ഇ​ന്ത്യ​ൻ സോ​ഷ്യ​ൽ ക്ല​ബ് പു​സ്ത​കോ​ത്സ​വ​ത്തി​ന് ഉ​ജ്ജ്വ​ല തു​ട​ക്കം

മ​സ്ക​ത്ത്: ഇ​ന്ത്യ​ൻ സോ​ഷ്യ​ൽ ക്ല​ബ് ഒ​മാ​ൻ ഇ​ന്ത്യ​ൻ എം​ബ​സി​യു​മാ​യും അ​ൽ ബാ​ജ് ബു​ക്സു​മാ​യി ചേ​ർ​ന്ന് സം​ഘ​ടി​പ്പി​ക്കു​ന്ന നാ​ലാ​മ​ത് പു​സ്ത​കോ​ത്സ​വ​ത്തി​ന് ഉ​ജ്ജ്വ​ല തു​ട​ക്ക​മാ​യി.ഇ​ന്ത്യ​ൻ സോ​ഷ്യ​ൽ ക്ല​ബ് ഹാ​ളി​ൽ ന​ട​ന്ന പ്രൗ​ഢ​ഗം​ഭീ​ര​മാ​യ ച​ട​ങ്ങി​ൽ ഇ​ന്ത്യ​ൻ സ്ഥാ​ന​പ​തി ജി.​വി. ശ്രീ​നി​വാ​സ് ഉ​ദ്ഘാ​ട​നം ചെ​യ്തു.

നാ​ഷ​ന​ൽ യൂ​നി​വേ​ഴ്സി​റ്റി​യു​ടെ വൈ​സ് ചാ​ൻ​സ​ല​ർ ഡോ. ​അ​ലി സൗ​ദ് അ​ൽ ബി​മാ​നി, കേ​ണ​ൽ അ​ബ്ദു​ൽ വ​ഹാ​ബ് അ​ബ്ദു​ൽ ക​രീം ഈ​സ അ​ൽ ബ​ലൂ​ഷി, ഇ​ന്ത്യ​ൻ സ്കൂ​ൾ ബോ​ർ​ഡ് ചെ​യ​ർ​മാ​ൻ സ​യ്യി​ദ് അ​ഹ​മ്മ​ദ് സ​ൽ​മാ​ൻ, അ​ൽ അ​ൻ​സാ​രി ഗ്രൂ​പ് സി.​ഇ.​ഒ കി​ര​ൺ ആ​ഷ​ർ, ഇ​ന്ത്യ​ൻ സ്കൂ​ൾ മ​സ്ക​ത്ത് പ്രി​ൻ​സി​പ്പ​ൽ രാ​കേ​ഷ് ജോ​ഷി തു​ട​ങ്ങി​യ ഒ​മാ​നി​ലെ പ്ര​മു​ഖ വ്യ​ക്തി​ത്ത്വ​ങ്ങ​ൾ ച​ട​ങ്ങി​ൽ സം​സാ​രി​ച്ചു.

ഇ​ന്ത്യ​യും ഒ​മാ​നും ത​മ്മി​ലു​ള്ള ന​യ​ത​ന്ത്ര ബ​ന്ധ​ത്തി​ന്റെ 70ാം വാ​ർ​ഷി​കം ആ​ഘോ​ഷി​ക്കു​ന്ന​തി​ന്റെ ഭാ​ഗ​മാ​യാ​ണ് ഇ​ത്ത​വ​ണ​ത്തെ പു​സ്ത​കോ​ത്സ​വം സം​ഘ​ടി​പ്പി​ക്കു​ന്ന​ത്.ഡാ​ർ​സൈ​ത്തി​ലെ ഇ​ന്ത്യ​ൻ സേ​ഷ്യ​ൽ ക്ല​ബ് ഹാ​ളി​ൽ ന​ട​ക്കു​ന്ന പു​സ്ത​കോ​ത്സ​വം മേ​യ് 17വ​രെ തു​ട​രും. രാ​വി​ലെ 10 മ​ണി മു​ത​ൽ രാ​ത്രി 10 മ​ണി​വ​രെ പ്ര​വേ​ശ​ന​മു​ണ്ടാ​കും.

ഇം​ഗ്ലീ​ഷ്, അ​റ​ബി​ക്, ഹി​ന്ദി, മ​ല​യാ​ളം, ത​മി​ഴ്, ഗു​ജ​റാ​ത്തി, തെ​ലു​ങ്ക്, ബം​ഗാ​ളി, ഉ​ർ​ദു തു​ട​ങ്ങി​യ 12ല​ധി​കം ഭാ​ഷ​ക​ളി​ലാ​യി ഒ​രു ല​ക്ഷ​ത്തി​ല​ധി​കം പു​സ്ത​ക​ങ്ങ​ളു​മാ​യി ഒ​മാ​നി​ലെ മു​ൻ​നി​ര പു​സ്ത​ക​വി​ത​ര​ണ സ്ഥാ​പ​ന​മാ​യ അ​ൽ ബാ​ജ് ബു​ക്സ് പ്ര​ദ​ർ​ശ​ന​ത്തി​ലു​ണ്ട്. പു​സ്ത​കോ​ത്സ​വ​ത്ത​ന്റെ ഭാ​ഗ​മാ​യി സ്കൂ​ൾ വി​ദ്യാ​ർ​ഥി​ക​ൾ​ക്കാ​യി ക​യ്യെ​ഴു​ത്ത് മ​ത്സ​രം, പ്ര​സം​ഗ മ​ത്സ​രം, ക​ള​റി​ങ് തു​ട​ങ്ങി​യ വി​വി​ധ മ​ത്സ​ര​ങ്ങ​ൾ സം​ഘ​ടി​പ്പി​ക്കു​ന്നു​ണ്ട്.

സീ​ബ് സ്കൂ​ൾ ര​ണ്ടാം ക്ലാ​സ് വി​ദ്യാ​ർ​ഥി അ​മ​ൻ അ​ഹ്‌​മ​ദ് ന​ട​ത്തി​യ ചെ​റു​പ്ര​സം​ഗം കാ​ണി​ക​ൾ​ക്ക് പ്ര​ചോ​ദ​ന​മാ​യി. ഇ​ന്ത്യ​ൻ സോ​ഷ്യ​ൽ ക്ല​ബ് ഒ​മാ​ൻ ചെ​യ​ർ​മാ​ൻ ബാ​ബു രാ​ജേ​ന്ദ്ര​ൻ സ്വാ​ഗ​ത​വും ജ​ന​റ​ൽ സെ​ക്ര​ട്ട​റി ഷ​ക്കീ​ൽ കോ​മോ​ത്ത് ന​ന്ദി​യും പ​റ​ഞ്ഞു.