മൂ​ട​ൽ​മ​ഞ്ഞും ചാ​റ്റ​ൽ മ​ഴ​യും ഉ​ട​നെത്തും; സ​ലാ​ല​ക്ക് സ​ന്തോ​ഷം

മ​സ്ക​ത്ത്: ഖ​രീ​ഫി​ന്റെ ഭാ​ഗ​മാ​യി വ​രും ദി​വ​സ​ങ്ങ​ളി​ൽ ദോ​ഫാ​റി​ൽ മൂ​ട​ൽ​മ​ഞ്ഞി​നും നേ​രി​യ ചാ​റ്റ​ൽ മ​ഴ​ക്കും സാ​ധ്യ​ത​യു​ണ്ടെ​ന്ന് ഒ​മാ​ൻ കാ​ലാ​വ​സ്ഥാ നി​രീ​ക്ഷ​ണ ഡ​യ​റ​ക്ട​ർ ജ​ന​റ​ൽ അ​ബ്ദു​ല്ല അ​ൽ ഖ​ദു​രി. സി​വി​ൽ ഏ​വി​യേ​ഷ​ൻ അ​തോ​റി​റ്റി സം​ഘ​ടി​പ്പി​ച്ച മാ​ധ്യ​മ സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ഗ​വ​ർ​ണ​റേ​റ്റി​ലേ​ക്കു​ള്ള സ​ന്ദ​ർ​ശ​ക​ർ​ക്ക് ഉ​ട​ൻ ത​ന്നെ അ​തി​ന്റെ പ​ച്ച​പ്പ് ആ​സ്വ​ദി​ക്കാ​ൻ ക​ഴി​യു​മെ​ന്ന് അ​ദ്ദേ​ഹം പ​റ​ഞ്ഞു. ജൂ​ലൈ, ആ​ഗ​സ്റ്റ് മാ​സ​ങ്ങ​ളി​ൽ അ​ൽ ഹ​ജ​ർ പ​ർ​വ​ത പ്ര​ദേ​ശ​ങ്ങ​ളി​ലും പ​രി​സ​ര​പ്ര​ദേ​ശ​ങ്ങ​ളി​ലും പ​തി​വി​ലും കൂ​ടു​ത​ൽ മ​ഴ ല​ഭി​ക്കാ​ൻ സാ​ധ്യ​ത​യു​ണ്ടെ​ന്നും അ​ദ്ദേ​ഹം വ്യ​ക്ത​മാ​ക്കി.

അ​തേ​സ​മ​യം, സെ​പ്​​റ്റം​ബ​ർ 21 വ​രെ നീ​ളു​ന്ന ഖ​രീ​ഫ്​ മ​ഴ​ക്കാ​ല​ത്തി​ന് ജൂ​ൺ 21നാ​ണ് തു​ട​ക്ക​മാ​യ​ത്. ഖ​രീ​ഫി​ന്‍റെ വ​ര​വ​റി​യി​ച്ച്​ ജ​ബ​ൽ പ്ര​ദേ​ശ​ങ്ങ​ളി​ൽ ദി​വ​സ​ങ്ങ​ൾ​ക്ക്​ മു​മ്പു​ത​ന്നെ മ​ഴ പെ​യ്തു തു​ട​ങ്ങി​യി​ട്ടു​ണ്ട്. എ​ന്നാ​ൽ, സ​ലാ​ല​യ​ട​ക്ക​മു​ള്ള ന​ഗ​ര​ങ്ങ​ളി​ൽ കു​റ​ച്ചു​ദി​വ​സ​മാ​യി മൂ​ടി​​ക്കെ​ട്ടി​യ അ​ന്ത​രീ​ക്ഷ​മാ​ണു​ള്ള​ത്. ന​ഗ​ര പ്ര​ദേ​ശ​ങ്ങ​ളി​ൽ ന​ല്ല ചൂ​ടാ​ണ​നു​ഭ​വ​പ്പെ​ടു​ന്ന​ത്. എ​ന്നാ​ൽ വ​രും ദി​വ​സ​ങ്ങ​ളി​ൽ ഇ​വി​​ടെ​യും മ​ഴ എ​ത്തു​മെ​ന്നു​ള്ള പ്ര​വ​ച​നം താ​മ​സ​ക്കാ​രും ക​ച്ച​വ​ട​ക്കാ​രും ഏ​റെ പ്ര​തീ​ക്ഷ​യോ​ടെ​യാ​ണ് വ​ര​​വ​​വേ​ൽ​ക്കു​ന്ന​ത്.

മ​ഴ ല​ഭി​ക്കു​ന്ന​തോ​ടെ സ​ലാ​ല​യ​ട​ക്ക​മു​ള്ള പ്ര​ദേ​ശ​ങ്ങ​ളു​ടെ മ​ന​സ്സി​ലും കു​ളി​ര്​ പ​ട​ർ​ത്തും. മ​ഴ ക​ന​ക്കു​ന്ന​തോ​ടെ മ​ല​നി​ര​ക​ളും താ​ഴ്​​വാ​ര​ങ്ങ​ളും പ​ച്ച പു​ത​ക്കും. പ​ച്ച​പ്പി​നൊ​പ്പം വെ​ള്ള​ച്ചാ​ട്ട​ങ്ങ​ളും രൂ​പം കൊ​ള്ളും. ഇ​തോ​ടെ ഖ​രീ​ഫ്​ മ​ഴ​ക്കാ​ലം ആ​സ്വ​ദി​ക്കാ​ൻ നി​ര​വ​ധി സ​ഞ്ചാ​രി​ക​ൾ​ ദോ​ഫാ​റി​ൽ എ​ത്തും. രാ​ജ്യ​ത്തു​നി​ന്നും പു​റ​ത്തു​നി​ന്നു​മാ​യി ദോ​ഫാ​റി​ലേ​ക്ക്​ സ​ഞ്ചാ​രി​ക​ളു​ടെ ഒ​ഴു​ക്കാ​യി​രി​ക്കും ഈ ​വ​ർ​ഷ​വും സാ​ക്ഷ്യം വ​ഹി​ക്കു​ക. ജി.​സി.​സി രാ​ജ്യ​ങ്ങ​ളി​ൽ​നി​ന്നാ​കും ഇ​ത്ത​വ​ണ​യും കൂ​ടു​ത​ൽ ആ​ളു​ക​ൾ എ​ത്തു​ക. സു​ൽ​ത്താ​നേ​റ്റി​ന്‍റെ മ​റ്റു ഭാ​ഗ​ങ്ങ​ളും ഇ​ത​ര ഗ​ൾ​ഫ് നാ​ടു​ക​ളും വേ​ന​ൽ ചൂ​ടി​ൽ വെ​ന്തു​രു​കു​​മ്പോ​ഴാ​ണ്​ പ്ര​കൃ​തി​യു​ടെ വ​ര​ദാ​ന​മെ​ന്ന​വ​ണ്ണം സ​ലാ​ല​യി​ൽ കു​ളി​ര​ണി​യി​ച്ച്​ മ​ഴ​യെ​ത്തു​ക.

പ്ര​കൃ​തി​ക്കു മാ​ത്രം വ​ശ​മു​ള്ള വി​രു​താ​ണി​ത്. മ​നം നി​റ​യെ പു​തു​മ​ഴ ആ​സ്വ​ദി​ക്കാ​നും ചാ​റ്റ​ൽ​മ​ഴ​യി​ല​ലി​ഞ്ഞ് സ്വ​യം മ​റ​ക്കാ​നും സ്വ​ദേ​ശി​ക​ളാ​യ നി​ര​വ​ധി​പേ​ർ ജ​ബ​ലു​ക​ൾ ക​യ​റും. ഇ​ട​വേ​ള​ക​ളി​ല്ലാ​തെ ച​ന്നം​പി​ന്നം പെ​യ്യു​ന്ന മ​ഴ ഗ​ൾ​ഫ് നാ​ടു​ക​ളി​ൽ സ​ലാ​ല​ക്ക് മാ​ത്ര​മാ​ണ് സ്വ​ന്തം. സീ​സ​ണി​ന്‍റെ തു​ട​ക്ക​ത്തി​ൽ സ​ലാ​ല​യോ​ട് ചേ​ർ​ന്ന മ​ല​നി​ര​ക​ളെ കു​ളി​ര​ണ​യി​ക്കു​ന്ന ചാ​റ്റ​ൽ മ​ഴ പി​ന്നീ​ട് പ്ര​ദേ​ശ​മാ​കെ പ​ട​രും. മ​ഴ​ത്തു​ള്ളി​ക​ൾ മ​ണ്ണി​ൽ പ​തി​യു​ന്ന​തോ​ടെ​യാ​ണ്​ വേ​ന​ലി​ൽ ഉ​ണ​ങ്ങി വ​ര​ണ്ട് കി​ട​ന്ന മ​ല​നി​ര​ക​ളി​ൽ ജീ​വ​ന്‍റെ പു​ൽ​ക്കൊ​ടി​ക​ൾ ദൃ​ശ്യ​മാ​വു​ക. മ​ഴ ക​ന​ക്കു​ന്ന​തോ​ടെ വെ​ള്ള​ച്ചാ​ട്ട​ങ്ങ​ളു​ടെ അ​ഴ​ക്​ വ​ർ​ധി​ക്കും. ഖ​രീ​ഫ്​ സീ​സ​ണി​​ന്‍റെ സു​ഗ​മ​മാ​യ ന​ട​ത്തി​പ്പ്​ ഉ​റ​പ്പാ​ക്കാ​ൻ വി​വി​ധ ക്ര​മീ​ക​ര​ണ​ങ്ങ​ളാ​ണ്​ റോ​യ​ൽ ഒ​മാ​ൻ പൊ​ലീ​സി​ന്‍റെ നേ​തൃ​ത്വ​ത്തി​ൽ ന​ട​ത്തി​യി​ട്ടു​ള്ള​ത്. വാ​ഹ​നാ​പ​ക​ട​ങ്ങ​ൾ ഒ​ഴി​വാ​ക്കാ​ൻ ല​ക്ഷ്യ​മി​ട്ട്​ സ​ലാ​ല​യി​ലേ​ക്കു​ള്ള റോ​ഡു​ക​ളി​ൽ പ​ട്രോ​ളി​ങും പ​രി​ശോ​ധ​ന​ക​ളും ഏ​ർ​പ്പെ​ടു​ത്തും.

ടൂ​റി​സം മ​ന്ത്രാ​ല​യം ‍ഖ​രീ​ഫി​ലേ​ക്ക് വി​നോ​ദ സ​ഞ്ചാ​രി​ക​ളെ ആ​ക​ർ​ഷി​ക്കാ​നാ​യി വി​വി​ധ മാ​ർ​ക്ക​റ്റി​ങ് കാ​മ്പ​യി​നു​ക​ളും ന​ട​പ്പാ​ക്കി. ഒ​രു മു​ൻ​നി​ര മ​ൺ​സൂ​ൺ ല​ക്ഷ്യ​സ്ഥാ​ന​മെ​ന്ന നി​ല​യി​ൽ ദോ​ഫാ​റി​നെ പ​രി​ച​യ​പ്പെ​ടു​ത്തു​ന്ന​തി​നാ​യി സോ​ഷ്യ​ൽ മീ​ഡി​യ പ്ര​വ​ർ​ത്ത​ന​ങ്ങ​ളും ശ​ക്ത​മാ​ക്കി. ഔ​ദ്യോ​ഗി​ക ക​ണ​ക്കു​ക​ൾ പ്ര​കാ​രം, 2024 ഖ​രീ​ഫ് സീ​സ​ണി​ൽ ദോ​ഫാ​ർ 1.048 ദ​ശ​ല​ക്ഷം സ​ന്ദ​ർ​ശ​ക​രാ​ണ് എ​ത്തി​യ​ത്. ഇ​ത് 2023നെ ​അ​പേ​ക്ഷി​ച്ച് ഒ​മ്പ​ത് ശ​ത​മാ​നം വ​ർ​ധ​ന​വാ​ണ്. ഒ​മാ​നി സ​ന്ദ​ർ​ശ​ക​രു​ടെ എ​ണ്ണം 70.1 ശ​ത​മാ​നം വ​ർ​ധി​ച്ച് 734,500 ആ​യി. അ​തേ​സ​മ​യം ഗ​ൾ​ഫ് സ​ന്ദ​ർ​ശ​ക​രു​ടെ എ​ണ്ണം 16.9 ശ​ത​മാ​നം ഉ​യ​ർ​ന്ന് 177,000 ആ​യി. മ​റ്റു അ​റ​ബ് രാ​ജ്യ​ങ്ങ​ളി​ൽ നി​ന്നു​ള്ള സ​ന്ദ​ർ​ശ​ക​രി​ലും 3.6 ശ​ത​മാ​നം നേ​രി​യ വ​ർ​ധ​ന​വ് രേ​ഖ​പ്പെ​ടു​ത്തി. ഈ ​വ​ർ​ഷം സ​ന്ദ​ർ​ശ​ക​രു​ടെ എ​ണ്ണം 10 മു​ത​ൽ 15 ശ​ത​മാ​നം വ​രെ വ​ർ​ധി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.