ഇബ്രി സോളാർ പ്ലാന്‍റ്​ നാടിന്​ സമർപ്പിച്ചു

സ്ക​ത്ത്​: രാ​ജ്യ​ത്തെ ഏ​റ്റ​വും വ​ലി​യ സോ​ളാ​ർ അ​ധി​ഷ്ഠി​ത പ​വ​ർ ​പ്ലാ​ന്‍റ്​ നാ​ടി​ന്​ സ​മ​ർ​പ്പി​ച്ചു. ദാ​ഹി​റ ഗ​വ​ർ​ണ​റേ​റ്റി​ലെ ഇ​ബ്രി വി​ലാ​യ​ത്തി​ൽ ആ​ഭ്യ​ന്ത​ര​മ​ന്ത്രി സ​യ്യി​ദ് ഹ​മൂ​ദ് ബി​ൻ ഫൈ​സ​ൽ അ​ൽ ബു​സൈ​ദി​യാ​ണ്​ ഔ​ദ്യോ​ഗി​ക​മാ​യി പ്ലാ​ന്‍റ്​ ഉ​ദ്​​ഘാ​ട​നം ചെ​യ്ത​ത്. വൈ​ദ്യു​തി ഉ​ൽ​​പാ​ദ​ന​ത്തി​ൽ കാ​ർ​ബ​ൺ ബ​ഹി​ർ​ഗ​മ​നം പൂ​ജ്യ​മാ​യി കു​റ​ക്കു​ന്ന​തി​നു​ള്ള രാ​ജ്യ​ത്തി‍ന്റെ സു​പ്ര​ധാ​ന ചു​വ​ടു​വെ​പ്പാ​യി​ട്ടാ​ണ്​ പ്ലാ​ന്‍റി​നെ കാ​ണു​ന്ന​ത്.

സു​ൽ​ത്താ​നേ​റ്റി​ലെ പ്ര​ധാ​ന വൈ​ദ്യു​തി ശൃം​ഖ​ല​യു​മാ​യി ബ​ന്ധി​പ്പി​ക്കു​ന്ന ആ​ദ്യ​ത്തെ സ്റ്റേ​ഷ​നാ​ണ് ഈ ​പ്ലാ​ന്‍റ്. ഏ​ക​ദേ​ശം 155 ദ​ശ​ല​ക്ഷം റി​യാ​ൽ ചെ​ല​വി​ട്ടു​ള്ള പ​ദ്ധ​തി​യി​ലൂ​ടെ 500 മെ​ഗാ​വാ​ട്ട് വൈ​ദ്യു​തി ഉ​ൽ​പാ​ദി​പ്പി​ക്കാ​ൻ ക​ഴി​യും. ഇ​ത് ഏ​ക​ദേ​ശം 50,000 വീ​ടു​ക​ളി​ൽ വൈ​ദ്യു​തി എ​ത്തി​ക്കാ​ൻ പ​ര്യാ​പ്ത​മാ​ണെ​​ന്നാ​ണ്​ അ​ധി​കൃ​ത​രു​ടെ ക​ണ​ക്കു​കൂ​ട്ട​ൽ. പൊ​തു-​സ്വ​കാ​ര്യ പ​ങ്കാ​ളി​ത്ത​​തോ​ടെ​യാ​ണ്​ പ്ലാ​ന്‍റ്​ ത​യാ​റാ​ക്കി​യി​രി​ക്കു​ന്ന​ത്.