ഹൃദയാഘാതം: കണ്ണൂർ സ്വദേശി ഒമാനിൽ നിര്യാതനായി

മസ്​കത്ത്​: ഹൃദയാഘാതത്തെ തുടർന്ന്​ തലശേരി സ്വദേശി ഒമാനിൽ നിര്യാതനായി. കതിരൂർ ആറാം മൈൽ പൊന്നിയം സ്രാമ്പി അബൂബക്കറൻറവിടെ (എം.എ മൻസിലിൽ) സി.പി.മശ്ഹൂദി​െൻറ മകൻ ഷഹബാസ്​ (31) ആണ്​ മരിച്ചത്​.

തിങ്കളാഴ്​ച രാത്രി ഹൃദയാഘാതം അനുഭവപ്പെട്ട ഇദ്ദേഹത്തെ ആശുപത്രിയിൽ എത്തിച്ചെങ്കിലും മരിക്കുകയായിരുന്നു. കുടുംബസമേതം നിസ്​വയിലായിരുന്നു താമസം.

സലാലയിൽ ജോലി ചെയ്യുന്ന പിതാവ്​ മശ്​​ഹൂദ്​ മരണവിവരമറിഞ്ഞ്​ നിസ്​വയിലേക്ക്​ തിരിച്ചിട്ടുണ്ട്​. ഷഹബാസ്​ കഴിഞ്ഞ പത്തു വർഷമായി ഒമാനിലുണ്ട്​. കുറച്ച് വർഷങ്ങൾ സലാലയിൽ ജോലി ചെയ്തിരുന്നു. നിസ്​വ ലുലുവിലെ ഒമാൻ മൊബൈൽ ഷോപ്പിലെ (എ.ബി.ടി) ജീവനക്കാരനായിരുന്നു. മൃതദേഹം നിയമ നടപടികൾക്ക്​ ശേഷം ഒമാനിൽ ഖബറടക്കും.

ഭാര്യ: നഫീസ നാസ്നീൻ. മക്കൾ: അയ്​നാൻ (നാല്​ വയസ്​), അർവാൻ (മൂന്നു മാസം). ഷബാനയാണ്​ മാതാവ്​. മൂന്ന്​ സഹോദരിമാരും ഒരു സഹോദരനുമുണ്ട്.