സലാലയിൽ ജോയ്​ ആലുക്കാസ്​ ഷോറൂം തുറന്നു

സലാല: പ്രമുഖ ജ്വല്ലറി ഗ്രൂപ്പായ ജോയ്​ ആലുക്കാസി​​​െൻറ പുതിയ ഷോറൂം സലാലയിൽ പ്രവർത്തനമാരംഭിച്ചു. സലാലയിലെ ആദ്യത്തെയും ഒമാനിലെ ആറാമത്തെയും ഷോറൂമാണിത്​. അന്താരാഷ്​ട്ര തലത്തിൽ പ്രശസ്​തിയാർജിച്ച ഗ്രൂപ്പി​​​െൻറ വിപുലീകരണ പ്രവർത്തനങ്ങളുടെ ഭാഗമായാണ്​ പുതിയ ഷോറൂം. അൽ ഹദ്ദാദ്​ ക്ലബ്​ ചെയർമാൻ ശൈഖ്​ നിസാർ അഹമ്മദ്​ അൽ മർഹൂൻ ഉദ്​ഘാടനം നിർവഹിച്ചു. ഇന്ത്യൻ സോഷ്യൽ ക്ലബ്​ മൻപ്രീത്​ സിങ്​, ജോയ്​ ആലുക്കാസ്​ ഗ്രൂപ്പ്​ എക്​സിക്യൂട്ടീവ്​ ഡയറക്​ടർ ജോൺ പോൾ ആലുക്കാസ്​, സ്വദേശി പ്രമുഖർ മറ്റ്​ വിശിഷ്​ട വ്യക്​തികൾ തുടങ്ങിയവർ ഉദ്​ഘാടന ചടങ്ങിൽ സംബന്ധിച്ചു. സ്വർണം, വജ്രം, പോൽകി, പവിഴം, പ്രഷ്യസ്​,സെമി പ്രഷ്യസ്​ വിഭാഗങ്ങളിലായി പത്തുലക്ഷത്തോളം ലോകോത്തര ഡിസൈനിലുള്ള ആഭരണങ്ങളാണ്​ വിശാലമായ ഇൗ സ്​റ്റോറൂമിൽ ഒരുക്കിയിട്ടുള്ളത്​. 2018​​​െൻറ ആദ്യപാദം ലോകമെമ്പാടുമുള്ള ഷോറൂമുകളിൽ അവതരിപ്പിക്കുന്ന പുതിയ രൂപ ഭംഗിയിലുള്ള സ്വറണ, വജ്ര ആഭരണങ്ങളും ഇവിടെ ലഭ്യമാകും.