി​നോ​ട​നു​ബ​ന്ധി​ച്ച് തു​റ​ന്നു​പ്ര​വ​ർ​ത്തി​ക്കു​ന്ന സ​മീ​പ​ത്തു​ള്ള തെ​രു​വ് ഭ​ക്ഷ​ണ​ശാ​ല​ക​ളി​ലും ന​ല്ല തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ഖ​രീ​ഫ് സീ​സ​ൺ അ​തി​ന്റെ പാ​ര​മ്യ​ത​യി​ലെ​ത്തി​യ​തോ​ടെ​യാ​ണ് തി​ര​ക്ക് അ​നു​ഭ​വ​പ്പെ​ടാ​ൻ തു​ട​ങ്ങി​യ​ത്. സ​ർ​ഗാ​ത്മ​ക​ത​യു​ടെ​യും ക​ലാ​പ്ര​ക​ട​ന​ങ്ങ​ളു​ടെ​യും വേ​ദി​യാ​യി ദോ​ഫാ​ർ മാ​റു​മ്പോ​ൾ ഖ​രീ​ഫ് കാ​ലം ആ​സ്വ​ദി​ക്കാ​നെ​ത്തു​ന്ന​വ​രു​ടെ മു​ൻ​നി​ര​യി​ൽ ജി.​സി.​സി പൗ​ര​ന്മാ​രും മ​ല​യാ​ളി​ക​ളു​ൾ​പ്പെ​ടെ​യു​ള്ള പ്ര​വാ​സി​ക​ളു​മാ​ണു​ള്ള​ത്.