വിവിധ മേഖലകളിൽ സഹകരണത്തിന് ഇന്ത്യയും ഒമാനും

മ​സ്ക​ത്ത്​: ഒ​മാ​ൻ വി​ദേ​ശ​കാ​ര്യ മ​ന്ത്രി സ​യ്യി​ദ്​ ബ​ദ​ര്‍ ബി​ന്‍ ഹ​മ​ദ് അ​ല്‍ ബു​സൈ​ദി ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി ഡോ. ​എ​സ്. ജ​യ്ശ​ങ്ക​റു​മാ​യി ന്യൂ​ഡ​ൽ​ഹി​യി​ൽ ച​ർ​ച്ച ന​ട​ത്തി. ജി20 ​ഉ​ച്ച​കോ​ടി​യു​ടെ ഭാ​ഗ​മാ​യി ന​ട​ന്ന ‘റൈ​സി​ന ഡ​യ്‌​ലോ​ഗ്’ സെ​ഷ​നി​ലാ​ണ്​ ഇ​രു​വ​രും ച​ർ​ച്ച ന​ട​ത്തി​യ​ത്. ഇ​രു രാ​ഷ്ട്ര​ങ്ങ​ള്‍ക്കു​മി​ട​യി​ലെ ഉ​ഭ​യ​ക​ക്ഷി​ബ​ന്ധ​വും വി​വി​ധ മേ​ഖ​ല​ക​ളി​ലെ സ​ഹ​ക​ര​ണ​വും ച​ര്‍ച്ച ചെ​യ്തു. നേ​ര​ത്തേ ന​രേ​ന്ദ്ര മോ​ദി​യു​മാ​യും ഒ​മാ​ന്‍ വി​ദേ​ശ​കാ​ര്യ മ​ന്ത്രി ച​ര്‍ച്ച ന​ട​ത്തു​ക​യും സു​ല്‍ത്താ​ന്റെ സ​ന്ദേ​ശം കൈ​മാ​റു​ക​യും ചെ​യ്തി​രു​ന്നു.

ഊ​ർ​ജ ച​ല​നാ​ത്മ​ക​ത, കാ​ലാ​വ​സ്ഥ വ്യ​തി​യാ​നം, പ്രാ​ദേ​ശി​ക, അ​ന്ത​ർ​ദേ​ശീ​യ സ​ഹ​ക​ര​ണം എ​ന്നി​വ​യു​മാ​യി ബ​ന്ധ​പ്പെ​ട്ട് മേ​ഖ​ല​യി​ലെ വെ​ല്ലു​വി​ളി​ക​ളെ​യും അ​വ​സ​ര​ങ്ങ​ളെ​യും അ​ഭി​സം​ബോ​ധ​ന ചെ​യ്ത്​ ‘റൈ​സി​ന ഡ​യ്‌​ലോ​ഗ്’ സെ​ഷ​നി​ൽ സ​യ്യി​ദ് ബ​ദ​ർ സം​സാ​രി​ച്ചു.

മി​ഡി​ലീ​സ്റ്റ് മേ​ഖ​ല​യു​ടെ ഭൗ​മ​രാ​ഷ്ട്രീ​യ പ്രാ​ധാ​ന്യം അ​ദ്ദേ​ഹം പ്ര​സം​ഗ​ത്തി​ൽ എ​ടു​ത്തു​പ​റ​ഞ്ഞു. എ​ണ്ണ​യു​ടെ​യും വാ​ത​ക​ത്തി​ന്റെ​യും ഫോ​സി​ൽ ഊ​ർ​ജ സ്രോ​ത​സ്സു​ക​ളെ ആ​ശ്ര​യി​ക്കു​ന്ന സ​മ്പ​ദ്‌​വ്യ​വ​സ്ഥ​യി​ൽ​നി​ന്ന് പു​ന​രു​പ​യോ​ഗി​ക്കാ​വു​ന്ന​തും ശു​ദ്ധ​വു​മാ​യ ഊ​ർ​ജ​ത്തെ ആ​ശ്ര​യി​ക്കു​ന്ന ആ​ധു​നി​ക സ​മ്പ​ദ്‌​വ്യ​വ​സ്ഥ​യി​ലേ​ക്കു​ള്ള പ​രി​വ​ർ​ത്ത​ന പ്ര​ക്രി​യ​യു​ടെ ഫ​ല​മാ​യി മേ​ഖ​ല​ക്കും ലോ​ക​ത്തി​നു​മു​ണ്ടാ​കു​ന്ന അ​വ​സ​ര​ങ്ങ​ളെ​ക്കു​റി​ച്ചും അ​ദ്ദേ​ഹം സ്പ​ർ​ശി​ച്ചു.

വി​വി​ധ രാ​ജ്യ​ങ്ങ​ൾ, സം​ഘ​ട​ന​ക​ൾ, ഗ​വേ​ഷ​ണ സ്ഥാ​പ​ന​ങ്ങ​ൾ എ​ന്നി​വ​യു​ടെ ക്രി​യാ​ത്മ​ക സ​ഹ​ക​ര​ണ​ത്തി​ലൂ​ടെ ഈ ​അ​വ​സ​ര​ങ്ങ​ൾ പ്ര​യോ​ജ​ന​പ്പെ​ടു​ത്താ​മെ​ന്നും മ​ന്ത്രി വി​ശ​ദീ​ക​രി​ച്ചു. പു​ന​രു​പ​യോ​ഗ ഊ​ർ​ജ​വു​മാ​യി ബ​ന്ധ​പ്പെ​ട്ട നി​ക്ഷേ​പ​ങ്ങ​ൾ ആ​ക​ർ​ഷി​ക്കാ​ൻ ഒ​മാ​ൻ ന​ൽ​കു​ന്ന സൗ​ക​ര്യ​ങ്ങ​ളും അ​ദ്ദേ​ഹം എ​ടു​ത്തു​പ​റ​ഞ്ഞു.

ഇ​ന്ത്യ​യി​ലെ ഒ​മാ​ൻ അം​ബാ​സ​ഡ​ർ ഇ​സ സാ​ലി​ഹ് അ​ൽ ഷി​ബാ​നി, വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യ​ത്തി​ലെ വി​ദേ​ശ വ്യാ​പാ​ര, അ​ന്താ​രാ​ഷ്ട്ര സ​ഹ​ക​ര​ണ ഉ​പ​ദേ​ഷ്ടാ​വ് പ​ങ്ക​ജ് ഖിം​ജി, മ​ന്ത്രി​യു​ടെ ഓ​ഫി​സ് വ​കു​പ്പ് മേ​ധാ​വി ഖാ​ലി​ദ് ഹാ​ഷി​ൽ അ​ൽ മു​സെ​ൽ​ഹി, മ​റ്റ്​ ഉ​ദ്യോ​ഗ​സ്ഥ​ർ എ​ന്നി​വ​ർ ച​ർ​ച്ച​യി​ൽ പ​​​ങ്കെ​ടു​ത്തു.