അ​മേ​രി​ക്ക​യി​ലെ മി​ൽ​ട്ട​ൺ ചു​ഴ​ലി​ക്കാ​റ്റ്; ഒ​മാ​ൻ ദുഃ​ഖം രേ​ഖ​പ്പെ​ടു​ത്തി

മ​സ്ക​ത്ത്: ഫ്ലോ​റി​ഡ സം​സ്ഥാ​ന​ത്ത് വീ​ശി​യ​ടി​ച്ച മി​ൽ​ട്ട​ൺ ചു​ഴ​ലി​ക്കാ​റ്റി​ൽ ഒ​മാ​ൻ വി​ദേ​ശ​കാ​ര്യ മ​ന്ത്രാ​ല​യം അ​മേ​രി​ക്ക​യോ​ട് അ​നു​ഭാ​വം പ്ര​ക​ടി​പ്പി​ച്ചു. അ​മേ​രി​ക്ക​ൻ സ​ർ​ക്കാ​രി​നോ​ടും ജ​ന​ങ്ങ​ളോ​ടും ഇ​ര​ക​ളു​ടെ കു​ടും​ബ​ങ്ങ​ളോ​ടും ആ​ത്മാ​ർ​ഥ​മാ​യ അ​നു​ശോ​ച​ന​വും ദുഃ​ഖ​വും രേ​ഖ​പ്പെ​ടു​ത്തു​ക​യും, പ​രി​ക്കേ​റ്റ​വ​ർ വേ​ഗ​ത്തി​ൽ സു​ഖം പ്രാ​പി​ക്ക​ട്ടെ​യെ​ന്നും ആ​ശം​സി​ച്ചു. സം​സ്ഥാ​ന​ത്തി​​ന്‍റെ പ​ടി​ഞ്ഞാ​റ​ൻ തീ​ര​ത്ത് ക​ര​ക​യ​റി​യ കാ​റ്റ് മാ​ര​ക​മ​ായാ​ണ് വീ​ശി​യ​ടി​ച്ച​ത്.

125ലേ​റെ വീ​ടു​ക​ളാ​ണ് ബു​ധ​നാ​ഴ്ച ന​ശി​ച്ച​ത്. 28 അ​ടി​യോ​ളം ഉ​യ​ര​മു​ള്ള തി​ര​മാ​ല​ക​ളാ​ണ് ക​ര​യി​ലേ​ക്ക് ആ​ഞ്ഞ​ടി​ച്ച​ത്. ക​ടു​ത്ത വെ​ള്ള​പ്പൊ​ക്ക​ത്തി​ൽ വ്യാ​പ​ക നാ​ശ​ന​ഷ്ട​മു​ണ്ടാ​യി. സെ​പ്റ്റം​ബ​ർ അ​വ​സാ​ന​ത്തി​ല്‍ ക​ടു​ത്ത നാ​ശം വി​ത​ച്ച ഹെ​ല​ന്‍ ചു​ഴ​ലി​ക്കാ​റ്റി​ന്റെ ആ​ഘാ​ത​ത്തി​ല്‍നി​ന്ന് ക​ര​ക​യ​റു​ന്ന​തി​ന് മു​മ്പാ​ണ് ഫ്ലോറി​ഡ​യി​ല്‍ മി​ല്‍ട്ട​ണ്‍ ഭീ​തി വി​ത​ക്കു​ന്ന​ത്. വ​ട​ക്ക​ന്‍ ക​രോ​ലീ​ന, തെ​ക്ക​ന്‍ ക​രോ​ലീ​ന, ജോ​ര്‍ജി​യ,ഫ്ലോറി​ഡ, ടെ​ന്ന​സി, വെ​ര്‍ജീ​നി​യ എ​ന്നി​വി​ട​ങ്ങ​ളി​ല്‍ ഹെ​ല​ന്‍ വ്യാ​പ​ക നാ​ശം വി​ത​ച്ചി​രു​ന്നു.