ഒമാനിൽ​ പ്രാ​യ​പൂ​ർ​ത്തി​യാ​കാ​ത്ത​വ​രും സ്ത്രീ​ക​ളും ചെ​യ്യു​ന്ന കുറ്റകൃത്യങ്ങൾ വർധിക്കുന്നു

മ​സ്ക​ത്ത്​: പ്രാ​യ​പൂ​ർ​ത്തി​യാ​കാ​ത്ത​വ​രും സ്ത്രീ​ക​ളും ചെ​യ്യു​ന്ന ക്രി​മി​ന​ൽ പ്ര​വ​ർ​ത്ത​ന​ങ്ങ​ൾ രാ​ജ്യ​ത്ത്​ വ​ർ​ധി​ക്കു​ന്ന​താ​യി ക​ണ​ക്കു​ക​ൾ. പ​ബ്ലി​ക് പ്രോ​സി​ക്യൂ​ഷ​ൻ ക​ഴി​ഞ്ഞ ദി​വ​സം പു​റ​ത്തു​ വി​ട്ട ക​ണ​ക്കു​ക​ളി​ലാ​ണ്​​ 2020നെ ​​അ​പേ​ക്ഷി​ച്ച്​ 2021ൽ ​വ​ർ​ധ​ന കാ​ണി​ക്കു​ന്ന​ത്. ​ ജു​വ​നൈ​ൽ കു​റ്റ​കൃ​ത്യ​ങ്ങ​ൾ 50 ശ​ത​മാ​നം വ​ർ​ധി​ച്ചി​ട്ടു​ണ്ട്. ക​ഴി​ഞ്ഞ വ​ർ​ഷം 18 വ​യ​സ്സി​ന്​ താ​ഴ​യു​ള്ള 740പേ​രാ​ണ്​ ക്രി​മി​ന​ൽ പ്ര​വ​ർ​ത്ത​ന​ങ്ങ​ളി​ൽ ആ​രോ​പ​ണ വി​ധേ​യ​രാ​യി​ട്ടു​ള്ള​ത്. ഇ​തി​ൽ 701 ആ​ൺ​കു​ട്ടി​ക​ളും 31​പെ​ൺ​കു​ട്ടി​ക​ളും ഉ​ൾ​പ്പെ​ടും. 2020 വെ​റും 473 കേ​സു​ക​ളാ​ണ്​ ഇ​ത്ത​ര​ത്തി​ൽ ര​ജി​സ്റ്റ​ർ ചെ​യ്തി​രു​ന്ന​ത്. സ്ത്രീ​ക​ൾ ചെ​യ്യു​ന്ന കു​റ്റ​കൃ​ത്യ​ങ്ങ​ളി​ൽ ഒ​മാ​നി​ൽ 21 ശ​ത​മാ​നം വ​ർ​ധ​ന​യു​ണ്ടാ​യ​താ​യും ക​ണ​ക്കു​ക​ൾ വ്യ​ക്ത​മാ​ക്കു​ന്നു. ക​ഴി​ഞ്ഞ വ​ർ​ഷം ക്രി​മി​ന​ൽ കു​റ്റം ചു​മ​ത്ത​പ്പെ​ട്ട 3,637 സ്ത്രീ​ക​ളെ പ​ബ്ലി​ക് പ്രോ​സി​ക്യൂ​ഷ​ന് മു​മ്പാ​കെ ഹാ​ജ​രാ​ക്കി. കു​റ്റാ​രോ​പി​ത​രാ​യ സ്ത്രീ​ക​ളി​ൽ 58.4 ശ​ത​മാ​നം ഒ​മാ​നി​ക​ളും 41.6 ശ​ത​മാ​നം വി​ദേ​ശി​ക​ളു​മാ​ണ്.

ക​ഴി​ഞ്ഞ വ​ർ​ഷം പ​ബ്ലി​ക് പ്രോ​സി​ക്യൂ​ഷ​ന് മു​മ്പാ​കെ ഹാ​ജ​രാ​ക്കി​യ പ്ര​തി​ക​ളു​ടെ ആ​കെ എ​ണ്ണം 34,873 ആ​ണ്. ഇ​തി​ൽ 28,201 പേ​ർ 2021 ൽ ​ക്രി​മി​ന​ൽ കേ​സു​ക​ളി​ൽ പ്ര​തി​ക​ളാ​ണ്. മ​സ്ക​ത്ത്​ ഗ​വ​ർ​ണ​റേ​റ്റി​ൽ​നി​ന്നാ​ണ്​ ഏ​റ്റ​വും കൂ​ടു​ത​ൽ പ്ര​തി​ക​ളെ പ​ബ്ലി​ക് പ്രോ​സി​ക്യൂ​ഷ​ന് മു​മ്പാ​കെ ഹാ​ജ​രാ​ക്കി​യ​ത്. 13,914പേ​രെ​യാ​ണ്​ അ​ഭി​മു​ഖീ​ക​രി​ച്ച​ത്. 2020മാ​യി താ​ര​ത​മ്യം ചെ​യ്യു​​​​മ്പോ​ൾ 24 ശ​ത​മാ​നം വ​ർ​ധ​ന​യാ​ണ്​ ഉ​ണ്ടാ​യി​രി​ക്കു​ന്ന​ത്. വ​ട​ക്ക​ൻ ബാ​ത്തി​ന​യാ​ണ്​ ര​ണ്ടാം സ്ഥാ​ന​ത്ത്​ (5,019 പ്ര​തി​ക​ൾ, 21 ശ​ത​മാ​നം വ​ർ​ധ​ന). മൂ​ന്നാം സ്ഥാ​ന​ത്ത്​ ദോ​ഫാ​ർ ഗ​വ​ർ​ണ​റേ​റ്റാ​ണ്. 4,455 പ്ര​തി​ക​ളെ​യാ​ണ്​ ക​ഴി​ഞ്ഞ വ​ർ​ഷം പ്രേ​സി​ക്യൂ​ഷ​ന്​ മു​മ്പാ​കെ ഹാ​ജ​രാ​ക്കി​യ​ത്. ഏ​റ്റ​വും കു​റ​ഞ്ഞ കേ​സു​ക​ൾ മു​സ​ന്ദ​ത്താ​ണ്. 231 പ്ര​തി​ക​ളെ മാ​ത്ര​മാ​ണ്​ പ്രേ​സി​ക്യൂ​ഷ​ന്​ മു​മ്പാ​കെ ഹാ​ജ​രാ​ക്കി​യ​ത്. 2020മാ​യി താ​ര​ത​മ്യം ചെ​യ്യു​​​​​മ്പോ​ൾ 13 ശ​ത​മാ​ന​ത്തി​​ന്‍റെ കു​റ​വാ​ണു​ണ്ടാ​യി​രി​ക്കു​ന്ന​ത്. മൊ​ത്തം കേ​സു​ക​ളി​ൽ 41.6 ശ​ത​മാ​ന​വും മ​സ്ക​ത്ത് ഗ​വ​ർ​ണ​റേ​റ്റി​ലാ​ണ്. ആ​കെ 11,719 കേ​സു​ക​ളാ​ണ് മ​സ്ക​ത്ത് ഗ​വ​ർ​ണ​റേ​റ്റി​ൽ റി​പ്പോ​ർ​ട്ട് ചെ​യ്ത​ത്. വ​ട​ക്ക​ൻ ബാ​ത്തി​ന​യാ​ണ് ര​ണ്ടാം സ്ഥാ​ന​ത്ത്. 14.5 ശ​താ​മ​നം കേ​സു​ക​ളാ​ണ് വ​ട​ക്ക​ൻ ബാ​ത്തി​ന​യി​ൽ റി​പ്പോ​ർ​ട്ട് ചെ​യ്ത​ത്. 4,098 കേ​സു​ക​ൾ.