കല്യാൺ ജൂവല്ലേഴ്സ്​ റുവി ലുലു സൂക്കിൽ പുതിയ ഷോറൂം തുറന്നു

മസ്​കത്ത്​: കല്യാൺ ജൂവല്ലേഴ്സ്​ മസ്​ക്കത്തിലെ റുവി ഹൈസ്​ട്രീറ്റിലുള്ള ലുലു സൂക്കിൽ പുതിയ ഷോറൂം തുറന്നു.

ഷോറൂമിെൻറ ഉദ്ഘാടനം കല്യാൺ ജൂവല്ലേഴ്സ്​ ചെയർമാനും മാനേജിംഗ് ഡയറക്ടറുമായ ടി.എസ്​. കല്യാണരാമനും എക്സിക്യൂട്ടീവ് ഡയറക്ടർമാരായ രമേഷ് കല്യാണരാമനും രാജേഷ് കല്യാണരാമനും ചേർന്ന് വിർച്വലായി നിർവഹിച്ചു. ഉദ്ഘാടനത്തിെൻറ ഭാഗമായി സ്വർണാഭരണങ്ങൾക്ക് പണിക്കൂലിയിൽ 25 ശതമാനം വരെ കാഷ്ബാക്ക് അടക്കം മെഗാ ഓഫറുകൾ പ്രഖ്യാപിച്ചിട്ടുണ്ട്. ഡയമണ്ട് ആഭരണങ്ങൾക്ക് 20 ശതമാനം വരെ കാഷ്ബാക്കും പ്രഷ്യസ്​ സ്റ്റോൺ/അൺകട്ട് ആഭരണങ്ങൾക്ക് സ്​റ്റോൺ നിരക്കിൽ 20 ശതമാനം വരെ കാഷ്ബാക്കും ലഭിക്കും.

ഉപയോക്​താക്കൾക്ക് ആഭരണങ്ങൾ വാങ്ങുമ്പോൾ അവർക്ക് പരമാവധി മൂല്യം ലഭ്യമാക്കുന്ന ഈ കാഷ്ബാക്ക് സൗകര്യം നവംബർ 20 വരെ ഒമാനിലെ എല്ലാ ഷോറൂമുകളിലും ലഭ്യമാകും. കൂടാതെ, ഉപയോക്​താക്കൾക്ക് സ്വർണത്തിെൻറ നിരക്കിൽ സംരക്ഷണം നൽകുന്ന ഗോൾഡ്റേറ്റ് െപ്രാട്ടക്​ഷൻ ഓഫറും പ്രയോജനപ്പെടുത്താം. വാങ്ങാനുദ്ദേശിക്കുന്ന ആഭരണങ്ങളുടെ ആകെത്തുകയുടെ പത്ത് ശതമാനം മുൻകൂട്ടി അടച്ച് നിലവിലുള്ള വിപണി നിരക്കിൽ ആഭരണങ്ങൾ ബുക്ക് ചെയ്യാം. ആഭരണം വാങ്ങുമ്പോൾ ആ ദിവസത്തെയോ ബുക്ക്​ ചെയ്ത ദിവസത്തെയോ നിരക്കിൽ കുറവേതാണോ അതായിരിക്കും വിലയായി ഈടാക്കുക. ഒമാനിൽ പുതിയ ഷോറൂം ആരംഭിക്കുന്നതിൽ അതിയായ സന്തോഷമുണ്ടെന്ന് ടി.എസ്​. കല്യാണരാമൻ പറഞ്ഞു. എല്ലാ സ്വർണാഭരണങ്ങൾക്കും കല്യാണിെൻറ നാല് തലത്തിലുള്ള അഷ്വറൻസ്​ സാക്ഷ്യപത്രം ലഭിക്കും. എല്ലാ ആഭരണങ്ങളും നിരവധി തവണ പരിശോധനക്ക്​ വിധേയമാക്കുന്നതാണെങ്കിലും ഉപയോക്​താക്കൾക്ക് മാറ്റിവാങ്ങുമ്പോഴോ വിൽപ്പന നടത്തുമ്പോഴോ ഇൻവോയിസിൽ നല്കിയിരിക്കുന്ന മൂല്യം ഉറപ്പു നല്കുന്നതാണ് നാല് തലത്തിലുള്ള അഷ്വറൻസ്​ സാക്ഷ്യപത്രം.

കൂടാതെ ജീവിതകാലം മുഴുവൻ കല്യാൺ ജൂവല്ലേഴ്സിെൻറ രാജ്യത്തെ ഏത് ഷോറൂമിൽനിന്നും സൗജന്യമായി മെയിൻറനൻസ്​ നടത്തുന്നതിന്​ ഉറപ്പുനൽകുമെന്നും അദ്ദേഹം കൂടിച്ചേർത്തു.