ന​വീ​ക​ര​ണ​വു​മാ​യി ഒ​മാ​നി​ലെ ഇ​ന്ത്യ​ൻ സ്‌​കൂ​ളു​ക​ൾ; അ​ഞ്ചാം ക്ലാ​സ് മു​ത​ൽ എ.​ഐ-​സാ​മ്പ​ത്തി​ക സാ​ക്ഷ​ര​ത പ​ഠ​നം

മ​സ്ക​ത്ത്: മാ​റു​ന്ന ലോ​ക​ത്തോ​ടൊ​പ്പം വി​ദ്യാ​ർ​ഥി​ക​ളെ സ​ഞ്ച​രി​പ്പി​ക്കാ​ൻ ല​ക്ഷ്യ​മി​ട്ട് ഒ​മാ​നി​ലെ ഇ​ന്ത്യ​ൻ സ്‌​കൂ​ളു​ക​ൾ നി​ർമി​ത ബു​ദ്ധി​യും (എ.​ഐ) സാ​മ്പ​ത്തി​ക സാ​ക്ഷ​ര​ത​യും പ​ഠി​പ്പി​ക്കു​ന്നു. ഇ​ന്ത്യ​ന്‍ സ്‌​കൂ​ളു​ക​ളു​ടെ ഡ​യ​റ​ക്ടേ​ഴ്‌​സ് ബോ​ര്‍ഡ് ചെ​യ​ര്‍മാ​ന്‍ സ​യ്യി​ദ് അ​ഹ​മ്മ​ദ് സ​ല്‍മാ​ന്റെ നേ​തൃ​ത്വ​ത്തി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ലാ​ണ് അ​ധി​കൃ​ത​ർ ഇ​ക്കാ​ര്യം വ്യ​ക്ത​മാ​ക്കി​യ​ത്. 2025-27 ടേ​മി​ലേ​ക്കു​ള്ള അ​ജ​ണ്ട​യി​ൽ ഉ​ൾ​പ്പെ​ടു​ത്തി​യാ​ണ് വി​ദ്യാ​ർ​ഥി​ക​ൾ​ക്ക് സാ​മ്പ​ത്തി​ക സാ​ക്ഷ​ര​ത​യും എ.​ഐ​യും പ​ഠി​പ്പി​ക്കു​ന്ന​തി​ന് അം​ഗീ​കാ​രം ന​ൽ​കി​യി​രി​ക്കു​ന്ന​ത്. ഭാ​വി ല​ക്ഷ്യ​മി​ട്ടു​ള്ള പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യാ​ണ് ന​ട​പ​ടി.

പാ​ഠ്യ​പ​ദ്ധ​തി​യി​ലും അ​ടി​സ്ഥാ​ന സൗ​ക​ര്യ​ങ്ങ​ളി​ലും ദീ​ർ​ഘ​വീ​ക്ഷ​ണ​ത്തോ​ടെ​യു​ള്ള മെ​ച്ച​പ്പെ​ടു​ത്ത​ലും ഈ ​ന​ട​പ​ടി​ക​ൾ​ക്ക് പി​റ​കി​ലു​ണ്ട്. ഈ ​ആ​ഴ്ച മു​ത​ൽ ഒ​മാ​നി​ലെ എ​ല്ലാ ഇ​ന്ത്യ​ൻ സ്‌​കൂ​ളു​ക​ളി​ലും സ​മ​ഗ്ര സാ​മ്പ​ത്തി​ക സാ​ക്ഷ​ര​ത പ​രി​പാ​ടി ന​ട​പ്പാ​ക്കും. സാ​മ്പ​ത്തി​ക ത​ത്ത്വങ്ങ​ളെ​ക്കു​റി​ച്ചു​ള്ള അ​വ​ബോ​ധം വ​ള​ർ​ത്തു​ന്ന​തി​നും വ്യ​ക്തി​ഗ​ത​വും ഗാ​ർ​ഹി​ക​വു​മാ​യ ധ​ന​കാ​ര്യ​ങ്ങ​ൾ ഫ​ല​പ്ര​ദ​മാ​യി കൈ​കാ​ര്യം ചെ​യ്യു​ന്ന​തി​നു​ള്ള അ​റി​വി​ലൂ​ടെ വി​ദ്യാ​ർ​ഥി​ക​ളെ ശാ​ക്തീ​ക​രി​ക്കു​ന്ന​തി​നും പ്രഫ​ഷ​ന​ൽ രം​ഗ​മെ​ന്ന നി​ല​യി​ൽ ധ​ന​കാ​ര്യ​ത്തി​ൽ താ​ൽ​പ​ര്യം വ​ള​ർ​ത്തു​ന്ന​തി​നു​മാ​ണ് ഈ ​സം​രം​ഭം രൂ​പ​ക​ൽ​പ​ന ചെ​യ്തി​രി​ക്കു​ന്ന​ത്.

വേ​ന​ല​വ​ധി​ക്ക് ശേ​ഷം ത​ന്നെ എ.​ഐ ക​രി​ക്കു​ലം ന​ട​പ്പാ​ക്കും. മെ​ഷീ​ന്‍ ലേ​ണി​ങ്, അ​ല്‍ഗോ​രി​തം, എ.​ഐ ടൂ​ളു​ക​ളു​ടെ ഉ​ത്ത​ര​വാ​ദി​ത്വ​പൂ​ര്‍ണ​മാ​യ ഉ​പ​യോ​ഗം തു​ട​ങ്ങി​യ മേ​ഖ​ല​ക​ളി​ലേ​ക്ക് വെ​ളി​ച്ചം വീ​ശു​ന്ന അ​ടി​സ്ഥാ​ന​പാ​ഠ​ങ്ങ​ള്‍ വി​ദ്യാ​ര്‍ഥി​ക​ള്‍ക്ക് ന​ല്‍കും. മേ​ഖ​ല​യി​ല്‍ ത​ന്നെ അ​ഭൂ​ത​പൂ​ര്‍വ​മാ​യ സാ​ങ്കേ​തി​ക​വി​ദ്യ ന​യി​ക്കു​ന്ന വി​ദ്യാ​ഭ്യാ​സം സ​ജ്ജീ​ക​രി​ക്കു​ക​യാ​ണ് ഇ​തി​ലൂ​ടെ. നി​ല​വി​ല്‍ വ​ള​ര്‍ന്നു​വ​രു​ന്ന സാ​ങ്കേ​തി​ക​വി​ദ്യ​ക​ള്‍ വി​ദ്യാ​ര്‍ഥി​ക​ള്‍ക്ക് പ​രി​ച​യ​പ്പെ​ടു​ത്തു​ക മാ​ത്ര​മ​ല്ല, ക്രി​ട്ടി​ക്ക​ല്‍ തി​ങ്കി​ങ്, നൂ​ത​ന​ത്വം, ഡി​ജി​റ്റ​ല്‍ ഫ്ലുവ​ന്‍സി എ​ന്നി​വ കൗ​മാ​ര കാ​ല​യ​ള​വി​ല്‍ ത​ന്നെ അ​വ​രി​ല്‍ സ​ന്നി​വേ​ശി​പ്പി​ക്കു​ക​യാ​ണ് ല​ക്ഷ്യ​മെ​ന്ന് സ​യ്യി​ദ് അ​ഹ്‌​മ​ദ് സ​ല്‍മാ​ന്‍ പ​റ​ഞ്ഞു. വി​ദ്യാ​ഭ്യാ​സ​ത്തി​ന്റെ ഗു​ണ​നി​ല​വാ​രം അ​തി​ന്റെ അ​ധ്യാ​പ​ക​രു​ടെ ക​ഴി​വു​ക​ളു​മാ​യി അ​ന്ത​ർ​ലീ​ന​മാ​യി ബ​ന്ധ​പ്പെ​ട്ടി​രി​ക്കു​ന്നു​വെ​ന്ന് മ​ന​സി​ലാ​ക്കി, അ​ധ്യാ​പ​ക ജീ​വ​ന​ക്കാ​ർ​ക്കി​ട​യി​ൽ ഒ​രു പ​രി​ശീ​ല​ന ആ​വ​ശ്യ​ങ്ങ​ളു​ടെ വി​ല​യി​രു​ത്താ​ൻ സ​ർ​വേ ആ​രം​ഭി​ച്ചി​ട്ടു​ണ്ട്. ഇ​തി​ലൂ​ടെ പ്ര​ഫ​ഷ​ന​ൽ വി​ക​സ​ന​ത്തി​നു​ള്ള റോ​ഡ്മാ​പ്പ് രൂ​പ​വ​ത്ക​രി​ക്കും.

ഇ​ത്ത​ര​ത്തി​ലു​ള്ള ആ​ദ്യ നീ​ക്ക​മെ​ന്ന നി​ല​യി​ൽ, സ്‌​പോ​ർ​ട്‌​സ് ക​മ്മി​റ്റി​യു​ടെ മേ​ൽ​നോ​ട്ട​ത്തി​ൽ ഒ​രു സ്‌​പോ​ർ​ട്‌​സ് അ​ക്കാ​ദ​മി സ്ഥാ​പി​ക്കു​ന്ന​തി​നും ബോ​ർ​ഡ് സ​മ്മ​തം ന​ൽ​കി. സ്‌​പോ​ർ​ട്‌​സി​ലും അ​നു​ബ​ന്ധ മേ​ഖ​ല​ക​ളി​ലും ക​രി​യ​ർ പി​ന്തു​ട​രു​ന്ന​തി​ന് ഘ​ട​നാ​പ​ര​മാ​യ വ​ഴി​ക​ൾ വാ​ഗ്ദാ​നം ചെ​യ്ത് അ​ക്കാ​ദ​മി, വി​ദ്യാ​ർ​ഥി​ക​ളെ കാ​യി​ക ശേ​ഷി​യും അ​ഭി​ലാ​ഷ​വും വ​ള​ർ​ത്തു​ക​യും പ​രി​ശീ​ലി​പ്പി​ക്കു​ക​യും ചെ​യ്യും. ഇത്തരം കാര്യങ്ങൾ വി​ദ്യാ​ർ​ഥി​ക​ളു​ടെ സ​മ​ഗ്ര​മാ​യ വി​ക​സ​നം ല​ക്ഷ്യ​മാ​ക്കി​യു​ള്ള​താ​ണെ​ന്ന് സ​യ്യി​ദ് അ​ഹ​മ്മ​ദ് സ​ല്‍മാ​ൻ പ​റ​ഞ്ഞു.