ഇന്‍റര്‍സ്കൂള്‍ ഡിബേറ്റ് മത്സരത്തില്‍ ഗൂബ്ര ഇന്ത്യന്‍ സ്കൂള്‍ വിദ്യാര്‍ഥികള്‍ക്ക് കിരീടം 

മസ്കത്ത്: അംബാസഡേഴ്സ് കപ്പ് ട്രോഫിക്കായി നടന്ന ‘പൊലീമിക് ചലഞ്ച്’ ഇന്‍റര്‍ സ്കൂള്‍ ഡിബേറ്റ് മത്സരത്തില്‍ ഗൂബ്ര ഇന്ത്യന്‍ സ്കൂള്‍ വിദ്യാര്‍ഥികള്‍ക്ക് ജയം.
 മസ്കത്ത് ഇന്ത്യന്‍ സ്കൂളില്‍ അംബാസഡര്‍ ഇന്ദ്രമണി പാണ്ഡെയുടെ സാന്നിധ്യത്തില്‍ നടന്ന മത്സരത്തില്‍ തേജസ് ശശികുമാറും അനുശ്രീ ശിരീഷ് ഗുപ്തയുമാണ് ട്രോഫി നേടിയത്. അനുശ്രിക്ക് ഏറ്റവും മികച്ച രണ്ടാമത്തെ വാഗ്മിക്കുള്ള പുരസ്കാരവും തേജസ് ശശികുമാര്‍ മികച്ച എതിര്‍വാദകന്‍ എന്ന ബഹുമതിയും ലഭിച്ചു. 
തര്‍ക്കങ്ങള്‍ പരിഹരിക്കാന്‍ സംഭാഷണങ്ങളേക്കാള്‍ ലോകത്തിന് താല്‍പര്യം യുദ്ധത്തിനോട് എന്ന വിഷയത്തില്‍ നടന്ന മത്സരത്തില്‍ 11 ഇന്ത്യന്‍ സ്കൂളുകളില്‍ നിന്നായി 22 പേര്‍ പങ്കെടുത്തു.