ഗൾഫ്​ മാധ്യമം ​ഐ.പി.എൽ ക്വിസ്​: അവസാനവട്ട വിജയികളെ പ്രഖ്യാപിച്ചു

മസ്​കത്ത്​: ​ഗൾഫ്​ മാധ്യമം ​ഐ.പി.എൽ മെഗാ ക്വിസ്സി​െൻറ അവസാന വട്ട വിജയികളെ പ്രഖ്യാപിച്ചു. ഒക്​ടോബർ 31 മുതൽ നവംബർ ഒമ്പത്​ വരെ ശരിയുത്തരങ്ങൾ അയച്ചവരിൽ നിന്നുള്ള ജേതാക്കളെയാണ്​ തെരഞ്ഞെടുത്തത്​.

നാഫിയ, സുനിൽകുമാർ, കെ.പി ഷാജിർ, ജഗദീഷ്​ പതിയിൽ, തസ്​നീം ബാനു, പി.എം അബ്​ദുൽ റഷീദ്​, റിഹാൻ സലീം, എൻ.നൈസാം, പൂർണശ്രീ, എ.എം മേഘാഞ്​ജന എന്നിവരാണ്​ പ്രതിദിന സമ്മാനങ്ങൾക്ക്​ അർഹരായത്​. ഇലക്​ട്രോണിക്​സ്​ ഉപകരണ രംഗത്തെ പ്രമുഖ സ്​ഥാപനമായ ജീപാസ്​ നൽകുന്ന സ്​റ്റെയിൻലെസ്​സ്​റ്റീൽ ഇലക്​ട്രിക്​ കെറ്റിലും വാബിൻസ്​ നൽകുന്ന ​െഎ.പി.എൽ ബ്രാൻഡഡ്​ സെറാമിക്​ കപ്പുമാണ്​ പ്രതിദിന സമ്മാനം.

ഒമാനിലെ പ്രമുഖ ധനവിനിമയ സ്​ഥാപനമായ അൽ ജദീദ്​ എക്​സ്​ചേഞ്ച്​ ആണ്​ മെഗാ ക്വിസി​െൻറ മുഖ്യ പ്രായോജകർ. മെഗാ സമ്മാനമായ സാംസങ്​ എ11 മൊബൈൽ ഫോൺ അൽ ജദീദ്​ എക്​സ്​ചേഞ്ച്​ ആണ്​ സ്​പോൺസർ ചെയ്യുന്നത്​.