ഹോട്ടലുകളുടെ വരുമാനത്തിൽ 82.7 ശതമാനത്തിന്‍റെ വർധന

മ​സ്ക​ത്ത്​: രാ​ജ്യ​ത്തെ സ്റ്റാ​ർ ഹോ​ട്ട​ലു​ക​ളു​ടെ (3-5) വ​രു​മാ​നം ക​ഴി​ഞ്ഞ​വ​ർ​ഷം ഡി​സം​ബ​ർ അ​വ​സാ​ന​ത്തോ​ടെ 82.7 ശ​ത​മാ​നം വ​ർ​ധി​ച്ച്​ 185,772 റി​യാ​ൽ ആ​യി. ദേ​ശീ​യ സ്ഥി​തി​വി​വ​ര കേ​ന്ദ്ര​ത്തി​ന്‍റെ പ്ര​തി​മാ​സ സ്റ്റാ​റ്റി​സ്റ്റി​ക്ക​ൽ ബു​ള്ള​റ്റി​നി​ലാ​ണ്​ ഇ​ക്കാ​ര്യം പ​റ​യു​ന്ന​ത്. ഹോ​ട്ട​ലു​ക​ളി​ലെ അ​തി​ഥി​ക​ളു​ടെ എ​ണ്ണം 2021ലെ ​ഇ​തേ കാ​ല​യ​ള​വി​നെ അ​പേ​ക്ഷി​ച്ച് 33.6 ശ​ത​മാ​ന​ത്തി​ന്‍റെ വ​ർ​ധ​ന​വാ​ണു​ണ്ടാ​യി​ട്ടു​ള്ള​ത്.

താ​മ​സ​നി​ര​ക്ക് 17.6 ശ​ത​മാ​നം ഉ​യ​ർ​ന്ന്​ 45 ശ​ത​മാ​ന​ത്തി​ലു​മെ​ത്തി. ഗ​ൾ​ഫ് അ​തി​ഥി​ക​ളു​ടെ എ​ണ്ണ​ത്തി​ൽ 304 ശ​ത​മാ​ന​ത്തി​ന്‍റെ ഉ​യ​ർ​ച്ച​യാ​ണു​ണ്ടാ​യി​ട്ടു​ള്ള​ത്. 2021 ഡി​സം​ബ​ർ അ​വ​സാ​നം 39,689 ആ​ളു​ക​ളാ​യി​രു​ന്നു അ​തി​ഥി​ക​ളാ​യെ​ത്തി​യി​രു​ന്ന​ത്. എ​ന്നാ​ൽ, ക​ഴി​ഞ്ഞ​വ​ർ​ഷം ഡി​സം​ബ​ർ അ​വ​സാ​നം​വ​രെ ഇ​ത്​ 1,60,340 ആ​യി വ​ർ​ധി​ച്ചു. തൊ​ട്ട​ടു​ത്ത​ സ്ഥാ​ന​ത്തു​ള്ള​ത്​ യൂ​റോ​പ്പി​ൽ​നി​ന്നു​ള്ള​വ​രാ​ണ്.

ഹോട്ടലുകളുടെ വരുമാനത്തിൽ 82.7 ശതമാനത്തിന്‍റെ വർധനക​ഴി​ഞ്ഞ വ​ർ​ഷം 3,60,339 ആ​ളു​ക​ളാ​ണ്​ യൂ​റോ​പ്പി​ൽ​നി​ന്ന്​ അ​തി​ഥി​ക​ളാ​യെ​ത്തി​യ​ത്. 2021ൽ ​ഇ​ത്​ 105, 558 ആ​യി​രു​ന്നു. 241.4 ശ​ത​മാ​ന​ത്തി​ന്‍റെ വ​ള​ർ​ച്ച​യാ​ണ്​ രേ​ഖ​പ്പെ​ടു​ത്തി​യി​ട്ടു​ള്ള​ത്. അ​മേ​രി​ക്ക​ൻ സ​ഞ്ചാ​രി​ക​ൾ 165.4 ശ​ത​മാ​നം ഉ​യ​ർ​ന്ന്​ 60,148 ആ​യി. അ​തേ​സ​മ​യം, ഒ​മാ​നി​ക​ളു​ടെ എ​ണ്ണ​ത്തി​ൽ 14.1 ശ​ത​മാ​ന​ത്തി​ന്‍റെ കു​റ​വാ​ണ്​ വ​ന്നി​ട്ടു​ള്ള​ത്. 2021ൽ 8,14,518 ​സ്വ​ദേ​ശി​ക​ൾ എ​ത്തി​യി​രു​ന്നു​വെ​ങ്കി​ൽ ക​ഴി​ഞ്ഞ വ​ർ​ഷം ഡി​സം​ബ​ർ അ​വ​സാ​ന​ത്തോ​ടെ ഇ​ത്​ 699,937 ആ​യി കു​റ​ഞ്ഞു.