ഇത്തിഹാദ് കാറ്ററിങ് കപ്പ്: അല്‍ ബഹീഹി ജേതാക്കള്‍

മസ്കത്ത്: ഹോളിഡേ ക്രിക്കറ്റ് ക്ളബ് സംഘടിപ്പിച്ച പ്രഥമ ഇത്തിഹാദ് കാറ്ററിങ് കപ്പില്‍ അല്‍ ബഹീഹി ജേതാക്കളായി. ആവേശകരമായ ഫൈനല്‍ മത്സരത്തില്‍ അല്‍ഖൂദ് ക്രിക്കറ്റ് ക്ളബിനെ ഏഴു വിക്കറ്റിനാണ് അല്‍ ബഹീഹി തോല്‍പിച്ചത്. അല്‍ ബഹീഹിയിലെ സാഹിലിനെ മാന്‍ ഓഫ് ദ സീരീസായി തെരഞ്ഞെടുത്തു. അല്‍ ഖൂദ് ക്രിക്കറ്റ് ക്ളബിലെ നാസര്‍ മികച്ച ബാറ്റ്സ്മാനും അല്‍ ബഹീഹിയിലെ ക്ളീവ് മികച്ച ബൗളറുമാണ്. ഇത്തിഹാദ് കാറ്ററിങ് മാനേജിങ് ഡയറക്ടര്‍ ജെയ് വിക്ടര്‍ വിജയികള്‍ക്ക് സമ്മാനം വിതരണം ചെയ്തു.