ഒമാനിൽ ബസ്​ യാത്രക്കിടെ കണ്ണൂർ സ്വദേശി കുഴഞ്ഞുവീണ്​ മരിച്ചു

മസ്കത്ത്​: ഒമാനിൽ ബസ്​ യാത്രക്കിടെ കണ്ണൂർ സ്വദേശി കുഴഞ്ഞുവീണ്​ മരിച്ചു. ചെമ്പിലോട് മൗവ്വഞ്ചേരി സ്വദേശി കൊല്ലൻചാലിൽ മഹ്​മൂദ് (57) ആണ്​ മരിച്ചത്​. മിസ്​ഫയിൽ ഹോട്ടൽ ജീവനക്കാരനായിരുന്നു. ഗോബ്രയില്‍ നിന്ന് മസ്കത്തിലേക്ക്​ വരാനായി മുവാസലാത്ത് ബസില്‍ കയറിയ ഉടന്‍ കുഴഞ്ഞുവീണാണ് മരണം സംഭവിച്ചത്.

നേരത്തേ കു​റേക്കാലം ഒമാനിൽ ജോലി ചെയ്തിരുന്നു. പ്രവാസം നിർത്തി മടങ്ങിയശേഷം മൂന്ന്​ മാസം മുമ്പാണ്​ വീണ്ടും വന്നത്​. പിതാവ്​: അബ്​ദുൽ ഖാദർ. മാതാവ്​: മറിയുമ്മ. ഭാര്യ: ഹസീന. മക്കൾ: മുബീന, ഫാതിമത്ത്​ നഹല, ഹിബ ഫാത്തിമ.

നടപടിക്രമങ്ങൾ പൂർത്തിയാക്കി മൃതദേഹം ഇന്ന്​ രാത്രി പത്തരക്ക്​ നാട്ടിലേക്ക് കൊണ്ടുപോകും. കെ.എം.സി.സി പ്രവര്‍ത്തകരായ പി.ടി.കെ ഷമീര്‍, അഷ്റഫ് കിണവക്കല്‍, റഫീഖ് ശ്രീകണ്ഡപുരം, റാഷി കാപ്പാട്, മിഥലാജ്‌, അമീര്‍ കാവനൂർ തുടങ്ങിയവർ നേതൃത്വം നൽകി.