അ​ന്താ​രാ​ഷ്​​ട്ര വ​നി​താ ഹോ​ക്കി ടൂ​ർ​ണ​മെ​ന്‍റ്​ 24 മു​ത​ൽ

മ​സ്ക​ത്ത്​: ഒ​മാ​ൻ ഹോ​ക്കി അ​സോ​സി​യേ​ഷ​ൻ സം​ഘ​ടി​പ്പി​ക്കു​ന്ന രാ​ജ്യ​ത്തെ പ്ര​ഥ​മ അ​ന്താ​രാ​ഷ്​​ട്ര വ​നി​ത ഹോ​ക്കി ടൂ​ർ​ണ​മെ​ന്‍റ്​ 24,25,26 തീ​യ​തി​ക​ളി​ൽ മ​സ്ക​ത്തി​ൽ ന​ട​ക്കു​മെ​ന്ന്​ സം​ഘാ​ട​ക​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. ബൗ​ഷ​റി​ലെ സു​ൽ​ത്താ​ൻ ഖാ​ബൂ​സ് സ്റ്റേ​ഡി​യം കോം​പ്ല​ക്‌​സി​ൽ ആ​യി​രി​ക്കും മ​ത്സ​ര​ങ്ങ​ൾ. ഫൈ​വ്​ എ ​സൈ​ഡ് ഫോ​ർ​മാ​റ്റി​ലാ​യി​രി​ക്കും ഗെ​യിം. ടൂ​ർ​ണ​മെ​ന്‍റി​ന്‍റെ ഔ​ദ്യോ​ഗി​ക ഉ​ദ്​​ഘാ​ട​നം 24ന് ​വൈ​കീ​ട്ട് 6.00 മ​ണി​ക്ക്​ ന​ട​ക്കും. മ​ത്സ​ര​ങ്ങ​ൾ ഉ​ച്ച​ക്ക്​ ര​ണ്ടു​മ​ണി മു​ത​ൽ തു​ട​ങ്ങും.

അ​ടു​ത്ത വ​ർ​ഷം ജ​നു​വ​രി​യി​ൽ ഒ​മാ​ൻ ഫൈ​വ്​ എ ​സൈ​ഡ് വേ​ൾ​ഡ് ക​പ്പി​ന്​ ആ​തി​ഥേ​യ​ത്വം വ​ഹി​ക്കാ​ൻ പോ​വു​ക​യാ​ണ്. അ​തു​കൊ​ണ്ടു​ത​ന്നെ ടൂ​ർ​ണ​മെ​ന്‍റി​നെ വ​ള​രെ പ്രാ​ധാ​ന്യ​ത്തോ​ടെ​യാ​ണ്​ സു​ൽ​ത്താ​നേ​റ്റ്​ കാ​ണു​ന്ന​ത്. ഏ​ഷ്യ​ൻ ഹോ​ക്കി ഫെ​ഡ​റേ​ഷ​ന്റെ അം​ഗീ​കാ​ര​വും ടൂ​ർ​ണ​മെ​ന്‍റി​നു​ണ്ട്. ഇ​ന്ത്യ​യി​ൽ​നി​ന്ന്​ മൂ​ന്ന്, ദു​ബൈ, ഈ​ജി​പ്ത്​ എ​ന്നി​വി​ട​ങ്ങ​ളി​ൽ ​ഓ​രോ വീ​ത​വു​മ​ട​ക്കം അ​ഞ്ച് അ​ന്താ​രാ​ഷ്ട്ര ടീ​മു​ക​ളും ഒ​മാ​നി​ൽ​നി​ന്നു​ള്ള മൂ​ന്ന്​ ടീ​മു​ക​ളു​മാ​ണ്​ ടൂ​ർ​ണ​മെ​ന്‍റി​ൽ സ്റ്റി​ക്കേ​ന്തു​ന്ന​ത്.

എ​ല്ലാ​വ​രും പ​ര​സ്പ​രം ഏ​റ്റു​മു​ട്ടു​ന്ന ത​ര​ത്തി​ലു​ള്ള റൗ​ണ്ട് റോ​ബി​ൻ ലീ​ഗ്​ അ​ടി​സ്ഥാ​ന​ത്തി​ലാ​ണ്​ മ​ത്സ​ര​ങ്ങ​ൾ ക്ര​മീ​ക​രി​ച്ചി​രി​ക്കു​ന്ന​ത്. ഏ​റ്റ​വും കൂ​ടു​ത​ൽ പോ​യ​ന്‍റ്​ നേ​ടു​ന്ന നാ​ല്​ ടീ​മു​ക​ൾ ​സെ​മി ഫൈ​ന​ലി​ലെ​ത്തും. ഉ​യ​ർ​ന്ന നി​ല​വാ​ര​മു​ള്ള ടൂ​ർ​ണ​മെ​ന്‍റി​നാ​യി എ​ല്ലാ​വി​ധ ഒ​രു​ക്ക​ങ്ങ​ളും പൂ​ർ​ത്തി​യാ​യ​താ​യി ഒ​മാ​ൻ ഹോ​ക്കി അ​സോ​സി​യേ​ഷ​ൻ ചെ​യ​ർ​മാ​നും, വ​നി​താ അ​ന്താ​രാ​ഷ്ട്ര ഹോ​ക്കി ടൂ​ർ​ണ​മെ​ന്റ് സു​ൽ​ത്താ​നേ​റ്റി​ലേ​ക്ക് കൊ​ണ്ടു​വ​ന്ന​തി​നു​പി​ന്നി​ൽ പ്ര​വ​ർ​ത്തി​ച്ച​വ​രി​ൽ പ്ര​ധാ​നി​യു​മാ​യ ഡോ. ​മ​ർ​വാ​ൻ ജു​മാ അ​ൽ ജു​മ പ​റ​ഞ്ഞു. ഇ​ന്ത്യ​ൻ കാ​യി​ക​രം​ഗ​ത്തു​ണ്ടാ​യ വ​നി​താ മു​ന്നേ​റ്റ​ങ്ങ​ളെ​ക്കു​റി​ച്ച്​ വാ​ർ​ത്ത​സ​മ്മേ​ള​ന​ത്തി​ൽ പ​​ങ്കെ​ടു​ത്ത ഇ​ന്ത്യ​ൻ അം​ബാ​സ​ഡ​ർ അ​മി​ത്​ നാ​ര​ങ്ങി​ന്‍റെ പ​ത്നി ദി​വ്യ നാ​ര​ങ്​ ചൂ​ണ്ടി​ക്കാ​ണി​ച്ചു. ഇ​ത്ത​രം ഒ​രു ടൂ​ർ​ണ​മെ​ന്‍റ്​ സം​ഘി​പ്പി​ക്കാ​ൻ മു​ൻ​കൈ​യെ​ടു​ത്ത ഒ​മാ​ൻ ഹോ​ക്കി അ​സോ​സി​യേ​ഷ​നെ അ​ഭി​ന​ന്ദി​ച്ച ദി​വ്യ നാ​ര​ങ്, ഒ​മാ​ൻ വ​നി​താ ഹോ​ക്കി ടീ​മി​ന് മി​ക​ച്ച വി​ജ​യം കൈ​വ​രി​ക്കാ​ൻ ആം​​ശ​സ നേ​രു​ക​യും ചെ​യ്തു. ഇ​ന്ത്യ​യി​ലെ​യും ഗ​ൾ​ഫ് രാ​ജ്യ​ങ്ങ​ളി​ലെ​യും കാ​യി​ക രം​ഗ​ത്ത്​ സ​ജീ​വ​മാ​യ യു​​നൈ​റ്റ​ഡ്​ ത​ല​ശ്ശേ​രി സ്​​പോ​ർ​ട്സ്​ ക്ല​ബും ടൂ​ർ​ണ​മെ​ന്‍റി​ന് പി​ന്തു​ണ​യു​മാ​യി രം​ഗ​ത്തു​ണ്ട്. ടൂ​ർ​ണ​മെ​ന്റി​ന്റെ ലോ​ഗോ പ്ര​കാ​ശ​ന​വും ന​ട​ന്നു.