കണ്ണൂർ സ്വദേശി ഒമാനിലെ മത്രയില്‍ നിര്യാതനായി

മത്ര: കണ്ണൂർ സ്വദേശി ഹൃദയാഘാതം മൂലം മത്രയില്‍ നിര്യാതനായി. അത്താഴക്കുന്ന് സ്വദേശി ബത്തക്ക കോളേത്ത് മുസ്​തഫ (65 ) യാണ് മരിച്ചത്. പ്രഭാത നമസ്​കാരം കഴിഞ്ഞ് ഉറങ്ങാന്‍ കിടന്ന മുസ്​തഫയെ മത്ര ജിബ്രുവിലുള്ള താമസ സ്ഥലത്ത് മരിച്ച നിലയിൽ കണ്ടെത്തുകയായിരുന്നു.

38വര്‍ഷമായി ഒമാനിലെ പ്രവാസിയാണ്​. പരേതരായ പാറയിൽ അബ്​ദുൽ ഖാദർ-നഫീസ ദമ്പതികളുടെ മകനാണ്. ഭാര്യ: റൗള. മക്കൾ: സമീറ, സീനത്ത്, സുഫൈദ്, ഷബീറ. മത്രയിലുള്ള റഷീദ്, എറമുള്ളാന്‍ എന്നിവര്‍ സഹോദരങ്ങളാണ്.