ഹെയർ ഡ്രസിങ്​ സലൂണുകൾ മാർഗനിർദേശങ്ങൾപാലിക്കണം

മസ്​കത്ത്​: കോവിഡ്​ വ്യാപനത്തി‍െൻറ പശ്ചാത്തലത്തിൽ ബ്യൂട്ടിസെൻററുകളും ഹെയർ ഡ്രസിങ്​സലൂണുകളും പൊതുവായുള്ള മുൻകരുതൽ നിർദേശങ്ങൾ പാലിക്കണമെന്ന്​ മസ്​കത്ത്​ നഗരസഭ ഓർമിപ്പിച്ചു.

പരമാവധി ശേഷിയുടെ അമ്പതുശതമാനം ആളുകളെ മാത്രമേ പ്രവേശിപ്പിക്കാവൂ. സ്ഥാപനത്തിനകത്തെ കസേരകൾ, ജീവനക്കാരുടെ എണ്ണം എന്നിവ പകുതിയാക്കണം. സർവിസ്​ ചെയറുകൾ തമ്മിൽ രണ്ടു മീറ്റർ അകലമിടണം.

തുണി ടൗവലുകൾക്ക്​ പകരം പേപ്പർ ടൗവലുകൾ ഉപയോഗിക്കണം. ഉപഭോക്​താക്കൾക്ക്​ ​ടൗവലുകൾ സ്വന്തമായി കൊണ്ടുവരുകയും ചെയ്യാം. പ്ലാസ്​റ്റിക്​ ഉപകരണങ്ങൾ ലോഹ ഉപകരണങ്ങൾക്ക്​ ഒപ്പം ഹീറ്റ്​ ബോക്​സിലോ അല്ലെങ്കിൽ യു.വി.എൽ ബോക്​സിലിട്ട്​ അണുവിമുക്​തമാക്കണം. കഴിയുന്നതും ഒറ്റത്തവണ ഉപയോഗിക്കാവുന്ന ഉപകരണങ്ങൾ ഉപയോഗിക്കണം. ടോയ്​ലെറ്റുകൾ ഇടക്കിടെ അണുവിമുക്​തമാക്കുക.

സാധ്യമെങ്കിൽ ഒരു ജോലിക്കാരനെ നിയമിക്കുക. സ്​ത്രീ ജീവനക്കാർ ഉപഭോക്​താക്കളുമായി ഭക്ഷണം പങ്കു​െവക്കുന്നത്​ അനുവദനീയമല്ല. ഇടക്കിടെ ശുചീകരിക്കുകയും രോഗാണുമുക്​തമാക്കുകയും ചെയ്യുക. സ്ഥാപനത്തിലെ വാതിൽ, കസേരകൾ, കാഷ് കൗണ്ടർ, അലമാരകൾ എന്നിവ ഇടക്കിടെ അണുമുക്​തമാക്കണം.

ഉപയോഗിക്കുന്ന ഉപകരണങ്ങൾ അടക്കമുള്ളവ പ്ലാസ്​റ്റിക്​ കവർ ഉപയോഗിച്ച്​ മൂടിയിടുക. രോഗാണുമുക്​തമാക്കുന്ന കാര്യങ്ങൾ എഴുതി സൂക്ഷിക്കുക. ജീവനക്കാരും ഉപഭോക്​താക്കളുമായുള്ള സംസാരം, പ്രത്യേകിച്ച്​ സേവനം നൽകു​േമ്പാൾ കുറക്കുകയും വേണമെന്നും നഗരസഭ നിർദേശത്തിൽ പറയുന്നു.