ഖ​രീ​ഫ്​: ബീ​ച്ചു​ക​ളി​ലെ​ത്തു​ന്ന​വ​ർ സു​ര​ക്ഷ ഉ​റ​പ്പാ​ക്ക​ണം

മ​സ്ക​ത്ത്​: ഖ​രീ​ഫ്​ സീ​സ​ണി​ന്‍റെ ഭാ​ഗ​മാ​യി ദോ​ഫാ​ർ ഗ​വ​ർ​ണ​റേ​റ്റി​ലും ബീ​ച്ചു​ക​ളി​ലും എ​ത്തു​ന്ന​വ​ർ ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി. ഖ​രീ​ഫി​ന് തു​ട​ക്ക​മാ​യ​തോ​ടെ നി​ര​വ​ധി സ​ഞ്ചാ​രി​ക​ളാ​ണ്​ ഇ​വി​ടേ​ക്ക്​ എ​ത്തു​ന്ന​ത്. സു​ര​ക്ഷി​ത ഏ​രി​യ​ക​ളി​ല്‍ മാ​ത്ര​മേ ക​ട​ലി​ല്‍ ഇ​റ​ങ്ങാ​ന്‍ പാ​ടു​ള്ളു. മു​ഗ്‌​സൈ​ൽ ഉ​ള്‍പ്പെ​ടെ ക​ട​ല്‍ തീ​ര​ങ്ങ​ളോ​ടു ചേ​ര്‍ന്നു​ള്ള വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ല്‍ തി​ര​മാ​ല ഉ​യ​രു​ന്ന​തി​നാ​ല്‍ ക​ട​ലി​ലേ​ക്ക് ഇ​റ​ങ്ങു​ന്ന​ത് ഒ​ഴി​വാ​ക്ക​ണം.

പ​ല​യി​ട​ത്തും മു​ന്ന​റി​യി​പ്പു​ക​ളും സു​ര​ക്ഷ വേ​ലി​ക​ളും സ്ഥാ​പി​ച്ചി​ട്ടു​ണ്ട്. ഇ​ത്​ ലം​ഘി​ച്ച്​ മു​ന്നോ​ട്ടു ക​ട​ക്കാ​ൻ ​ശ്ര​മി​ക്ക​രു​ത്. മു​ൻ​കാ​ല​ങ്ങ​ളി​ൽ ഇ​വി​ട​ങ്ങ​ളി​ൽ അ​പ​ക​ട​ങ്ങ​ളും മ​ര​ണ​ങ്ങ​ളും റി​പ്പോ​ർ​ട്ട്​ ചെ​യ്തി​ട്ടു​ണ്ട്. സ​ഞ്ചാ​രി​ക​ളു​ടെ സു​ര​ക്ഷ ഉ​റ​പ്പാ​ക്കാ​നാ​യി പ്ര​ത്യേ​കം സേ​ന​ക​ളെ നി​യ​മി​ച്ചി​ട്ടു​ണ്ട്. അ​ടി​യ​ന്ത​ര സാ​ഹ​ച​ര്യ​ങ്ങ​ൾ നേ​രി​ടാ​ൻ പ​രി​ശീ​ല​നം ല​ഭി​ച്ച​വാ​രാ​ണ്​ ഇ​വ​ർ. സി​വി​ല്‍ ഡി​ഫ​ന്‍സ് ആ​ൻ​ഡ്​ ആം​ബു​ല​ന്‍സ് അ​തോ​റി​റ്റി​യും സു​ര​ക്ഷ ശ​ക്ത​മാ​ക്കി​യി​ട്ടു​ണ്ട്.