ഒമാൻ ഉപപ്രധാനമന്ത്രിയുമായി ഇന്ത്യൻ സ്ഥാനപതി കൂടിക്കാഴ്ച നടത്തി

മസ്കത്ത്: പ്രതിരോധകാര്യ ഉപപ്രധാനമന്ത്രി സയ്യിദ് ശിഹാബ് ബിൻ താരിഖ് അൽ സഈദുമായി ഒമാനിലെ ഇന്ത്യൻ സ്ഥാനപതി ജി.വി.ശ്രീനിവാസ് കൂടിക്കാഴ്ച നടത്തി. അൽ മുർത്തഫ ഗാരിസണിലുള്ള ഉപപ്രധാനമന്ത്രിയുടെ ഓഫിസിലായിരുന്നു കൂടിക്കാഴ്ച. ഒമാനും ഇന്ത്യയും തമ്മിലുള്ള ബന്ധവും അവ മെച്ചപ്പെടുത്തുന്നതിനുള്ള മാർഗങ്ങളും ഇരുപക്ഷവും അവലോകനം ചെയ്തു. പരസ്പര താൽപര്യമുള്ള നിരവധി വിഷയങ്ങളിൽ കാഴ്ചപാടുകളും കൈമാറി.