Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightOmanchevron_rightത​ണു​പ്പു​കാ​ല​മാ​യി;...

ത​ണു​പ്പു​കാ​ല​മാ​യി; ഒ​മാ​നി​ൽ കാ​ർ​ഷി​ക മേ​ഖ​ല ഉ​ണ​രു​ന്നു

text_fields
bookmark_border
ത​ണു​പ്പു​കാ​ല​മാ​യി; ഒ​മാ​നി​ൽ കാ​ർ​ഷി​ക മേ​ഖ​ല ഉ​ണ​രു​ന്നു
cancel

മ​സ്ക​ത്ത്: കാ​ലാ​വ​സ്ഥ മാ​റി​യ​തോ​ടെ ഒ​മാെൻറ കാ​ർ​ഷി​ക മേ​ഖ​ല ഉ​ണ​രു​ന്നു. കൃ​ഷി​ക്ക് അ​നു​കൂ​ല​മാ​യ കാ​ലാ​വ​സ്ഥ അ​നു​ഭ​വ​പ്പെ​ടു​ന്ന​തി​നാ​ൽ മി​ക​ച്ച വി​ള​വെ​ടു​പ്പാ​ണ് ഇൗ ​വ​ർ​ഷം പ്ര​തീ​ക്ഷി​ക്ക​പ്പെ​ടു​ന്ന​ത്. ഒ​മാ​നി​ൽ നി​ല​വി​ൽ 20 ഡി​ഗ്രി സെ​ൽ​ഷ്യ​സ് മു​ത​ൽ 35 ഡി​ഗ്രി വ​രെ താ​പ​നി​ല​യാ​ണ് അ​നു​ഭ​വ​പ്പെ​ടു​ന്ന​ത്. ഇ​ത് പ​ച്ച​ക്ക​റി അ​ട​ക്ക​മു​ള്ള കൃ​ഷി​ക​ൾ​ക്ക് ഏ​റെ അ​നു​കൂ​ല​മാ​ണ്. അ​തി​നാ​ൽ, ഒ​മാ​നി​ലെ ക​ർ​ഷ​ക​രും കാ​ർ​ഷി​ക മേ​ഖ​ല​ക​ളി​ൽ പ്ര​വ​ർ​ത്തി​ക്കു​ന്ന​വ​രും ഏ​റെ ആ​വേ​ശ​ത്തി​ലാ​ണ്. കാ​ലാ​വ​സ്​​ഥ അ​നു​കൂ​ല​മാ​യി തു​ട​ർ​ന്നാ​ൽ ഡി​സം​ബ​ർ മു​ത​ൽ ഒ​മാ​ൻ പ​ച്ച​ക്ക​റി​ക​ൾ വി​പ​ണി​യി​ലി​റ​ങ്ങും. ഇ​തോ​ടെ പ​ച്ച​ക്ക​റി വി​ല കു​റ​യു​ക​യും ചെ​യ്യും. ഡി​സം​ബ​ർ മു​ത​ൽ മാ​ർ​ച്ച് വ​രെ​യാ​ണ് ഒ​മാ​ൻ പ​ച്ച​ക്ക​റി​യു​ടെ സീ​സ​ൺ. ത​ക്കാ​ളി, വ​ഴു​ത​ന, വെ​ണ്ട, പാ​വ​ക്ക, പ​യ​ർ, വെ​ള്ള​രി, ബീ​ൻ​സ്, ലോം​ഗ് ബീ​ൻ​സ്, ക​ക്കി​രി അ​ട​ക്കം എ​ല്ലാ​ത​രം പ​ച്ച​ക്ക​റി​ക​ളും ഒ​മാ​നി​ൽ കൃ​ഷി​ചെ​യ്യു​ന്നു​ണ്ട്. അ​തി​നാ​ൽ, ഡി​സം​ബ​ർ മു​ത​ൽ നാ​ലു​മാ​സ​കാ​ല​ത്തേ​ക്ക് പ​ച്ച​ക്ക​റി​ക​ൾ​ക്ക് വി​ല കു​റ​യാ​റു​ണ്ട്.

ബാ​ത്തി​ന മേ​ഖ​ല​യി​ൽ സെ​പ്​​റ്റം​ബ​ർ, ഒ​ക്​​ടോ​ബ​ർ മാ​സ​ത്തി​ലാ​ണ് കൃ​ഷി​യി​ട​ങ്ങ​ളി​ലേ​ക്ക് ക​ർ​ഷ​ക​രെ​ത്തു​ന്ന​ത്. ഇൗ ​മാ​സ​ങ്ങ​ളി​ൽ മ​ണ്ണ് ഉ​ഴു​തു​മ​റി​ച്ചും ക​ള​ക​ൾ ന​ശി​പ്പി​ച്ചും കൃ​ഷി ഭൂ​മി സ​ജ്ജ​മാ​ക്കും. വി​ത്തു​റ​ക്കു​ന്ന​തിെൻറ​യും കൃ​ഷി പ​രി​ര​ക്ഷ​യു​ടെ​യും സ​മ​യ​മാ​ണി​പ്പോ​ൾ. രാ​ജ്യ​ത്തെ ഏ​റ്റ​വും കൂ​ടു​ത​ൽ കൃ​ഷി തോ​ട്ട​ങ്ങ​ളു​ള്ള​ത് ബാ​ത്തി​ന ഗ​വ​ർ​ണ​റേ​റ്റി​ലാ​ണ്. ബ​ർ​ക്ക, ഖ​ദ​റ, സു​വൈ​ഖ്, സു​ഹാ​ർ തു​ട​ങ്ങി​യ മേ​ഖ​ല​യി​ലാ​ണ് ഒ​മാ​നി​ലെ 70 ശ​ത​മാ​നം കൃ​ഷി​യി​ട​ങ്ങ​ളു​മു​ള്ള​ത്. സ​ലാ​ല​യി​ൽ 15 ശ​ത​മാ​നം കൃ​ഷി​യി​ട​വും ബ​ഹ്​​ല, ശ​ർ​ഖി​യ്യ എ​ന്നി​വി​ട​ങ്ങ​ളി​ൽ അ​ഞ്ച് ശ​ത​മാ​നം കൃ​ഷി​യി​ട​ങ്ങ​ളു​മാ​ണു​ള്ള​ത്. ഇ​തി​ൽ ബ​ഹ്​​ല​യി​ലെ കാ​ർ​ഷി​ക പ്ര​വ​ർ​ത്ത​ന​ങ്ങ​ൾ വൈ​കി​യാ​ണ് ആ​രം​ഭി​ക്കു​ന്ന​ത്.

വെ​ല്ലു​വി​ളി​ക​ൾ നി​റ​ഞ്ഞ കോ​വി​ഡ്​ കാ​ല​ത്ത്​ മി​ക​ച്ച കാ​ലാ​വ​സ്​​ഥ അ​നു​ഭ​വ​പ്പെ​ടു​ന്ന​തി​ൽ ക​ർ​ഷ​ക​ർ ആ​ഹ്ലാ​ദ​ത്തി​ലാ​ണ്. കോ​വി​ഡ്​ പ്ര​തി​സ​ന്ധി​ക്ക് ശേ​ഷം മി​ക​ച്ച വി​ള​വെ​ടു​പ്പ് ല​ഭി​ക്കു​മെ​ന്നും അ​തി​നാ​ൽ സാ​മ്പ​ത്തി​ക മെ​ച്ച​മു​ണ്ടാ​വു​മെ​ന്ന പ്ര​തീ​ക്ഷ​യി​ലാ​ണ​വ​ർ. കോ​വി​ഡ്​ പ്ര​തി​സ​ന്ധി കാ​ര​ണം െതാ​ഴി​ലാ​ളി ക്ഷാ​മം അ​നു​ഭ​വ​പ്പെ​ടു​ന്നു​ണ്ട്. ബം​ഗ്ലാ​ദേ​ശ്​ സ്വ​ദേ​ശി​ക​ളാ​ണ്​ കാ​ർ​ഷി​ക മേ​ഖ​ല​യി​ൽ ജോ​ലി ചെ​യ്യു​ന്ന പ്ര​ധാ​ന വി​ഭാ​ഗം. മ​ല​യാ​ളി​ക​ൾ ഇൗ ​മേ​ഖ​ല​യി​ൽ പേ​രി​ന് മാ​ത്ര​മാ​ണു​ള്ള​ത്. ക​ഴി​ഞ്ഞ സീ​സ​ൺ സ​മ​യ​ത്താ​ണ് കോ​വി​ഡ്​ വ്യാ​പ​ക​മാ​യ​ത്. കാ​ർ​ഷി​ക മേ​ഖ​ല​യ​ട​ക്കം എ​ല്ലാ മേ​ഖ​ല​ക​ളും നി​ശ്ച​ല​മാ​യ​തോ​ടെ തൊ​ഴി​ലാ​ളി​ക​ളി​ൽ ന​ല്ലൊ​രു വി​ഭാ​ഗം നാ​ട്ടി​ൽ പോ​യി​ട്ടു​ണ്ട് . ഇ​വ​രി​ൽ പ​ല​രും ഇ​തു​വ​രെ തി​രി​ച്ചു​വ​ന്നി​ട്ടി​ല്ല.

പ​ച്ച​ക്ക​റി​ക​ൾ​ക്ക് പു​റ​മെ മ​റ്റു വി​ള​ക​ളും ഒ​മാ​നി​ൽ കൃ​ഷി ചെ​യ്യു​ന്നു​ണ്ട്. ത​നൂ​ഫ്, നി​സ്​​വ എ​ന്നി​വി​ട​ങ്ങ​ളി​ൽ മ​റ്റ് കൃ​ഷി​ക​ൾ​ക്ക് പു​റ​മെ ഇ​ഞ്ചി, മ​ല്ലി എ​ന്നി​വ​യും കൃ​ഷി ചെ​യ്യു​ന്നു​ണ്ട്. ബ​ഹ്​​ല​യി​ൽ മ​റ്റു കൃ​ഷി​ക​ൾ​ക്ക് പു​റ​മെ മ​ല്ലി, ഉ​ലു​വ, സ​വാ​ള, വെ​ളു​ത്തു​ള്ളി എ​ന്നി​വ​യും കൃ​ഷി ചെ​യ്യു​ന്നു​ണ്ട്. ഒ​മാ​ൻ കാ​ർ​ഷി​ക, മ​ത്സ്യ, ജ​ല​വി​ഭ​വ മ​ന്ത്രാ​ല​യ​വും ക​ർ​ഷ​ക​ർ​ക്ക് എ​ല്ലാ പി​ന്തു​ണ​യും ന​ൽ​കു​ന്നു​ണ്ട്. കൃ​ഷി മേ​ഖ​ല​യി​ലു​ള്ള സാേ​ങ്ക​തി​ക സ​ഹാ​യം, വി​ത്തു വി​ത​ര​ണം തു​ട​ങ്ങി​യ സേ​വ​ന​ങ്ങ​ൾ ഇ​തി​ൽ ഉ​ൾ​പ്പെ​ടു​ന്നു​ണ്ട്. മാ​ത്ര​മ​ല്ല, ക​ന്നു​കാ​ലി വ​ള​ർ​ത്ത​ലി​നും അ​നു​ബ​ന്ധ മേ​ഖ​ല​ക്കും സ​ർ​ക്കാ​ർ മി​ക​ച്ച പി​ന്തു​ണ ന​ൽ​കു​ന്നു​ണ്ട്. ഏ​താ​യാ​ലും ഒ​മാ​നി​ൽ മി​ക​ച്ച വി​ള​വെ​ടു​പ്പ് ഉ​ണ്ടാ​വു​ന്ന​ത് പ​ച്ച​ക്ക​റി വി​ല കു​ത്ത​നെ കു​റ​യാ​ൻ കാ​ര​ണ​മാ​കും. നി​ല​വി​ൽ ഒ​മാ​നി​ൽ ത​ക്കാ​ളി അ​ട​ക്ക​മു​ള്ള എ​ല്ലാ പ​ച്ച​ക്ക​റി​ക​ൾ​ക്കും ഉ​യ​ർ​ന്ന വി​ല​യാ​ണു​ള്ള​ത്. ഇ​ന്ത്യ അ​ട​ക്ക​മു​ള്ള രാ​ജ്യ​ങ്ങ​ളി​ൽ നി​ന്നു​ള്ള വി​മാ​ന സ​ർ​വി​സു​ക​ൾ കു​റ​ഞ്ഞ​തും വി​മാ​ന ക​മ്പ​നി​ക​ൾ കാ​ർ​ഗോ നി​ര​ക്കു​ക​ൾ വ​ർ​ധി​പ്പി​ച്ച​തു​മാ​ണ് നി​ല​വി​ലെ വി​ല വ​ർ​ധ​ന​വി​ന് പ്ര​ധാ​ന കാ​ര​ണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Agriculture Newsomanwinter
Next Story