ഇൻഡോ-ഒമാൻ ഹ്രസ്വ ചിത്രമേള: പോസ്റ്റർ പ്രകാശനം ചെയ്തു
text_fieldsമസ്കത്ത്: ഇന്ത്യൻ സ്വാതന്ത്ര്യദിനത്തിെൻറ എഴുപതാം വാർഷികാഘോഷങ്ങളുടെ ഭാഗമായി മസ്കത്തിൽ സംഘടിപ്പിക്കുന്ന ഹ്രസ്വ ചലച്ചിത്ര ഫെസ്റ്റിവലിെൻറ പോസ്റ്റർ പ്രകാശനം ചെയ്തു. ഇന്ത്യൻ എംബസി, ഒമാൻ ഫിലിം സൊസൈറ്റിയും കലാമണ്ഡലം മസ്കത്തുമായി ചേർന്നാണ് ഫെസ്റ്റിവൽ സംഘടിപ്പിക്കുന്നത്. എംബസിയിൽ നടന്ന വാർത്തസമ്മേളനത്തിൽ അംബാസഡർ ഇന്ദ്രമണി പാണ്ഡെയും ഒമാൻ ഫിലിം സൊസൈറ്റി ചെയർമാൻ മുഹമ്മദ് അൽ കിന്ദിയും ചേർന്ന് പോസ്റ്റർ പ്രകാശനം ചെയ്തു. സ്വദേശികൾക്കും പ്രവാസി ഇന്ത്യക്കാർക്കും മത്സരത്തിൽ പെങ്കടുക്കാൻ അവസരം ലഭിക്കും. ഇംഗ്ലീഷ്, അറബിക് ഭാഷകൾക്കുപുറമെ ഏത് ഇന്ത്യൻ ഭാഷയിലും സിനിമ എടുക്കാം.
എന്നാൽ ഇംഗ്ലീഷ്, അറബിക് ഇതര ഭാഷകൾക്ക് സബ്ടൈറ്റിൽ ഉണ്ടായിരിക്കണം. 2015 ഡിസംബർ 31നുശേഷം നിർമിച്ചവയാകണം സിനിമകൾ. രണ്ടു വിഭാഗങ്ങളായാണ് മത്സരം. 19 വയസ്സിനു താഴെയുള്ളവർക്ക് വിദ്യാർഥി വിഭാഗത്തിലും 19 വയസ്സിനു മുകളിൽ പ്രായമുള്ളവർക്ക് ജനറൽ വിഭാഗത്തിലുമാണ് മത്സരം. അഞ്ചു മിനിറ്റു മുതൽ 15 മിനിറ്റുവരെയായിരിക്കണം സിനിമയുടെ ദൈർഘ്യം. ജൂലൈ 15നു മുമ്പായി എൻട്രികൾ സമർപ്പിക്കണം.
20 റിയാൽ ആണ് രജിസ്ട്രേഷൻ ഫീസ്. ആഗസ്റ്റ് എട്ട്, ഒമ്പത് തീയതികളിൽ ഒമാന് ഫിലിം സൊസൈറ്റി തിയറ്ററില് മത്സരയിനത്തില്പെട്ട ഹ്രസ്വ ചിത്രങ്ങള് പ്രദര്ശിപ്പിക്കും.
ആഗസ്റ്റ് 10ന് ഇന്ത്യൻ എംബസിയിലാണ് സമാപന സമ്മേളനം. ഒമാനികളും ഇന്ത്യക്കാരുമടങ്ങുന്ന അഞ്ചംഗ ജൂറിയാണ് വിജയികളെ തീരുമാനിക്കുക. മികച്ച ചിത്രത്തിന് ജനറൽ വിഭാഗത്തിൽ 500 റിയാൽ സമ്മാനമായി ലഭിക്കും. മികച്ച സംവിധായകൻ, മികച്ച നടൻ, നടി, മികച്ച തിരക്കഥ, ഛായാഗ്രഹണം എന്നിവക്ക് 250 റിയാലും ലഭിക്കും. ഇതേ ഇനങ്ങൾക്ക് വിദ്യാർഥി വിഭാഗത്തിൽ 300 റിയാലും 150 റിയാലുമാണ് സമ്മാനത്തുക. ഫിലിം ഫെസ്റ്റിവൽ ഒാർഗനൈസർ ഗോപകുമാർ, നടത്തിപ്പു കമ്മിറ്റി ചെയർമാൻ ഗോപകുമാർ,ഷിലിൻ പൊയ്യാര എന്നിവരും വാർത്താ സമ്മേളനത്തിൽ പെങ്കടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.