മീ​ൻ എ​ത്തി​യി​ട്ട് ദി​വ​സ​ങ്ങ​ൾ; ആ​ര​വ​മൊ​ഴി​ഞ്ഞ്​ മ​ത്ര മാ​ർ​ക്ക​റ്റ്​

മ​ത്ര​: പ്ര​തി​കൂ​ല കാ​ലാ​വ​സ്ഥ തു​ട​രു​ന്ന​തി​നാ​ൽ മ​ത്ര മ​ത്സ്യ മാ​ർ​ക്ക​റ്റി​ല്‍ മീ​നു​ക​ൾ എ​ത്തി​യി​ട്ട്​ ആ​ഴ്ച​ക​ൾ ക​ഴി​ഞ്ഞു. ന്യൂ​ന​മ​ർ​ദ​ത്തെ​തു​ട​ർ​ന്ന് ക​ട​ല്‍ പ്ര​ക്ഷു​ബ്​​ധ​മാ​യ​തി​നാ​ല്‍ മ​ത്സ്യ​ബ​ന്ധ​ന​ത്തി​ന് പോ​ക​രു​തെ​ന്ന മു​ന്ന​റി​യി​പ്പു​ണ്ട്. ഇ​താ​ണ് ക്ഷാ​മ​ത്തി​ന്‌ പ്ര​ധാ​ന കാ​ര​ണം. മാ​ർ​ക്ക​റ്റി​ലെ മീ​ൻ​ത​ട്ടു​ക​​ളെ​ല്ലാം കാ​ലി​യാ​ണ്. ഭ​ക്ഷ​ണ​ത്തി​ന്‌ മീ​ന്‍ ശീ​ല​മു​ള്ള മ​ല​യാ​ളി​ക​ളാ​ണ്‌ ഏ​റെ പ്ര​യാ​സം നേ​രി​ടു​ന്ന​ത്. മാ​ർ​ക്ക​റ്റി​ൽ മീ​ൻ ല​ഭ്യ​മ​ല്ല എ​ന്ന​ത​റി​യാ​തെ എ​ത്തി​യ​വ​ർ നി​രാ​ശ​യോ​ടെ മ​ട​ങ്ങി. കാ​ലാ​വ​സ്ഥ പൂ​ര്‍വ സ്ഥി​തി​യി​ലേ​ക്ക് മാ​റും​വ​രെ ഇ​തേ അ​വ​സ്ഥ തു​ട​ർ​ന്നേ​ക്കും.

മ​സ്ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍നി​ന്നു​ള്ള മ​ത്സ്യ​പ്രേ​മി​ക​ള്‍ ആ​ശ്ര​യി​ക്കു​ന്ന പ്ര​ധാ​ന മാ​ർ​ക്ക​റ്റാ​ണ് മ​ത്ര. വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ല്‍ ന​ല്ല തി​ര​ക്കാ​ണ്​. മ​ല​യാ​ളി​ക​ളും സ്വ​ദേ​ശി​ക​ളു​മാ​ണ് പ്ര​ധാ​ന ഉ​പ​ഭോ​ക്താ​ക്ക​ള്‍. വി​ദേ​ശ ടൂ​റി​സ്​​റ്റു​ക​ള​ട​ക്കം ധാ​രാ​ളം പേ​ർ സ​ന്ദ​ർ​ശി​ക്കാ​റു​ണ്ട്. പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളാ​യ സ്വ​ദേ​ശി​ക​ളാ​ണ് ക​ച്ച​വ​ട​ക്കാ​ർ. മു​മ്പ് വി​ദേ​ശി​ക​ള്‍ക്കും ക​ച്ച​വ​ടാ​നു​മ​തി ഉ​ണ്ടാ​യി​രു​ന്നു. സ്വ​ദേ​ശി​വ​ത്​​ക​ര​ണം വ​ന്ന​തോ​ടെ വി​ദേ​ശി​ക​ൾ പു​റ​ന്ത​ള്ള​പ്പെ​ട്ടു. മ​ത്സ്യം വൃ​ത്തി​യാ​ക്കി മു​റി​ച്ചു​ന​ല്‍കാ​നും സൗ​ക​ര്യ​മു​ണ്ട്.

ഒ​മാ​ന്‍ ക​ട​ലി​ല്‍നി​ന്നും അ​ര്‍ധ രാ​ത്രി​യി​ലും വെ​ളു​പ്പാ​ന്‍ കാ​ല​ത്തും പി​ടി​ച്ച പ​ല​ത​രം മീ​നു​ക​ൾ പു​ല​ര്‍ച്ച​ത​ന്നെ ഇ​വി​ടെ​യെ​ത്തും. മ​ല​യാ​ളി​ക​ളു​ടെ ജീ​വി​ത​ത്തി​​ന്‍റെ ഭാ​ഗ​മാ​യ അ​യ​ല​യും മ​ത്തി​യു​മൊ​ക്കെ പി​ട​ക്കു​ന്ന​ത് കി​ട്ട​ണ​മെ​ങ്കി​ല്‍ രാ​വി​ലെ എ​ത്ത​ണം. ബോ​ട്ടി​ല്‍നി​ന്നും നേ​രി​ട്ട് വാ​ങ്ങു​ക​യും ചെ​യ്യാം. സാ​ധാ​ര​ണ ഗ​തി​യി​ല്‍ ത​ണു​പ്പു​കാ​ല​ത്താ​ണ് മ​ത്സ്യം ധാ​രാ​ള​മാ​യി മാ​ർ​ക്ക​റ്റി​ല്‍ ല​ഭ്യ​മാ​വു​ക. മ​ത്സ്യ​ങ്ങ​ളി​ലെ ന​ക്ഷ​ത്ര ഇ​ന​ങ്ങ​ളാ​യ അ​യ​ക്കൂ​റ, ആ​വോ​ലി​യൊ​ക്കെ ത​ണു​പ്പ് സ​മ​യം ധാ​രാ​ള​മാ​യി എ​ത്തി​യാ​ല്‍ വി​ല​ക്കു​റ​വി​ല്‍ ല​ഭി​ക്കാ​റു​ണ്ടാ​യി​രു​ന്ന കാ​ല​മു​ണ്ടാ​യി​രു​ന്നു.

അ​ന്നൊ​ക്കെ ഓ​രോ​ന്നും എ​ണ്ണി​യാ​ണ് വി​ല്‍പ​ന ന​ട​ത്താ​റ്. ഇ​ന്ന​ത് തൂ​ക്ക​മാ​യി. അ​യ​ല, മ​ത്തി ഇ​വ​യൊ​ക്കെ യ​ഥേ​ഷ്​​ടം ല​ഭി​ച്ചി​രു​ന്ന കാ​ലം പോ​യി. ക​വ​ര്‍ നി​റ​യെ കു​റ​ഞ്ഞ ബൈ​സ​ക്ക് ല​ഭി​ക്കു​മാ​യി​രു​ന്ന അ​ത്ത​രം ജ​ന​കീ​യ ഇ​ന​ങ്ങ​ളും തൂ​ക്കി ത​ന്നെ​യാ​ണ് ഇ​പ്പോ​ള്‍ വി​ല്‍പ​ന. കോ​വി​ഡ്​ മു​ൻ​ക​രു​ത​ലു​ക​ളു​ടെ ഭാ​ഗ​മാ​യി മ​ത്ര മ​ത്സ്യ മാ​ർ​ക്ക​റ്റി​ൽ ഏ​ർ​പ്പെ​ടു​ത്തി​യി​രു​ന്ന നി​യ​ന്ത്ര​ണം മാ​സ​ങ്ങ​ൾ​ക്കു​ മു​മ്പ്​ നീ​ക്കി​യി​രു​ന്നു.