പുതിയ ന്യൂന മർദ്ദം രൂപപ്പെടുന്നു; വടക്കൻ ഗവർണറേറ്റുകളിൽ കനത്ത മഴ

മ​സ്ക​ത്ത്​: തേ​ജ്​ ചു​ഴ​ലി​ക്കാ​റ്റി​ന്​ പി​ന്നാ​ലെ രൂ​പ​പ്പെ​ടു​ന്ന ന്യൂ​ന​മ​ർ​ദ​ത്തി​ന്‍റെ ഭാ​ഗ​മാ​യി വ​ട​ക്ക​ൻ ഗ​വ​ർ​ണ​റേ​റ്റു​ക​ളി​ൽ ക​ന​ത്ത മ​ഴ ല​ഭി​ച്ചു. കാ​റ്റി​ന്‍റെ​യും ഇ​ടി​യു​ടെ​യും അ​ക​മ്പ​ടി​യോ​ടെ​യാ​ണ്​ മ​ഴ കോ​രി​ച്ചൊ​രി​ഞ്ഞ​ത്. അ​നി​ഷ്ട​സം​ഭ​വ​ങ്ങ​ളൊ​ന്നും എ​വി​ടെ​നി​ന്നും റി​പ്പോ​ർ​ട്ട്​ ചെ​യ്തി​ട്ടി​ല്ല.

വാ​ദി​ക​ൾ നി​റ​ഞ്ഞൊ​ഴു​കു​ന്ന​തി​നാ​ൽ ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ നി​ർ​ദേ​ശി​ച്ചു. റോ​ഡു​ക​ളി​ൽ വെ​ള്ളം ക​യ​റി ഉ​ൾ​പ്ര​ദേ​ശ​ങ്ങ​ളി​ൽ നേ​രി​യ തോ​തി​ൽ ഗ​താ​ഗ​ത ത​ട​സ്സ​​വും നേ​രി​ട്ടു. ഉ​ച്ച​ക്കു​ശേ​ഷം തു​ട​ങ്ങി​യ മ​ഴ വൈ​കീ​​​ട്ടോ​ടെ ശ​ക്തി​യാ​ർ​ജി​ക്കു​ക​യാ​യി​രു​ന്നു. മ​ഹ്​​ദ, ന​ഖ​ൽ, സു​​വൈ​ഖ്, ഖാ​ബൂ​റ, ഖ​സ​ബ്, റു​സ്താ​ഖ്, അ​ൽ​ഹം​റ, മു​ദൈ​ബി, തെ​ക്ക​ൻ സ​മാ​ഈ​ൽ തു​ട​ങ്ങി​യ സ്ഥ​ല​ങ്ങ​ളി​ലാ​ണ്​ സാ​മാ​ന്യം ഭേ​ദ​പ്പെ​ട്ട മ​ഴ ല​ഭി​ച്ച​ത്. മ​സ്ക​ത്ത​ട​ക്ക​മു​ള്ള ന​ഗ​ര പ്ര​ദേ​ശ​ങ്ങ​ൾ രാ​വി​ലെ മു​ത​ൽ​ക്കേ മൂ​ടി​ക്കെ​ട്ടി​യ അ​ന്ത​രീ​ക്ഷ​മാ​യി​രു​ന്നു. ന്യൂ​ന​മ​ർ​ദം രൂ​പ​പ്പെ​ടു​ന്ന​തി​ന്‍റെ ഭാ​ഗ​മാ​യി ബു​ധ​നാ​ഴ്ച ഹ​ജ​ർ പ​ർ​വ​ത​നി​ര​ക​ളി​ലും പ​രി​സ​ര പ്ര​ദേ​ശ​ങ്ങ​ളി​ലും ക​ന​ത്ത മ​ഴ​ക്ക്​ സാ​ധ്യ​ത​യു​ണ്ടെ​ന്ന്​ ഒ​മാ​ൻ കാ​ലാ​വ​സ്ഥ നി​രീ​ക്ഷ​ണം കേ​ന്ദ്രം അ​റി​യി​ച്ചി​രു​ന്നു.

അ​തേ​സ​മ​യം, രാ​ജ്യ​ത്ത്​ ഒ​ക്‌​ടോ​ബ​ർ 26നും 28​നും ഇ​ട​യി​ൽ ന്യൂ​ന​മ​ർ​ദം ബാ​ധി​ക്കു​മെ​ന്ന്​ ഒ​മാ​ൻ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. ഇ​തി​ന്‍റെ ഭാ​ഗ​മാ​യി രാ​ജ്യ​ത്തെ വ​ട​ക്ക​ൻ ഗ​വ​ർ​ണ​റേ​റ്റു​ക​ളി​ൽ ക​ന​ത്ത കാ​റ്റും മ​ഴ​യും ല​ഭി​ച്ചേ​ക്കും. ആ​ലി​പ്പ​ഴ​വും വ​ർ​ഷി​ക്കും.

വാ​ദി​ക​ൾ നി​റ​ഞ്ഞൊ​ഴു​കും. മു​സ​ന്ദം, തെ​ക്ക്​-​വ​ട​ക്ക്​ ബാ​ത്തി​ന, ബു​റൈ​മി, ദാ​ഹി​റ, മ​സ്‌​ക​ത്ത്, ദാ​ഖി​ലി​യ, വ​ട​ക്ക്​-​തെ​ക്ക്​ ശ​ർ​ഖി​യ ഗ​വ​ർ​ണ​റേ​റ്റു​ക​ളി​ൽ ശ​ക്ത​മാ​യ കാ​റ്റി​നൊ​പ്പം ഇ​ടി​മി​ന്ന​ലും ആ​ലി​പ്പ​ഴം ഉ​ൾ​പ്പെ​ടെ​യു​ള്ള ക​ന​ത്ത മ​ഴ​യും ല​ഭി​ച്ചേ​ക്കും.

ഒ​മാ​ൻ ക​ട​ൽ തീ​രം വ​രെ നീ​ളു​ന്ന ഹ​ജ​ർ മ​ല​നി​ര​ക​ളി​ലും സ​മീ​പ പ്ര​ദേ​ശ​ങ്ങ​ളി​ലു​മാ​ണ് ഏ​റ്റ​വും ശ​ക്ത​മാ​യ മ​ഴ പ്ര​തീ​ക്ഷി​ക്കു​ന്ന​ത്. വാ​ദി​ക​ൾ മു​റി​ച്ചു​ക​ട​ക്കാ​ൻ ശ്ര​മി​ക്ക​രു​തെ​ന്നും താ​ഴ്ന്ന പ്ര​ദേ​ശ​ങ്ങ​ളി​ൽ​നി​ന്ന്​ മാ​റി​നി​ൽ​ക്ക​ണ​മെ​ന്നും സി​വി​ൽ ഏ​വി​യേ​ഷ​ൻ അ​തോ​റി​റ്റി (സി.​എ.​എ) നി​ർ​ദേ​ശി​ച്ചു.വി​വി​ധ ഇ​ട​ങ്ങ​ളി​ൽ 20 മു​ത​ൽ 80 മി​ല്ലി​മീ​റ്റ​ർ വ​രെ മ​ഴ ല​ഭി​ച്ചേ​ക്കും. മ​ണി​ക്കൂ​റി​ൽ 28 മു​ത​ൽ 74 കി.​മീ​റ്റ​ർ വേ​ഗ​ത്തി​ലാ​യി​രി​ക്കും കാ​റ്റ്​ വീ​ശു​ക.