ഇ​ന്ത്യ​ൻ സോ​ഷ്യ​ൽ ക്ല​ബ് ‘ബു​ക്ക് ഫെ​സ്റ്റ് 2025’ന് ​ഇ​ന്നു തു​ട​ക്കം

മ​സ്ക​ത്ത്: ഇ​ന്ത്യ​ൻ സോ​ഷ്യ​ൽ ക്ല​ബ് ഒ​മാ​ൻ ഇ​ന്ത്യ​ൻ എം​ബ​സിയു​മാ​യും അ​ൽ ബാ​ജ് ബു​ക്സു​മാ​യി ചേ​ർ​ന്ന് സം​ഘ​ടി​പ്പി​ക്കു​ന്ന നാ​ലാ​മ​ത് പു​സ്ത​കോ​ത്സ​വം ‘ബു​ക്ക് ഫെ​സ്റ്റ് 2025’ ദാ​ർ​സൈ​ത്തി​ലെ ഇ​ന്ത്യ​ൻ സോ​ഷ്യ​ൽ ക്ല​ബ് ഹാ​ളി​ൽ മേ​യ് 14 മു​ത​ൽ 17 വ​രെ ന​ട​ക്കും. ബു​ധ​നാ​ഴ്ച വൈ​കീ​ട്ട് അ​ഞ്ചി​നു ന​ട​ക്കു​ന്ന ച​ട​ങ്ങി​ൽ ഇ​ന്ത്യ​ൻ സ്ഥാ​ന​പ​തി ജി.​വി. ശ്രീ​നി​വാ​സ് പു​സ്​​ത​കോ​ത്സ​വം ഔ​ദ്യോ​ഗി​ക​മാ​യി ഉ​ദ്ഘാ​ട​നം ചെ​യ്യു​മെ​ന്ന് ഇ​ന്ത്യ​ൻ സോ​ഷ്യ​ൽ ക്ല​ബ് ഒ​മാ​ൻ ചെ​യ​ർ​മാ​ൻ ബാ​ബു രാ​ജേ​ന്ദ്ര​ൻ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

നാ​ഷ​ന​ൽ യൂ​നി​വേ​ഴ്സി​റ്റി​യു​ടെ വൈ​സ് ചാ​ൻ​സ​ല​ർ ഡോ. ​അ​ലി സൗ​ദ് അ​ൽ ബി​മാ​നി, കേ​ണ​ൽ അ​ബ്ദു​ൽ വ​ഹാ​ബ് അ​ബ്ദു​ൽ ക​രീം ഈ​സ അ​ൽ ബ​ലൂ​ഷി, ഇ​ന്ത്യ​ൻ സ്കൂ​ൾ ബോ​ർ​ഡ് ചെ​യ​ർ​മാ​ൻ സെ​യ്ദ് അ​ഹ​മ്മ​ദ് സ​ൽ​മാ​ൻ, അ​ൽ അ​ൻ​സാ​രി ഗ്രൂ​പ് സി.​ഇ.​ഒ കി​ര​ൺ ആ​ഷ​ർ, ഇ​ന്ത്യ​ൻ സ്കൂ​ൾ മ​സ്ക​ത്ത് പ്രി​ൻ​സി​പ്പ​ൽ രാ​കേ​ഷ് ജോ​ഷി തു​ട​ങ്ങി​യ ഒ​മാ​നി​ലെ പ്ര​മു​ഖ വ്യ​ക്തി​ക​ളും ച​ട​ങ്ങി​ൽ പ​ങ്കു​ചേ​രും.

ഇ​ന്ത്യ​യും ഒ​മാ​നും ത​മ്മി​ലു​ള്ള ന​യ​ത​ന്ത്ര ബ​ന്ധ​ത്തി​ന്റെ 70ാം വാ​ർ​ഷി​കാ​ഘോ​ഷി​ക്കു​ന്ന​ത​ന്റെ ഭാ​ഗ​മാ​യാ​ണ് ഇ​ത്ത​വ​ണ​ത്തെ പു​സ്ത​കോ​ത്സ​വം സം​ഘ​ടി​പ്പി​ക്കു​ന്ന​ത്. രാ​വി​ലെ 10 മു​ത​ൽ രാ​ത്രി 10 വ​രെ പൊ​തു​ജ​ന​ങ്ങ​ൾ​ക്കാ​യി പ്ര​വേ​ശ​നം അ​നു​വ​ദി​ക്കും. ഇം​ഗ്ലീ​ഷ്, അ​റ​ബി​ക്, ഹി​ന്ദി, മ​ല​യാ​ളം, ത​മി​ഴ്, ഗു​ജ​റാ​ത്തി, തെ​ലു​ങ്ക്, ബം​ഗാ​ളി, ഉ​ർ​ദു തു​ട​ങ്ങി​യ 12ല​ധി​കം ഭാ​ഷ​ക​ളി​ലാ​യി ഒ​രു ല​ക്ഷ​ത്തി​ല​ധി​കം പു​സ്ത​ക​ങ്ങ​ളു​മാ​യി ഒ​മാ​നി​ലെ മു​ൻ​നി​ര പു​സ്ത​ക​വി​ത​ര​ണ സ്ഥാ​പ​ന​മാ​യ അ​ൽ ഭാ​ജ് ബു​ക്സ് പ്ര​ദ​ർ​ശ​ന​ത്തി​ൽ പ​ങ്കെ​ടു​ക്കും. ഇ​ന്ത്യ​ൻ എം​ബ​സി​യി​ൽ​നി​ന്നു​ള്ള പു​സ്ത​ക​ങ്ങ​ളും പു​സ്കോ​ത്സ​വ വേ​ദി​യി​ൽ സൗ​ജ​ന്യ​മാ​യി ല​ഭ്യ​മാ​യി​രി​ക്കും. ഒ​മാ​നെ കു​റി​ച്ച് ഇ​ന്ത്യ​ക്കാ​രും ഇ​ന്ത്യ​യെ പ​റ്റി ഒ​മാ​നി​ക​ളും എ​ഴു​തി​യ പു​സ്ത​ക​ങ്ങ​ളും ഒ​രു​ക്കി​യി​ട്ടു​ണ്ടെ​ന്ന് സം​ഘാ​ട​ക​ർ വ്യ​ക്ത​മാ​ക്കി. ഇ​ന്ത്യ​ൻ എം​ബ​സി​യും ഇ​ന്ത്യ​ൻ സോ​ഷ്യ​ൽ ക്ല​ബും ചേ​ർ​ന്ന് സം​ഘ​ടി​പ്പി​ക്കു​ന്ന ഈ ​മ​ഹ​ത്താ​യ പ​രി​പാ​ടി​യി​ലെ പ​ങ്കാ​ളി​യാ​കു​ന്ന​ത് വ​ലി​യൊ​രു ആ​ദ​ര​വാ​ണെ​ന്ന് അ​ൽ ബാ​ജ് ബു​ക്സി​ന്റെ മാ​നേ​ജി​ങ് ഡ​യ​റ​ക്ട​ർ ഷൗ​ഖ​ത്ത​ലി പ​റ​ഞ്ഞു. പു​സ്ത​ക​ങ്ങ​ൾ 50 ശ​ത​മാ​നം വ​രെ നി​ര​ക്കി​ള​വു​ക​ളി​ൽ ല​ഭ്യ​മാ​യി​രി​ക്കു​മെ​ന്നും അ​ദേ​ഹം പ​റ​ഞ്ഞു.

ഇ​ന്ത്യ​ൻ സോ​ഷ്യ​ൽ ക്ല​ബ് ഒ​മാ​ൻ ജ​ന​റ​ൽ സെ​ക്ര​ട്ട​റി ഷ​ക്കീ​ൽ കോ​മോ​ത്ത്, അ​ൽ ബാ​ജ് ബു​ക്സി​ന്റെ മാ​നേ​ജി​ങ് ഡ​യ​റ​ക്ട​ർ ഷൗ​ഖ​ത്ത​ലി എ​ന്നി​വ​രും വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.