ഇന്ത്യൻ സ്കൂൾ മസ്കത്ത് ഒാപൺ ഫോറം ഇന്ന്
text_fieldsമസ്കത്ത്: മസ്കത്ത് ഇന്ത്യൻ സ്കൂളിലെ രക്ഷിതാക്കളുടെ ഓപൺ ഫോറം വ്യാഴാഴ്ച നടക്കും. വൈകുന്നേരം 6.30 മുതൽ പുതിയ മൾട്ടിപർപ്പസ്ഹാളിലായിരിക്കും ഓപ്പൺ ഫോറം. സ്കൂളിന്റെ തുടർച്ചയായ പുരോഗതിക്കായി സ്കൂളും രക്ഷിതാക്കളും തമ്മിലുള്ള സഹകരണം ശക്തിപ്പെടുത്തുകയാണ് ഇതിലൂടെ ലക്ഷ്യമിടുന്നതെന്ന് അധികൃതർ അറിയിച്ചു.
ഓപ്പൺ ഫോറത്തിലേക്കുള്ള ചോദ്യങ്ങൾ മുൻകൂട്ടി ഗൂഗിൾ ഫോം വഴി ക്ഷണിച്ചിരുന്നു. ഓപ്പൺ ഫോറത്തിന്റെ സുഗമമായ നടത്തിപ്പ് ലക്ഷ്യമിട്ടും സമാനമായ ചോദ്യങ്ങൾ ആവർത്തിക്കുന്നത് ഒഴിവാക്കാനുമാണ് മുൻകൂട്ടി ചോദ്യങ്ങൾ ക്ഷണിച്ചതെന്ന് സ്കൂൾ അധികൃതർ പറഞ്ഞു.
ഓപൺ ഫോറം സമയത്ത് സ്കൂൾ പരിസരത്ത് ഓഡിയോ, വീഡിയോ റെക്കോർഡിങ്ങിന് അനുവാദമുണ്ടാകില്ല. ഇന്ത്യൻ സ്കൂളുകളിൽ ഓപൺ ഫോറം പുനരാരംഭിക്കലും അക്കാദമികവും മറ്റനുബന്ധ വിഷയങ്ങളും ചൂണ്ടിക്കാട്ടി നിരവധി തവണ വിവിധ രക്ഷിതാക്കളുടെ കൂട്ടായ്മയുടെ നേതൃത്വത്തിൽ ഡയറക്ടർ ബോർഡ് ചെയർമാനുമായി ചർച്ചനടത്തിയിരുന്നു. ഇതിന്റെ അടിസ്ഥാനത്തിലാന് ഇപ്പോൾ ഓപൺ ഫോറത്തിന് തുടക്കമായിരിക്കുന്നുത്.
കഴിഞ്ഞ ദിവസം ഇന്ത്യൻ സ്കൂൾ ദാർസൈത്തിലും ഓപൺഫോറം ചേർന്നിരുന്നു. വരും ദിവസങ്ങളിൽ മറ്റു സ്കൂളുകളിലും ഒപ്പൺ ഫോറങ്ങൾ നടക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.