അനധികൃത കശാപ്പുശാല; നടപടിയുമായി അധികൃതർ

മസ്കത്ത്​: ലൈസൻസില്ലാതെ കന്നുകാലി കശാപ്പുശാല നടത്തിയ സ്ഥാപനത്തിനെതിരെ നടപടിയുമായി പ്രാദേശിക അധികാരികൾ. സുവൈഖ് മുനിസിപ്പാലിറ്റിയിലെ ഫുഡ് കൺട്രോൾ ആൻഡ് ലൈസൻസിങ്​ ഡിപ്പാർട്മെന്‍റാണ്​ കശാപ്പ്​ നത്തിയിരുന്ന സ്ഥലം പിടിച്ചെടുത്തത്​. പൊതുജനാരോഗ്യവും സുരക്ഷയും സംബന്ധിച്ച ആശങ്കകളെ തുടർന്നായിരുന്നു നടപടി. ആരോഗ്യ മാനദണ്ഡങ്ങൾ പാലിക്കാതെയായിരുന്നു പ്രവർത്തിച്ചിരുന്നതെന്നും നിയമലംഘകർക്കെതിരെ നടപടിയെടുത്തതായും അധികൃതർ അറിയിച്ചു.