ഹൃദയാഘാതം: പാലക്കാട്​ സ്വദേശി സലാലയിൽ നിര്യാതനായി

സലാല: പാലക്കാട് ജില്ലയിലെ ത്യത്താല കുമ്പിടി ആനക്കര സ്വദേശി ടി.ടി. ജോയി (55) സലാലയിൽ നിര്യാതനായി. ഹൃദയാഘാതത്തെ തുടർന്ന് രണ്ടാഴ്ചയായി സുൽത്താൻ ഖാബൂസ് ആശുപത്രിയിൽ ചികിത്സയിലായിരുന്നു. കഴിഞ്ഞ ആറ് വർഷമായി സാദയിൽ ഡ്രൈവറായി ജോലി ചെയ്ത് വരികയായിരുന്നു.

ഭാര്യ: പ്രഭ ഇന്ദിര. മക്കളില്ല. സുൽത്താൻ ഖബൂസ് ആശുപത്രിയിൽ മോർച്ചറിയിൽ സൂക്ഷിച്ചിരിക്കുന്ന മ്യതദേഹം നിയമ നടപടികൾക്ക് ശേഷം നാട്ടിൽ കൊണ്ടു പോകുന്ന കാര്യം തീരുമാനിക്കുമെന്ന് കൈരളി വൈസ് പ്രസിഡന്റ് ലത്തീഫ് അമ്പലപ്പാറ അറിയിച്ചു.