ഇ​ന്ത്യ​ൻ സ്കൂ​ളു​ക​ൾ തു​റ​ക്കു​ന്നു, ഫീ​സ് വ​ർ​ധ​ന​യു​മാ​യി വാ​ദീ ക​ബീ​ർ

മ​സ്ക​ത്ത്: ത​ണു​പ്പു​കാ​ല അ​വ​ധി​ക്കു​ശേ​ഷം ഒ​മാ​നി​ലെ ഇ​ന്ത്യ​ൻ സ്കൂ​ളു​ക​ൾ തു​റ​ക്കു​ന്നു. ത​ല​സ്ഥാ​ന​ന​ഗ​രി​യി​ലെ പ​ല സ്കൂ​ളു​ക​ളും വ​ർ​ഷാ​രം​ഭ​ത്തോ​ടെ​ത​ന്നെ തു​റ​ന്നു​ക​ഴി​ഞ്ഞു. ഇ​ന്ത്യ​ൻ സ്കൂ​ൾ മ​സ്ക​ത്ത്, ദാ​ർ​സൈ​ത്ത്, മാ​ബേ​ല, സീ​ബ്, ബോ​ഷ​ർ എ​ന്നി​വ​യാ​ണ് തു​റ​ന്നു​പ്ര​വ​ർ​ത്തി​ച്ച​ത്. ഇ​ന്ത്യ​ൻ സ്കൂ​ൾ അ​ൽ​ഗു​ബ്റ, വാ​ദീ​ക​ബീ​ർ എ​ന്നി​വ തു​റ​ന്നു​പ്ര​വ​ർ​ത്തി​ച്ചി​ട്ടി​ല്ല. ഈ ​ര​ണ്ടു സ്കൂ​ളു​ക​ളും അ​ടു​ത്ത ആ​ഴ്ച​യി​ലാ​ണ് തു​റ​ക്കു​ക. പ​ല സ്കൂ​ളു​ക​ളും വീ​ണ്ടും ഓ​ൺ​ലൈ​ൻ ക്ലാ​സു​ക​ളി​ലേ​ക്കു നീ​ങ്ങി. കു​ട്ടി​ക​ൾ​ക്ക് വാ​ക്സി​നേ​ഷ​ൻ പൂ​ർ​ത്തി​യാ​യി​ല്ല എ​ന്ന കാ​ര​ണം പ​റ​ഞ്ഞാ​ണ് സ്കൂ​ളു​ക​ൾ ഓ​ൺ​ലൈ​ൻ ക്ലാ​സു​ക​ളി​ലേ​ക്കു നീ​ങ്ങു​ന്ന​ത്. മ​സ്ക​ത്ത് ഇ​ന്ത്യ​ൻ സ്കൂ​ളി​ൽ താ​ഴ്ന്ന ക്ലാ​സു​ക​ളി​ലെ കു​ട്ടി​ക​ൾ​ക്ക് ഓ​ൺ​ലൈ​ൻ ക്ലാ​സു​ക​ളാ​ണ് ന​ട​ത്തു​ന്ന​ത്. കോ​വി​ഡ് കേ​സു​ക​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ലാ​ണ് വീ​ണ്ടും ഓ​ൺ​ലൈ​ൻ ക്ലാ​സു​ക​ളി​ലേ​ക്കു നീ​ങ്ങു​ന്ന​തെ​ന്നാ​ണ് സ്കൂ​ൾ സ​ർ​ക്കു​ല​റു​ക​ളി​ലു​ള്ള​ത്. നി​ല​വി​ൽ മു​തി​ർ​ന്ന കു​ട്ടി​ക​ൾ​ക്കാ​ണ് പ​ല സ്കൂ​ളു​ക​ളി​ലും നേ​രി​ട്ടു​ള്ള ക്ലാ​സു​ക​ൾ ന​ട​ക്കു​ന്ന​ത്.

അ​തി​നി​ടെ ഫീ​സ് വ​ർ​ധ​ന​യു​മാ​യി ചി​ല സ്കൂ​ളു​ക​ളും രം​ഗ​ത്തു​ണ്ട്. വാ​ദീ ക​ബീ​ർ ഇ​ന്ത്യ​ൻ സ്കൂ​ൾ ട്യൂ​ഷ​ൻ ഫീ​സ് ഇ​ന​ത്തി​ൽ ര​ണ്ട് റി​യാ​ൽ വ​ർ​ധി​പ്പി​ച്ചു.

ഇ​ത് ഒ​രു കു​ട്ടി​ക്ക് വ​ർ​ഷ​ത്തി​ൽ 24 റി​യാ​ലി​ന്‍റെ അ​ധി​ക ചെ​ല​വാ​ണ് ഉ​ണ്ടാ​ക്കു​ന്ന​ത്. നി​ല​വി​ലെ പ്ര​യാ​സ​ക​ര​മാ​യ അ​വ​സ്ഥ​യി​ൽ സ്കൂ​ൾ അ​ധി​കൃ​ത​ർ ഫീ​സ് വ​ർ​ധി​പ്പി​ക്കു​ന്ന​ത്​ ര​ക്ഷി​താ​ക്ക​ളു​ടെ പ്ര​തി​ഷേ​ധ​ത്തി​നി​ട​യാ​ക്കി​യി​ട്ടു​ണ്ട്. രൂ​ക്ഷ​മാ​യ സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്ന സാ​ഹ​ച​ര്യ​ത്തി​ൽ ഫീ​സ് വ​ർ​ധ​ന അം​ഗീ​ക​രി​ക്കാ​ൻ ക​ഴി​യി​ല്ലെ​ന്നാ​ണ് ര​ക്ഷി​താ​ക്ക​ൾ പ​റ​യു​ന്ന​ത്. സ്കൂ​ൾ തു​റ​ക്കു​ന്ന​തോ​ടെ പ്ര​തി​ഷേ​ധം ശ​ക്ത​മാ​വു​മെ​ന്ന് ക​രു​തു​ന്നു. കോ​വി​ഡ് പ്ര​തി​സ​ന്ധി കാ​ര​ണം വ്യാ​പാ​ര, വാ​ണി​ജ്യ മേ​ഖ​ല അ​ട​ക്കം എ​ല്ലാ മേ​ഖ​ല​യും വ​ൻ തി​രി​ച്ച​ടി നേ​രി​ടു​ന്ന സാ​ഹ​ച​ര്യ​ത്തി​ൽ ഫീ​സ് വ​ർ​ധ​ന അം​ഗീ​ക​രി​ക്കാ​ൻ ക​ഴി​യി​ല്ലെ​ന്നാ​ണ് ര​ക്ഷി​താ​ക്ക​ൾ പ​റ​യു​ന്ന​ത്. നി​ല​വി​ലെ ഫീ​സു​​പോ​ലും അ​ട​ക്കാ​ൻ പ്ര​യാ​സ​പ്പെ​ടു​ക​യാ​ണെ​ന്നും ഫീ​സി​ള​വാ​ണ് നി​ല​വി​ലെ സാ​ഹ​ച​ര്യ​ത്തി​ൽ ആ​വ​ശ്യ​മെ​ന്നും ര​ക്ഷി​താ​ക്ക​ൾ പ​റ​യു​ന്നു.

സാ​മ്പ​ത്തി​ക പ്ര​തി​സ​ന്ധി കാ​ര​ണം കു​ട്ടി​ക​ളെ നാ​ട്ടി​ൽ ചേ​ർ​ക്കേ​ണ്ട അ​വ​സ്ഥ​യാ​ണെ​ന്നും പ​റ​യു​ന്നു. ഓ​ൺ​ലൈ​ൻ ക്ലാ​സി​ലേ​ക്കു നീ​ങ്ങു​ന്ന സാ​ഹ​ച​ര്യ​ത്തി​ൽ സ്കൂ​ൾ ഫീ​സു​ക​ൾ കു​റ​ക്ക​ണ​മെ​ന്നാ​ണ് ര​ക്ഷി​താ​ക്ക​ളു​ടെ ആ​വ​ശ്യം. ഫീ​സ് വ​ർ​ധ​ന​യു​മാ​യി മു​ന്നോ​ട്ടു​പോ​വു​ക​യാ​ണെ​ങ്കി​ൽ കു​ട്ടി​ക​ളെ സ്കൂ​ളു​ക​ളി​ൽ​നി​ന്ന് പി​ൻ​വ​ലി​ക്കു​മെ​ന്നും നാ​ട്ടി​ലെ സ്കൂ​ളു​ക​ളി​ൽ ചേ​ർ​ക്കു​മെ​ന്നും ചി​ല ര​ക്ഷി​താ​ക്ക​ൾ പ​റ​യു​ന്നു.

സാ​മ്പ​ത്തി​ക പ്ര​തി​സ​ന്ധി വ​ർ​ധി​ച്ച​തോ​ടെ നി​ര​വ​ധി ര​ക്ഷി​താ​ക്ക​ൾ അ​ടു​ത്ത അ​ധ്യ​യ​ന​വ​ർ​ഷ​ത്തോ​ടെ കു​ട്ടി​ക​ളെ നാ​ട്ടി​ല​യ​ക്കാ​നും ആ​ലോ​ചി​ക്കു​ന്നു​ണ്ട്. ഏ​താ​യാ​ലും നി​ല​വി​ലെ സാ​മ്പ​ത്തി​ക പ്ര​തി​സ​ന്ധി​യും കു​ട്ടി​ക​ളു​ടെ കൊ​ഴി​ഞ്ഞു​പോ​ക്കും ചി​ല ഇ​ന്ത്യ​ൻ സ്കൂ​ളു​ക​ളെ പ്ര​തി​കൂ​ല​മാ​യി ബാ​ധി​ക്കും. അ​ടു​ത്ത ഏ​പ്രി​ലോ​ടെ ഇ​തു​സം​ബ​ന്ധ​മാ​യ ചി​ത്രം തെ​ളി​യും. ഒ​മാ​നി​ൽ നി​ല​വി​ൽ​ത​ന്നെ ചി​ല ഇ​ന്ത്യ​ൻ സ്കൂ​ളു​ക​ൾ സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്നു​ണ്ട്.