ഹൈദരലി ശിഹാബ് തങ്ങള്‍ അനുസ്മരണം
text_fields
മസ്കത്ത്: മസ്കത്ത് റൂവി കെ.എം.സി.സിയുടെ നേതൃത്വത്തില്‍ പാണക്കാട് ഹൈദരലി ശിഹാബ് തങ്ങള്‍ അനുസ്മരണം സംഘടിപ്പിച്ചു. കെ.എം.സി.സി ഹാളില്‍ നടന്ന പരിപാടിയില്‍ മസ്കത്ത് കെ.എം.സി.സി കേന്ദ്ര കമ്മിറ്റി വൈസ് പ്രസിഡന്റ് ഷമീര്‍ പാറയില്‍ അനുസ്മരണ സമ്മേളനം ഉദ്ഘാടനം ചെയ്തു.
സലാം ഫൈസി മുക്കം ഹൈദരലി തങ്ങള്‍ അനുസ്മരണ പ്രഭാഷണം നടത്തി. 75ാം വാര്‍ഷികം ആഘോഷിക്കുന്ന ഇന്ത്യന്‍ യൂനിയന്‍ മുസ്ലിം ലീഗിന്റെ പ്ലാറ്റിനം ജൂബിലിക്ക് ഐക്യദാര്‍ഢ്യവും ചടങ്ങില്‍ നടന്നു. പ്രസിഡന്റ് റഫീഖ് ശ്രീകണ്ഠപുരം അധ്യക്ഷത വഹിച്ചു. പി.എ.വി. അബൂബക്കര്‍ സംസാരിച്ചു. ജനറല്‍ സെക്രട്ടറി അമീര്‍ കാവനൂര്‍ സ്വാഗതവും മുഹമ്മദ് വാണിമേല്‍ നന്ദിയും പറഞ്ഞു.