സലാലയിൽ വ്യാപാരിയായിരുന്ന കണ്ണൂർ സ്വദേശി നിര്യാതനായി

സലാല/ഇരിട്ടി: സലാലയിൽ വ്യാപാരിയായിരുന്ന കണ്ണൂർ ഉളിയിൽ നരയൻപാറ സ്വദേശി പൂവനാണ്ടി നൗഷാദ് (50) നാട്ടിൽ നിര്യാതനായി. ഹോൾസെയിൽ വ്യാപാരിയായ നൗഷാദ് കഴിഞ്ഞ 25 വർഷമായി സലാലയിൽ പ്രവാസിയായിരുന്നു. ഭാര്യ: സഫീറ. അഞ്ച് മക്കളുണ്ട്.

ഖബറടക്കം വ്യാഴാഴ്ച രാവിലെ 10 ന് ഉളിയിൽ പഴയ ജുമുഅ മസ്ജിദ് ഖബറിസ്ഥാനിൽ. അസുഖബാധിതനായ ഇദ്ദേഹം കഴിഞ്ഞ രണ്ട് വർഷമായി നാട്ടിൽ ചികിത്സയിലായിരുന്നു. പ്രാദേശിക കൂട്ടായ്മയായ ഉളിയിൽ വെൽഫയർ അസോസിയേഷനിൽ സജീവമായിരുന്നു.